13 މާޗް 2022
ކުރީގެ ރައީސް އަބްދުﷲ ޔާމީންގެ މައްޗަށް މަނީ ލޯންޑްރިންގެ ކުށް ސާބިތުނުވާ ކަމަށް ހުކުމް ކޮށްފައިވާތީ އެ މައްސަލައާ ގުޅިގެން އޭނާގެ މައްޗަށް ދައުވާ ނުކުރެވޭނެ ކަމަށް ރައީސް އޮފީހުގެ ކުރީގެ ލީގަލް އެފެއާޒް މިނިސްޓަރު އައިޝަތު އާޒިމާ ޝަކޫރު މިއަދު ވިދާޅުވެއްޖެ އެވެ.
މުއިއްޒު އިބްރާހިމް
ކުރީގެ ރައީސް އަބްދުﷲ ޔާމީންގެ މައްޗަށް މަނީ ލޯންޑްރިންގެ ކުށް ސާބިތުނުވާ ކަމަށް ހުކުމް ކޮށްފައިވާތީ އެ މައްސަލައާ ގުޅިގެން އޭނާގެ މައްޗަށް ދައުވާ ނުކުރެވޭނެ ކަމަށް ރައީސް އޮފީހުގެ ކުރީގެ ލީގަލް އެފެއާޒް މިނިސްޓަރު އައިޝަތު އާޒިމާ ޝަކޫރު މިއަދު ވިދާޅުވެއްޖެ އެވެ.
ރަސްމީ އިދާރާއަކަށް ދޮގު މައުލޫމާތު ދިނުމުގެ ދައުވާ އާއި މަނީ ލޯންޑްރިންއަށް މަގުފަހިކޮށް ދިނުމުގެ ދައުވާ އާޒިމާގެ މައްޗަށް ދައުލަތުން ކުރަނީ ޔާމީންގެ އެކައުންޓަށް ޖަމާވި އެއް މިލިއަން ޑޮލަރުގެ މައްސަލައާ ގުޅިގެންނެވެ. އެ މައްސަލާގައި ޔާމީނަށް ކުރި މަނީ ލޯންޑްރިންގެ ދައުވާ ސާބިތުނުވާ ކަމަށް ސުޕްރީމް ކޯޓުން މިދިޔަ އަހަރު ނިންމައި، އެމަނިކުފާނު ވަނީ މިނިވަންކޮށްފަ އެވެ.
ކްރިމިނަލް ކޯޓުގައި މިއަދު ބޭއްވި އަޑުއެހުމުގައި މަނީ ލޯންޑްރިންއަށް މަގުފަހިކޮށް ދިނުމުގެ ދައުވާއާ ގުޅިގެން އާޒިމާ ވިދާޅުވީ އޭނާގެ މައްޗަށް އެ ދައުވާ ނުކުރެވޭނެ ކަމަށެވެ. ސަބަބެއްގެ ގޮތުގައި ދެެއްކެވީ ޔާމީންގެ މައްސަލާގައި މަނީ ލޯންޑްރިންގެ ކުށުގެ އުންސުރުތައް ހަމަނުވާތީ އެމަނިކުފާނުގެ ކުށް ސާބިތުނުވާ ކަމަށް ސުޕްރީމް ކޯޓުން ނިންމާފައި ވުމެވެ.
އާޒިމާ ވިދާޅުވީ އަސްލު ކުށްކުރި މީހާ (ޕްރިންސިޕަލް) މައްޗަށް ކުށް ސާބިތު ނުވަނީސް، އެކަމުގައި ބައިވެރިވި މީހާ (އެކްސެސަރީ) މައްޗަށް ކުށް ސާބިތު ނުކުރެވޭނެ ކަމަށް ކުރިން ސުޕްރީމް ކޯޓުން ނިންމާފައިވާ ކަމަށެވެ.
މަނީ ލޯންޑްރިންއަށް މަގުފަހިކޮށް ދިނުމުގެ ދައުވާ ކުރަނީ ޔާމީނާއި އެންޓި ކޮރަޕްޝަން ކޮމިޝަން (އޭސީސީ)އާ އެކު އެސްކްރޯ އެކައުންޓެއް ހަދަން އާޒިމާ ލަފާ ދެއްވި ކަމަށް ބުނެ އެވެ. އެކަމަކު، އެފަދަ އެއްވެސް ލަފައެއް އޭސީސީއަށް ދީފައި ނޯންނާނެ ކަމަށާއި އެފަދަ ހެއްކެއް ވެސް ނެތް ކަމަށް އޭނާ ވިދާޅުވި އެވެ.
އާޒިމާ ވިދާޅުވި ގޮތުގައި އޭނާއަކީ އޭރު އޭސީސީއަށް ލަފާ ދެވޭ ފަދަ މަގާމެއްގައި ވެސް ހުރި ބޭފުޅެއް ނޫނެވެ. އޭސީސީން ގަބޫލުކުރަންޖެހޭނީ އެޓާނީ ޖެނެރަލްގެ ލަފާ އެކަނި ކަމަށާއި އެހެންވެ، އޭނާ ލަފައެއް ދިނަސް އޭސީސީން އެ ލަފާ ގަބޫލުކޮށްގެން ނުވާނެ ކަމަށް އާޒިމާ ވިދާޅުވި އެވެ. އަދި އެއް ކަމަކާ ގުޅިގެން ދެ ދައުވާއެއް ކޮށްފައިވާތީ އެކަން ވެސް އާޒިމާ ފާހަގަ ކުރެއްވި އެވެ.
ދައުވާއަށް ޖަވާބުދާރީވުމުގެ ކުރިން އާޒިމާގެ ފަރާތުން ދައުލަތާ ބައެއް ސުވާލުތައް ކުރިމަތިކުރި އެވެ. އެގޮތުން މަނީ ލޯންޑްރިންއަށް މަގުފަހިކޮށް ދިނުމުގެ ދައުވާ ކުރަނީ ރަސްމީ ހައިސިއްޔަތުން އޭނާ ކުރިކަމަކާ ގުޅިގެންތޯ ނުވަތަ ނޫންތޯ އޭނާގެ ފަރާތުން ސުވާލު ކުރި އެވެ.
ދައުލަތުން ބުނީ އާޒިމާ ހުންނެވީ ރަސްމީ މަގާމެއްގައި ކަމަށް ވިޔަސް، އޭނާއަށް ދައުވާ ކުރަނީ އަމިއްލަ ހައިސިއްޔަތުން ކުރި ކަމަކާ ގުޅިގެން ކަމަށެވެ.
ކުރިން އެ މައްސަލަ ބެއްލެވި ގާޒީ ހަސަން ސައީދު އެ މައްސަލައިން ތަނާޒުލްވުމުން އެ މައްސަލަ މިހާރު ބައްލަވަނީ ގާޒީ އަލީ އާދަމެވެ.
ދައުލަތުންނާއި އާޒިމާގެ ފަރާތުން ހެކި ހުށަހަޅަން 10 ދުވަހުގެ މުއްދަތެއް ގާޒީ ދެއްވި އެވެ.
ގާޒީ ވިދާޅުވީ އޭގެފަހުގައި ދެން އޮންނާނީ ހެކިތަކަށް މަދަނީ މިންގަނޑުން ބެލުމަށް ފަހު އެ މައްސަލަ ކުރިއަށް ގެންދެވޭނެތޯ ގޮތެއް ނިންމުން ކަމަށެވެ.
ފުއްގިރި މައްސަލަ މަޑުޖައްސާލަން އަންގައިފި
ޔާމީންގެ ޝަރީއަތް މާދަމާއިން ފެށިގެން ލައިވް
ހުކުމް އަވަސްކުރީ ހުރިހާ މައްސަލަތައް އެއްކޮށް ނިންމަން
ޔާމީން ދައުވާއަށް އިންކާރު،އަދިވެސް އެދެނީ ލައިވްކުރަން
ޔާމީން ޖަލަށް ނުލާ ފަނޑިޔާރުން ވަކިކުރަންޖެހޭ: އާޒިމް
ޔާމީންގެ ހުކުމް އަވަސްކުރީ ސަރުކާރުގެ ނުފޫޒުން: އިދިކޮޅު
އާރަށް މައްސަލައިގެ ހުކުމް ނޮވެމްބަރު މަހު އިއްވަނީ
ޔާމީން ފުރުން މަނާކުރުމުގެ އަމުރެއް ކޯޓުން ނުދިން
ޔާމީނަށް ކުރާ ދައުވާގެ އަޑުއެހުމެއް މާދަމާ ބާއްވަނީ
ނުފޫޒުު ފޯރުވުނު ނަމަ މިނިވަނެއް ނުކުރާނެ: ޔާމީން
