ތިން މަހުގެ ކުއްޖާގެ މަރާ ގުޅިގެން ޑޮކްޓަރު ސަސްޕެންޑް ކޮށްފި

ގދ. ތިނަދޫ އަބްދުއް ސަމަދު މެމޯރިއަލް ހޮސްޕިޓަލުން ކޮވިޑްް-19 ފެސިލިޓީ އަށް ބަދަލުކޮށް ފަރުވާދެނިކޮށް މިއަދު މަރުވި އުމުރުން އެންމެ ތިން މަހުގެ ކުއްޖާގެ މަރާ ގުޅިގެން އެ ހޮސްޕިޓަލްގެ ޑޮކްޓަރަކު ސަސްޕެންްޑްކޮށްފި އެވެ.

އަބްދުއް ސަމަދު މެމޯރިއަލް ހޮސްޕިޓަލްގެ މެނޭޖަރު އަހުމަަދު ސައީދު "މިހާރު" އަށް ވިދާޅުވީ މިއަދު ތުއްތު ކުއްޖާ މަރުވީ ކޮވިޑް ޖެހިގެން ކަމަށް ފުރަަތަމަ ރިޕޯޓްކޮށްފައި ވިޔަސް، އެއީ ކޮވިޑް މަރެއް ނޫން ކަމަށް އެޗްޕީއޭއިން ނިންމާފައިވާ ކަމަށެވެ. އޭނާ ވިދާޅުވި ގޮތުގައި ތުއްތު ކުއްޖާ ކޮވިޑަށް ޕޮޒިޓިވްވިތާ މިއަދަށް މިއީ 16 ވަނަ ދުވަހެވެ. އަދި މިއީ އެ ބަލިން ރަނގަޅުވެގެން އެ ކުއްޖާ ހޮސްޕިޓަލުން ދޫކޮށްލަން އޮތް ދުވަސް ކަމަށް ވެސް އޭނާ ވިދާޅުވި އެވެ.

އެނގިފައިވާ ގޮތުގައި އެ ކުއްޖާ މަރުވީ ހޮސްޕިޓަލްގެ އިހުމާލުން ކަމަށް އާއިލާއިން ތުހުމަތު ކުރެ އެވެ. ސައީދު ވިދާޅުވި ގޮތުގައި ހޮސްޕިޓަލްގެ ބިދޭޭސީ ޑޮކްޓަރު ގޭގައި މަޑުކުރަން އެންގީ އެ މައްސަލަ ބަލައި ނިމެންދެނެވެ.