ކަރަންޓީންނުވެ ރަށްރަށަށް ދަތުރުކުރެވޭ ގޮތް ހަމަޖެހޭނެ

ވެކްސިން ފުރިހަމަކޮށް 2 ހަފުތާ ފަހުން ރަށްރަށަށް ދަތުރު ކުރެވޭ ގޮތް ވަރަށް އަވަހަށް ހަމަޖެހޭނެ: ރައީސް

15 އެޕްރީލް 2021

ކޮވިޑް-19 އިން ރައްކާތެރިވާން ޖަހާ ވެކްސިންގެ ދެ ޑޯޒް ފުރިހަމަ ކުރާތާ ދެ ހަފުތާ ފަހުން، ކަރަންޓީން ނުވެ މާލެ އިން ރަށްރަށަށް ދަތުރުކުރެވޭނެ ގޮތް ވަރަށް އަވަހަށް ހަމަޖައްސާނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

ލަމްޔާ އަބްދުﷲ

ކޮވިޑްގެ ފުރަތަމަ ކޭސް މާލެ އިން ފެނި، ފުލް ލޮކްޑައުން އަކަށް ދިޔަތާ މިއަދަށް އެއް އަހަރުވުމާ ގުޅިގެން އެމަނިކުފާނު މިރޭ ކުރެއްވި ޓްވީޓެއްގައި އެކަން އިއުލާންކުރައްވަމުން ވިދާޅުވީ އެއްވެސް ހުރަހެއް ނެތި ދަތުރު ކުރެވޭނެ ގޮތް ވަރަށް އަވަހަށް ހަމަޖައްސާނެ ކަމަށެވެ.

A year ago today, Malé city went into lockdown following its first positive Covid19 case.

As we wait for life to return to normal, I’m happy to announce that those who’ve had 2 weeks pass since their 2nd vaccine dose can soon travel freely to the atolls.

?@LiquefyMaldives pic.twitter.com/NADQxga27U
— Ibrahim Mohamed Solih (@ibusolih) April 15, 2021

ރަށްރަށަށް ދަތުރުކުރުމުގައި ލުއިތައް ދިނުމާ ގުޅިގެން ރައީސް ކުރެއްވި ޓްވީޓް

"ނިއު ނޯމަލް އަކަށް ދިރިއުޅުން ދާނެ ކަމަށް އިންތިޒާރުކުރަމުން އަންނަ އިރު، އަޅުގަނޑު އުފަލާ އެކު ދަންނަވަން ވެކްސިންގެ ދެ ޑޯޒް ޖަހާތާ ދެ ހަފްތާ ފަހުން އެއްވެސް ހުރަހެއް ނެތި އަތޮޅުތަކަށް ވަރަށް އަވަހަށް ދަތުރުކުރެވޭނެކަން،" ރައީސް ވިދާޅުވި އެވެ.

ކޮވިޑުން ރައްކާތެރިވާން ރާއްޖޭގައި ވެކްސިން ޖަހަން ފެށީ މިދިޔަ ފެބްރުއަރީ މަހު އެވެ. އަދި މިދިޔަ ހޮނިހިރު ދުވަހު ދެވަނަ ޑޯޒް ޖަހަން ވެސް ވަނީ ފަށައިފަ އެވެ. މިހާތަނަށް 274،782 މީހުން ވެކްސިންގެ ފުރަތަމަ ޑޯޒް ޖަހާފައިވާ އިރު، ދެވަނަ ޑޯޒް ޖަހާފައި ވަނީ 28،970 މީހުންނެވެ.

ދެވަނަ ޑޯޒް ޖެހުމަށް ފަހު ކަރަންޓީން ނުވެ ރަށްރަށަށް ދަތުރު ކުރެވޭނެ ކަން މީގެ ކުރިން ވެސް ކަމާ ބެހޭ ފަރާތްތަކުން ވަނީ ހާމަކޮށްފަ އެވެ. އެކަމަކު އެ ހުއްދަ ދެނީ ކޮން ދުވަހަކުން ފެށިގެން ކަން އަދި ކަނޑައެއް ނާޅަ އެވެ. މާލެ އިން ރަށްރަށަށް މިހާރު ދާ ނަމަ 14 ދުވަހުގެ ކަރަންޓީނެއްގައި ތިބެން ޖެހެ އެވެ.

Comments