ހާބަޓް ނުލައި ގައުމީ ޓީމު ފުރައިފި، މިއަދު މަގާމުން ވަކިކުރާނެ ކަމަށް ބެލެވޭ

އޭޝިއަން ކަޕް ކޮލިފައިންގައި ޔަމަނާ ދެކޮޅަށް ކުޅެން ގައުމީ ޓީމު މިއަދު ގަތަރަށް ފުރި އިރު ކޯޗު ރިކީ ހާބަޓް ނުލައި ފުރައިފި އެވެ.

އެނގިފައިވާ ގޮތުގައި މިއަދުގެ ވަގުތެއްގައި އޭނާ މަގާމުން ވަކިކުރާނެ އެވެ. އަދި ޔަމަނު މެޗުގައި ޓީމަށް އިރުޝާދު ދޭނީ އެސިސްޓެންޓް ކޯޗު އިސްމާއިލް މަހެފޫޒެވެ.

ބުރާސްފަތި ދުވަހުގެ ރޭ ޔަމަން އަތުން ރާއްޖެ ބަލިވި މެޗަށް ފަހު ހާބަޓަށް ވަނީ ފާޑުކިޔުންތައް ވަރަށް ބޮޑަށް އަމާުޒުވެފަ އެވެ. ހާބަޓްގެ އިސްތިއުފާ އަށް ސަޕޯޓަރުން ގޮވާފައި ވާއިރު އޭނާ ބުނެފައި ވަނީ މަގާމާ މެދު ގޮތެއް ނިންމާނީ އެފްއޭއެމް އިން ކަމަށެވެ.