16 ނޮވެމްބަރ 2021
ފިނޭންސް މިނިސްޓްރީގެ އެޕްރޫވަލް ނުލިބިގެން އިލެކްޝަންސް ކޮމިޝަންގެ މުވައްޒަފުންނަށް މަގާމާއި މުސާރައިގެ ކުރިއެރުން ނުދޭތާ އަށް އަހަރު ވެއްޖެ ކަމަށް އެ ކޮމިޝަނުން ބުނެފި އެވެ.
ފިނޭންސް މިނިސްޓްރީގެ އެޕްރޫވަލް ނުލިބިގެން އިލެކްޝަންސް ކޮމިޝަންގެ މުވައްޒަފުންނަށް މަގާމާއި މުސާރައިގެ ކުރިއެރުން ނުދޭތާ އަށް އަހަރު ވެއްޖެ ކަމަށް އެ ކޮމިޝަނުން ބުނެފި އެވެ.
މިދިޔަ އާދިއްތަ ދުވަހު އޮތް، ބަޖެޓު ދިރާސާކުރާ ކޮމިޓީގައި އިލެކްޝަންސްގެ ނައިބު ރައީސް އިސްމާއީލް ހަބީބު ވިދާޅުވީ އީސީގެ މުވައްޒަފުންގެ އަސާސީ މުސާރަ އަކީ ސިވިލް ސާވިސް މުވައްޒަފުންގެ މުސާރައާ އެއްވަރުގެ މުސާރައެއް ކަމަށާއި ކޮމިޝަންގެ މުވައްޒަފުންގެ މުސާރަތައް ފަށަނީ އެހެން މުއައްސަސާތަކުގައި ހުންނަހެން ބޮޑު މުސާރައަކުން ނޫން ކަމަށެވެ.
އެހެންވެ މުވައްޒަފުންގެ މަސައްކަތުގެ ފެންވަރު ބަލައި މަގާމުގެ ކުރިއެރުން ދޭނެ ކަމަށް އިލެކްޝަންސް ކޮމިޝަންގެ ގަވާއިދުގައި ބުނެފައި އޮތަސް ވޭތުވެ ދިޔަ އަށް އަހަރުގެ ތެރޭގައި އެ ކުރިއެރުން ދެވިފައި ނެތް ކަމަށް ވިދާޅުވި އެވެ.
"އަޅުގަނޑުމެން މުވައްޒަފުންގެ އެޕްރައިސަލް ހަދައި އެއީ ދޭންޖެހޭ ކަމެއްގެ ގޮތުގައި ފާހަގަކޮށްފައި ފިނޭންސް މިނިސްޓްރީއާ ހިސާބަށް ފޮނުވީމާ މިނިސްޓްރީން އެޕްރޫވަލް ނުލިބިގެން އެކަން ނުވެފައި އޮތީ،" ހަބީބް ވިދާޅުވި އެވެ.
އޭނާ ވިދާޅުވީ މުވައްޒަފުންނަށް މުސާރައިގެ ކުރިއެރުން ނުދެވޭ މައްސަލަ މިދިޔަ އަހަރު ވެސް މަޖިލީހުގެ ސަމާލުކަމަށް ގެނައުމުން މަޖިލީހުގެ މިނިވަން މުއައްސަސާތަކާބެހޭ ކޮމިޓީން ފިނޭންސް މިނިސްޓަރާ ބައްދަލުކުރުމަށް ފަހު މި އަހަރުގެ ޖުލައި މަހުގެ ތެރޭގައި އެކަމަށް ހައްލެއް ހޯދަވައިދެއްވާނެ ކަމަށް ބުނި ކަމަށެވެ.
އެކަމަކު އަނެއްކާ ވެސް ބަޖެޓުގެ ތާށިކަމާ އެކު މި އަހަރުވެސް އެކަން ވާން ނެތްކަމަށް އޮކްޓޯބަރު މަހު ފިނޭންސްުން އެންގި ކަމަށް ވިދާޅުވި އެވެ.
ހަބީބް ވިދާޅުވި ގޮތުގައި އިލެކްޝަންސް ކޮމިޝަންގެ މުސާރައިގެ ކުރިއެރުން ދިނުމަށް ކޮމިޝަންގެ ބަޖެޓަށް އިތުރު ހަތް ލައްކަ ރުފިޔާ ބޭނުންވެ އެވެ.
އަންނަ އަހަރަށް ލަފާކޮށް އެ ކޮމިޝަނަށް ކަނޑައަޅާފައިވާ 28 މިލިއަންގެ ބަޖެޓަކީ ވެސް އީސީގެ މެންޑޭޓުގައި ހުރި ކަންކަން ތަންފީޒުކުރެވޭ ވަރުގެ ބަޖެޓެއް ނޫން ކަމަށް އޭނާ ވިދާޅުވި އެވެ. ބަޖެޓުގެ 88 ޕަސެންޓު ހޭދަވަނީ ކޮމިޝަންގެ މުވައްޒަފުންގެ މުސާރަ އާއި ފެނާއި ކަރަންޓު އަދި ކުލި ފަދަ ކަންތައްތަކަށް ކަމަށާއި މެންޑޭޓު ތަންފީޒުކުރަން އޮތީ އެންމެ 12 ޕަސެންޓު ކަމަށް އޭނާ ވިދާޅުވި އެވެ.
ބޭނުންވެއްޖެނަަމަ އިތުރަށް ފައިސާ ޗާޕްކުރެވޭ ގޮތް ހަދަނީ
މާލީ ހާލަތުގެ ހަގީގަތް ކިޔައިދޭން ނާޒިމްގެ އިލްތިމާސް
އާ މިނިސްޓްރީތަކުގެ ބަޖެޓު ފޮނުވޭނީ އަންނަ ހޯމަ ދުވަހު
ޕީއެސްއައިޕީ ޕްރޮޖެކްޓްތައް ރިވިއުކުރަނީ
6.5 ބިލިއަން ރުފިޔާގެ ސަޕްލިމެންޓަރީ ބަޖެޓު ފާސްކޮށްފި
ހާލަތަށް ބަލައިގެން ސަބްސިޑީ ދޭގޮތަށް ބަދަލު ކުރަނީ
އާ ސަރުކާރުގެ 458 ޕްރޮޖެކްޓެއް ބަޖެޓުގައި ހިމަނައިފި
އަންނަ އަހަރަށް 49.5 ބިލިއަން ރުފިޔާގެ ބަޖެޓެއް
ބަޖެޓަށް 6.5 ބިލިއަން އިތުރުކުރަން މަޖިލީހަށް
އިދިކޮޅުން ހުށަހެޅި އިސްލާހާ ނުލައި ބަޖެޓް ފާސްކޮށްފި