ކޮވިޑަަށް އިތުރު 1،594 މީހަކު ޕޮޒިޓިވް

ކޮވިޑް-19 އަށް ރާއްޖެއިން އިއްޔެ 1،594 މީހަކު ޕޮޒިޓިވެއްޖެ އެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ ކޮވިޑް-19 އަށް އިއްޔެ ޕޮޒިޓިވްވި މީހުންގެ ތެރެއިން 857 މީހަކު ޕޮޒިޓިވްވީ މާލެ ސަރަހައްދުން ކަމަށާއި އަދި އަތޮޅު ތެރެއިން އެ ބައްޔަށް ޕޮޒިޓިވްވީ 438 މީހަކު ކަމަށެވެ. އަދި ރިސޯޓްތަކުން 118 މީހަކު އެ ބައްޔަށް ޕޮޒިޓިވްވި ކަމަށް ވެސް އެޗްޕީއޭއިން ބުންޏެވެ.

ކޮވިޑް-19 އަށް ރާއްޖެއިން މިހާތަނަށް 106،000 އަށް ވުރެ ގިނަ މީހުން ޕޮޒިޓިވް ވެފައިވާއިރު، އޭގެ ތެރެއިން 98،000 އަށް ވުރެ ގިނަ މީހުން އެ ބަލިން ރަނގަޅު ވެފައިވާތީ މިވަގުތު އެ ބައްޔަށް ފަރުވާ ހޯދަމުން އަންނަނީ 8،000 މީހުންނެވެ.

އޭގެ ތެރެއިން ހޮސްޕިޓަލްގައި ފަރުވާ ދެނީ 40 މީހަކަށެވެ.

ކޮވިޑް-19 އަށް ރާއްޖެއިން ޕޮޒިޓިވްވާ މީހުންގެ އަދަދު އަނެއްކާވެސް އިތުރުވާން ފެށުމުން ރައްކާތެރިކަމުގެ ފިޔަވަޅުތައް ދަނީ ވަރުގަދަ ކުރަމުންނެވެ. އެ ބަލީގައި މިހާތަނަށް ރާއްޖެއިން ވަނީ 265 މީހަކު މަރުވެފަ އެވެ.