10 ފެބުރުއަރީ 2021
ކޮމިއުނިކޭޝަން، ސައިންސް އެންޑް ޓެކްނޮލޮޖީ މިނިސްޓަރު މަލީހު ޖަމާލްގެ އިތުބާރު ނެތްކަމުގެ މައްސަލަ މިއަދު ރައްޔިތުންގެ މަޖިލީހަށް ހުށަހަޅައިފި އެވެ.
ކޮމިއުނިކޭޝަން، ސައިންސް އެންޑް ޓެކްނޮލޮޖީ މިނިސްޓަރު މަލީހު ޖަމާލްގެ އިތުބާރު ނެތްކަމުގެ މައްސަލަ މިއަދު ރައްޔިތުންގެ މަޖިލީހަށް ހުށަހަޅައިފި އެވެ.
ސަރުކާރު ކޯލިޝަންގައި ހިމެނޭ އެމްޑީޕީގެ ޕާލިމަންޓް ގްރޫޕު (ޕީޖީ) ލީޑަރު އަލީ އާޒިމް ކުރެއްވި ޓްވީޓުގައި ވިދާޅުވީ، އެ ޕާޓީގެ ފަރާތުން މަލީހުގެ އިތުބާރު ނެތްކަމުގެ މައްސަލަ މަޖިލީހަށް ހުށަހަޅުއްވާފައިވާ ކަމަށެވެ.
ޖުމްހޫރީ ޕާޓީގެ ސްލޮޓުގައި މިނިސްޓަރުކަމުގައި ހުންނެވި މަލީހު މަގާމުން ވަކިކޮށްދިނުމަށްދިނުމާ މެދު ގޮތެއް ނިންމަން އެމްޑީޕީ ޕީޖީއަށް، ގަލޮޅު ދެކުނު ދާއިރާގެ މެމްބަރު މީކާއިލް ނަސީމް މިދިޔަ ނޮވެމްބަރު މަހު ވެސް ހުށަހެޅުއްވި އެވެ. އެކަމަކު، މަޖިލީހަށް ހުށަހެޅުމުގެ ބަދަލުގައި އެމްޑީޕީ ޕީޖީން އޭރު ނިންމީ ރައީސް އިބްރާހިމް މުހައްމަދު ސޯލިހަށް ހުށަހަޅުއްވައިގެން އެ މައްސަލަ ކުރިއަށް ގެންދާށެވެ.
އެ މައްސަލައާ ގުޅޭ ގޮތުން މަލީހު މީގެ ކުރިން "މިހާރު" އަށް ވިދާޅުވީ އޭނާގެ އިތުބާރު ނެތް ކަމުގެ މައްސަލައެއް ހުށަހަޅަން މަޖިލީހުގެ އެމްޑީޕީގެ މެމްބަރުން އުޅުއްވަނީ އަދާކުރައްވަން ޖެހިވަޑައިގަންނަވާ ޒިންމާއެއްގައި ފަރުވާކުޑަކުރައްވައިގެން ނޫން ކަމަށެވެ. ހައްގެއްގެ ބޭނުން ކުރެއްވުމުން އިތުބާރު ނެތިއްޖެ ނަމަ، ބޭއިންސާފުގެ ކުރިމަތީގައި ކުޑަކަކޫ ނުޖަހާނެ ކަމަށް އޭނާ އޭރު ވިދާޅުވި އެވެ.
މީކާއިލް ހުށަހެޅުއްވި މައްސަލައިގައި ވަނީ މަގާމުގައި ހުންނަވާތާ ދެ އަހަރު ވެގެންދިޔައިރު ވެސް ޓެލެކޮމިއުނިކޭޝަން ގާނޫނުގެ ދަށުން ކޮމިއުނިކޭޝަން އޮތޯރިޓީން ހަދަންޖެހޭ އެއްވެސް ގަވައިދެއް ހަދާފައިނުވާ ކަމަށެވެ. އެ ގާނޫނުން ހަދަން ލާޒިމްކޮށްފައިވާ ގަވައިދުތަކަކީ ރާއްޖޭގެ ޓެލެކޮމް ސިނާއަތް ފުރިހަމައަށް ރެގިއުލޭޓްކޮށް ހިންގުމަށް ކޮންމެހެން ބޭނުންވާ ގަވައިދުތަކަކަށްވެފައި އެ ގަވައިދުތައް ނުހެދި ލަސްވެގެންދާ ކޮންމެ ދުވަހަކީ ދައުލަތާއި ރައްޔިތުންނަށް އެތައް ގެއްލުންތަކެއް ކުރިމަތިކުރުވާ ކަމެއް ކަމަށް ވިދާޅުވި އެވެ.
އެކަމަކު މަލީހު ވިދާޅުވީ ކޭމް ހިންގަނީ ބޯޑެއް އައްޔަންކޮށް ސީއީއޯއެއްގެ ދަށުން ކަމަށާއި އެ ގަވައިދު ހެދުމަށް އިލްތިމާސްކުރައްވާފައިވާނެކަން ފާހަގަކުރެއްވި އެވެ.
މަލީހުގެ އިތުބާރުގެ މައްސަލަ ޕީޖީއަށް އޭރު ހުށަހެޅީ، ރާއްޖޭގައި ބަރުލަމާނީ ނިޒާމަކަށް ޖާގަ ނުދެއްވާނެ ކަމަށް ވިދާޅުވެ ރައްޔިތުންގެ މަޖިލީހަށް ފާޑުވިދާޅުވުމުން މަޖިލީހުގެ ބައެއް މެމްބަރުންގެ ނުރުހުން މަލީހަށް ވަނީ އަމާޒުވެފައި އޮއްވަ އެވެ.
"ނަޝީދު ވަކިކުރަން އުޅެގެން އެމްޑީޕީ ވާނީ ބަލި"
ރައީސް ވަކިކުރާނެ ކަމުގެ އިންޒާރު އާޒިމް ދީފި
އޮޅުވާލުމެއް ކަމަށް ވިދާޅުވެ އާޒިމްގެ ރައްދު ފައްޔާޒަށް
ވޯޓުން ވަކިކުރިޔަސް، ކޯޓު ހުކުމުން ވަތްކެއް ނުވޭ!
މަލީހުގެ އިތުބާރު ނެތް ކަމަށް މަޖިލީހުން ފާސްކޮށްފި
މަލީހުގެ ތުހުމަތުތަކާ އެކު މައްސަަލަ ކޮމިޓީ އަށް
މިއީ ކޯޓެއް ނޫން، އިތުރު ވާހަކަ ނުދައްކާ: އާޒިމް
ތިން މިނިސްޓަރުން ނުކުރި މަސައްކަތް ކުރިން: މަލީހު
މަލީހު: ދެކޮޅަށް އުޅެނީ ވަކި ފެކްޝަނަކުން
މަލީހުގެ މައްސަލަ މާދަމާއަށް ތާވަލުކޮށްފި