ލަންކާގެ ރަހަމީރު ޕްރިމިއަމް ރެވެލޯ ޗޮކްލެޓް ރާއްޖޭގެ މާކެޓަށް

ސްރީލަންކާގެ މަޝްހޫރު ޕްރިމިއަމް ޗޮކްލެޓެއް ކަމަށްވާ ރެވެލޯ ޗޮކްލެޓް ރާއްޖެއަށް ރަސްމީކޮށް ތައާރަފްކޮށްފި އެވެ.

މި ޗޮކްލެޓް ރާއްޖެއަށް ތައާރަފްކޮށް، ވިއްކަނީ ރާއްޖޭގައި ކޮލެޓީ ގިނަ ބްރޭންޑުތަކެއްގެ އުފެއްދުންތައް ވިއްކަމުންދާ ޕިރަމިޑުންނެވެ. އެ ފިހާރައިން ރެވެލޯ ޗޮކްލެޓް ތައާރަފްކުރީ މިދިޔަ ހުކުރު ދުވަހު އާއްމުންނަށް އެ ޗޮކްލެޓުގެ ރަހަ ތަޖުރިބާ ކުރުމުގެ ފުރުސަތު ދިނުމަށް ބޭއްވި ޓޭސްޓް ޓެސްޓިން އިވެންޓުގަ އެވެ.

މި ޗޮކްލެޓް ރަސްމީކޮށް ހުކުރު ދުވަހު ތައާރަފްކުރި ނަމަވެސް، މިދިޔަ މަހުގެ ފަހުކޮޅު ރާއްޖޭގެ މާކެޓުގައި މި ޗޮކްލެޓް ވަނީ ވިއްކަން ފަށައިފަ އެވެ.

ރެވެލޯގެ ރަހަ ދައްކާލުމަށް ބޭއްވި އިވެންޓުގައި ޕިރަމިޑުން ތައާރަފްކުރި ރެވެލޯ ޗޮކްލެޓުގެ ހަ ފްލޭވާގެ ރަހަ ވެސް ވަނީ ދައްކާލައިފަ އެވެ. ރާއްޖެއަށް ތައާރަފްކުރި ރެވެލޯގެ ހަ ފްލޭވާ އަކީ މިލްކާއި އާމަންޑާއި ފްރުޓް އެންޑް ނަޓްސްގެ އިތުރުން ހޭޒަލް ނަޓާއި ކްރިސްޕީޒް އަދި ކެޝޫ އެވެ. ކޮކޯ ބަޓާއާ އެކު ތައްޔާރުކޮށްފައިވާ މި ޗޮކްލެޓްގައި ނަޓް ބޭނުން ކޮށްފައިހުރި ޗޮކްލެޓުތަކުގައި ކްރަންޗީކޮށް ނަޓުކޮޅުކޮޅު, ހެފެން ހުރެ އެވެ.

ގިނަ ބައެއްގެ ހޫނު ތަރުހީބު ލިބުނު ޓޭސްޓް ޓެސްޓިން އިވެންޓުގައި މި ޗޮކްލެޓުގެ ރަހަތައް ގިނަ ބަޔަކަށް ކަމުދިޔަ އެވެ.

ރެވެލޯ ޗޮކްލެޓް ރާއްޖޭގައި ވިއްކަން ފެށުމާ ގުޅުވައިގެން، އައިފޯން 16އެއް ލިބޭ ހާއްސަ ޕްރޮމޯޝަނެއް ވެސް ޕިރަމިޑުން ވަނީ ފަށައިފަ އެވެ. މި ޕްރޮމޯޝަނުގައި ރެވެލޯގެ ޗޮކްލެޓު ހުންނަ ފިހާރަތަކުގެ ތެރެއިން ފިހާރައަކުން ޗޮކްލެޓު ގަތުމަށްފަހު, ޗޮކްލެޓު ބަހައްޓާފައި ހުންނަ ހަރުގަނޑުގައި ހަރުކޮށްފައިވާ ކިއުއާރް ކޯޑް ސްކޭން ކުރުމުން ލިބޭ ގޫގުލް ފޯމް ފުރުމުން ޕްރޮމޯޝަންގައި ބައިވެރިވެވޭނެ އެވެ. ރެވެލޯ ޗޮކްލެޓް ވިއްކާ ފިހާރަތަކުގައި ޗޮކްލެޓް ބަހައްޓާފައި ހުންނަ ޝެލްފުތަކުގައި މި ކިއުއާރް ކޯޑް ހުންނާނެ އެވެ.

މި ޗޮކްލެޓަކީ ފެންވަރު ރަނގަޅު ޗޮކްލެޓެއްކަން ޔަގީންކުރުމުގެ ގޮތުން ޗޮކްލެޓް ތައްޔާރުކޮށްފައި ވަނީ ތާޒާ ޕްރިމިއަމް އިންގްރިޑިއަންޓްގައި އެންމެ ފަހުގެ ޓެކްނޮލޮޖީއާ އެކު ރައްކާތެރިކަމާ އެކު ކަމަށް މި ޗޮކްލެޓް އުފެއްދި ކުންފުނިން ބުނެ އެވެ. މި ޗޮކްލެޓަކީ ރާއްޖޭގައި ގިނަ ބައެއްގެ މެދުގައި މަގުބޫލު މަންޗީޒް ކުންފުނީގެ އުފެއްދުމެކެވެ.