11 މާޗް 2022
ރާއްޖޭގެ ޓޫރިޒަމަށް 50 އަހަރު ފުރުން ފާހަގަ ކުރުމަށް ބޭނުން ކުރާ ލަވަ މިރޭ ނެރެފި އެވެ.
ރާއްޖޭގެ ޓޫރިޒަމަށް 50 އަހަރު ފުރުން ފާހަގަ ކުރުމަށް ބޭނުން ކުރާ ލަވަ މިރޭ ނެރެފި އެވެ.
ސޯޝަލް ސެންޓަރުގައި ބޭއްވި ހާއްސަ ރަސްމިއްޔާތެއްގައި އެ ލަވަ ނެރެދެއްވީ ރާއްޖޭގެ މިޔުޒިކީ ދާއިރާގެ މަޝްހޫރު ތިން ތަރިން ކަމަށްވާ މުހައްމަދު މާޖިދު (މެޒޯ މޯޑް) އާއި އެމޭޒަން ޖޭޑްގެ ވޯކަލިސްޓް އަބްދުއްރަޝީދު (އަބްސީ) އާއި ޒީރޯ ޑިގްރީ އެޓޯލްގެ އަހުމަދު ނާޝިދުގެ ދަރިފުޅު ނިޝް ނާޝިދު އެވެ. އެ ރަސްމިއްޔާތުގައި ޓޫރިޒަމް މިނިސްޓަރު އަބްދުﷲ މައުސޫމާއި ޓޫރިޒަމް މިނިސްޓްރީގެ އިސް ބޭފުޅުން ވެސް ބައިވެރިވެ ވަޑައިގަތެވެ.
ޓޫރިޒަމް މިނިސްޓްރީ އާއި ރާއްޖޭގެ މިޔުޒިޝަނުންގެ ޔޫނިއަނާ ގުޅިގެން ނެރުނު އެ ލަވައަށް ދީފައިވަނީ "ނަލަ ނަލަ ރާއްޖެ" އެވެ. އިނގިރޭސި އާއި ދިވެހިން ކިޔާފައިވާ އެ ލަވައިގެ ޅެމާއި މިޔުޒިކް ހަދާފައިވަނީ ދި ޓިއުން ބޭންޑުންނެވެ.
އެ ލަވައިން ރާއްޖޭގެ ރީތި މަންޒަރުތަކާއި ސަގާފަތް ދައްކުވައިދޭއިރު ލަވައިގެ ވީޑިއޯ ތައްޔާރު ކުރީ އޯކޭސް އިންނެވެ.
#MaldivesTourism50 Official Theme Song Launching, Thank you @mezzomohamed Absy and Nish for taking part of this historical ceremony @Mausoom_Maus @MoTmv #Maldives #NalanalaRaajje pic.twitter.com/XXMyOqbIPC
— Thayyib #Maldives (@thayyib) March 11, 2022
ޓޫރިޒަމަށް ހާއްސަ އެ ލަވައިގައި ދައްކުވައިދެނީ ރާއްޖެއަށް އަންނަ ޓޫރިސްޓަކަށް ފްލައިޓުމަތީގައި ފެންނަ ހުވަފެނެކެވެ. އެ ހުވަފެނުގައި އޭނާ ރާއްޖެ އައިސް ދިވެހިންނާ އެކު ނަށާ އުޅޭ ތަނާއި ކަނޑުއަޑީގެ ރީތިކަން ބަލާލަން ޑައިވް ކުރާ ތަނާއި ރާއްޖޭގެ ގުދުރަތީ ރީތިކަން އަމިއްލައަށް އިހުސާސް ކުރާ މަންޒަރުތައް ފެނެ އެވެ.
ލަވަ ނިމެނީ ފްލައިޓް ރާއްޖެ އަށް ލޭންޑް ކުރުމުން އޭނާއަށް ހޭލެވި އެއާޕޯޓުން ނުކުންނަ ތަނުންނެވެ.
ޓޫރިޒަމްގެ ރަން ޔޫބީލް ފާހަގަ ކުރަން ޓޫރިޒަމް މިނިސްޓްރީން އަންނަނީ ތަފާތު ހަރަކާތްތަކެއް ހިންގަމުންނެވެ. ރަން ޔޫބީލް ފާހަގަ ކުރަން ހާއްސަ ލޯގޯއަކާއި ސްޓޭމްޕެއް ވެސް މިހާރު ވަނީ ތައާރަފު ކޮށްފަ އެވެ.
މުޅި އަހަރަށް ބަހާލައިގެން އަދި ވެސް ގިނަ ހަަރަކާތްތައް ކުރިއަށްގެންދާނެ ކަމަށް ޓޫރިޒަމް މިނިސްޓްރީން ބުންޏެވެ.
ޓޫރިޒަމް މިނިސްޓްރީން ޓިކްޓޮކް ޗެލެންޖެއް
ޓޫރިޒަމްގެ ތަރައްގީން ކޯބިން އަށް ހައިރާންކަން!
ޓޫރިޒަމްގެ އަހަރީ އެވޯޑްތަކެއް ދޭން ނިންމައިފި
ވަށަފަރު ސިޓީ ހޮޓަލުގެ މައްސަލަ އަނެއްކާވެސް ހޫނުވެއްޖެ
ޗައިނާ ޓޫރިސްޓުންގެ އަދަދު ދެ ލައްކަ ހުރަސްކޮށްފި
ޓޫރިޒަމަށް އައްޑޫ ޕްރޮމޯޓްކުރަންވީ އިނގިރޭސިވިލާތުގައި
ދުވާލެއްގެ މައްޗަށް އަންނަ ޓޫރިސްޓުން 6،500 އަށް
މިނިސްޓްރީ އާއި އެމްއެމްޕީއާރްސީ އަކީ މިހާރު އެއް ޓީމް
ޓޫރިޒަމަށް ހާއްސަ ލޯނުތަކެއް ތައާރަފުކުރަނީ
"މާސްޓަ ޝެފް" ރާއްޖޭގައި ބާއްވަން މަސައްކަތް ކުރަނީ