ހެޕީ މާކެޓުގެ 5 ވަނަ ފިހާރަ ހުޅުވައި، ޗޮކްލެޓް ފެސްޓިވަލެއް ފަށައިފި

ހެޕީ މާކެޓުގެ ފަސް ވަނަ ފިހާރަ ހުޅުމާލޭގައި ހުޅުވައި، އެ ކުންފުނިން ރާއްޖެ އެތެރެކޮށް ވިއްކާ މަޝްހޫރު ހާޝީސް ބްރޭންޑުގެ ޗޮކްލެޓަށް ހާއްސަ ޕްރޮމޯޝަނެއް ފަށައިފި އެވެ.

ހެޕީ މާކެޓުގެ އާ ފިހާރަ ހުޅުވާފައި ވަނީ ހުޅުމާލޭ ނިރޮޅު މަގުގަ އެވެ. އަދި އެ ފިހާރަ އިން މި މަހުގެ ނިޔަލަށް ހާޝީސް ބްރޭންޑުގެ ޗޮކްލެޓުން 10 ޕަސެންޓާ ހަމަ އަށް ޑިސްކައުންޓް ލިބޭނެ ކަމަށް ހެޕީ މާކެޓުން ބުންޏެވެ.

އެ ފިހާރަ ހުޅުވައި ފެސްޓިވަލް ފެށުމަށް ހެޕީ މާކެޓުން ވަނީ ހާޝީސްގެ އުފެއްދުންތަކުގެ ރަހަ އާންމުުންނަށް ދައްކާލާފައި އެވެ.

ހާޝީސްގެ އުފެއްދުންތަކަކީ ގިނަ ބައެއްގެ މެދުގައި މަގުބޫލު އަދި ފޮނި ކާތަކެތި ތައްޔާރު ކުރުމަށް ގިނަ ޝެފުން ބޭނުން ކުރާ އުފެއްދުންތަކެކެވެ. އެގޮތުން، އެ ބްރޭންޑުގެ އުފެއްދުންތައް ދުނިޔޭގެ 60 އަށް ވުރެ ގިނަ ގައުމުގައި ވިއްކަ އެވެ.

ހާޝީސް ކުންފުނީގެ އުފެއްދުންތަކުގެ ތެރޭގައި ކުކީސް އެންޑް ކްރީމް ބާ، މިލްކް ޗޮކްލެޓް ބާ، ކްރެކެޓް، މިސްޓާ ގުޑް ބާ، ރީސީސް ޕީނަޓް ބަޓާ ކަޕްސް، ރީސީސް ޕީސާސް އަދި ސްޓިކްސް، ޔޯކް އަދި ހާޝީސް ކިސާސް ހިމެނެ އެވެ.

ހާޝީސް ކުންފުނީގެ އުފެއްދުންތަކުގެ ތެރޭގައި ކުކީސް އެންޑް ކްރީމް ބާ، މިލްކް ޗޮކްލެޓް ބާ، ކްރެކެޓް، މިސްޓާ ގުޑް ބާ، ރީސީސް ޕީނަޓް ބަޓާ ކަޕްސް، ރީސީސް ޕީސާސް އަދި ސްޓިކްސް، ޔޯކް އަދި ހާޝީސް ކިސާސް ހިމެނެ އެވެ.