"ދާކަޅް"ގެ ޑައިރެކްޓަރަށް ކަންގަނާގެ ތައުރީފު

07 ފެބުރުއަރީ 2021

ބަތަލާ ކަންގަނާ ރަނާވަތު މިހާރު ކުޅެމުން އަންނަ ފިލްމު "ދާކަޅް" ގެ ޑައިރެކްޓަރު ރަޒްނީޒް ގާއި (ރާޒީ) އަށް ތައުރީފުކޮށްފި އެވެ.

އަހުމަދު އަދްޝަން

ފިލްމުގެ ޝޫޓިންގެ ހަވާސާ އިން ކުރިއަށް ގެންދާ ރިހާސަލްތަކުގެ ވީޑިއޯއެއް ޓްވިޓާގައި ހިއްސާކޮށް ހުނަރުވެރި ބަތަލާ ބުނީ މީގެ ކުރިން ރިހާސްތަކަށް އެހާ ބޮޑު ސަމާލުކަމެއްދޭ ޑައިރެކްޓަރަކާ ކުރިން ދިމާނުވާ ކަމަށެވެ.

އެކްޝަން ތުރިލާއެއްގެ ގޮތުގައި ހަދާ "ދާކަޅް" އަކީ ކަންގަނާގެ ވަރަށް ވަރުގަދަ އެކްޝަން މަންޒަރުތަކެއް ފެންނާނެ ފިލްމެކެވެ. މި ފިލްމު ވަރުގަދަވާނެ ކަމަށް އިޝާރާތްކޮށް އޭނާ ބުނީ ފިލްމުގެ އެންމެ އެކްޝަން މަންޒަރަކަށް ވެސް 25 ކްރޯޑް ރުޕީސް (3.43 މިލިއަން ޑޮލަރު) އަށް ވުރެ ބޮޑު ހޭދައެއްކޮށްފައިވާ ކަމަށެވެ.

Never saw a director who gives so much time and importance to rehearsals, one of the biggest action sequences will be shot from tomorrow night but amazed with the amount of prep, getting to learn so much, more than 25 crores being spent on a single action sequence #Dhaakad pic.twitter.com/zbU70VOT4b
— Kangana Ranaut (@KanganaTeam) February 5, 2021

"ދާކަޅް" ގެ ޝޫޓިން ކުރިއަށް ގެންދަނީ ބޯޕާލްގަ އެވެ. މި ފިލްމުގެ ކާސްޓްގައި އަރުޖުން ރާމްޕާލާއި ދިވްޔާ ދައްތާ ވެސް ހިމެނެ އެވެ. އަރުޖުން އަކީ ފިލްމުގެ ވިލަން އެވެ.

ކަންގަނާ ކުރިން ބުނެފައިވާ ގޮތުގައި މި ފިލްމަކީ ބޮލީވުޑްގެ ބަތަލާއެއްގެ ފުރަތަމަ "ފުލް-ފުލެޖް" އެކްޝަން ފިލްމެވެ. "ދާކަޅް" ގެ ޝޫޓިން ކަންގަނާ މިދިޔަ މަހުގެ ތެރޭގައި ފެށީ ވެސް އެކްޝަންތަކުގެ ޓްރޭނިންތަކެއް ހެދުމަށް ފަހު އެވެ.