ރިއާނާ "ފެންޓީ" ގެ ދަށުން ސެންޓު އުފައްދަނީ

މަޝްހޫރު ލަވަކިޔުންތެރިޔާ ރިއާނާގެ ވިޔަފާރި ބްރޭންޑް "ފެންޓީ ބިއުޓީ" ގެ ދަށުން ސެންޓު އުފައްދަން ނިންމައިފި އެވެ.

ބާބެޑޯސް އަށް އުފަން ފަންނާނު މި ވާހަކަ އިންސްޓަގްރާމްގައި ހިއްސާކުރަމުން ބުނީ "ފެންޓީ" ސެންޓު ވަރަށް އަވަހަށް ނެރޭނެ ކަމަށެވެ. އަދި މި ސެންޓު ސިފަކޮށްފައި ވަނީ "ސެންޝުއަލް، ކޮންފިޑެންޓް، ސެކްސީ" އުފެއްދުމެއްގެ ގޮތުގަ އެވެ.

"ފެންޓީ" ސެންޓު ނެރޭނެ އިރަކާއި ސެންޓާ ބެހޭ އިތުރު އެއްވެސް ތަފުސީލެއް ރިއާނާ އަދި ނުދެ އެވެ. އެކަމަކު ބައެއް މީޑިއާތަކުން ބުނީ ފެންޓީ ބިއުޓީން ކުރާ ކޮންމެ 40 ޑޮލަރުން މަތީގެ ވިޔަފާރިއަކާ އެކު މި މަހުގެ 8 އިން ފެށިގެން ސެންޓުގެ ފްރީ ސާމްޕަލެއް ލިބޭނެ ކަމަށެވެ.

"ފެންޓީ ބިއުޓީ" އަކީ 2017 ގައި އުފަންވި ބްރޭންޑެކެވެ. މީގެ ދަށުން މޭކަޕް ސާމާނާއި ހެދުމާއި ފައިވާނާއި އެކްސަރީޒް އާއި އިނަވެއާ ވެސް ނެރެ އެވެ.

"ފެންޓީ ބިއުޓީ" ގެ އަގު މިހާރު ތިން ބިލިއަން ޑޮލަރަށް ވުރެ ބޮޑެވެ.