13 ޖެނުއަރީ 2021
މިދިޔަ އަހަރު ރާއްޖޭގައި އޭ ލެވެލް ހެދި ހަމައެކަނި ދަރިވަރުންގެ ނަތީޖާ ރަނގަޅު ކަމަށް ބިލަބޮންގް ހައި އިންޓަނޭޝަނަލް ސްކޫލް ހިންގާ އައިލެންޑާސް ގްރޫޕް އިން މިއަދު ބުނެފި އެވެ.
މިދިޔަ އަހަރު ރާއްޖޭގައި އޭ ލެވެލް ހެދި ހަމައެކަނި ދަރިވަރުންގެ ނަތީޖާ ރަނގަޅު ކަމަށް ބިލަބޮންގް ހައި އިންޓަނޭޝަނަލް ސްކޫލް ހިންގާ އައިލެންޑާސް ގްރޫޕް އިން މިއަދު ބުނެފި އެވެ.
ކޮވިޑް-19 ފެތުރުން ހުއްޓުވަން އެޅި ފިޔަވަޅުތަކާ ހެދި ސިލަބަސް ފުރިހަމަކުރަން ފުރުސަތު ނުލިބުމުން ސަރުކާރުން ނިންމީ މިދިޔަ އަހަރުގެ އޯ ލެވެލް އަދި އޭލެވެލް އިމްތިހާން ފަސްކުރާށެވެ. ނަމަވެސް ބިލަބޮންގް ގެ ގްރޭޑް 12 ކިޔަވަމުން އައި 10 ދަރިވަރުން އެކުދިންގެ އޭ ލެވެލް އިމްތިހާނު ފުރިހަމަކުރި އެވެ.
އައިލެންޑާސް އިން ބުނީ އެންމެ ރަނގަޅު ނަތީޖާ ލިބުނު ދަރިވަރު ހެދި ހުރިހާ މާއްދާއަކުން އޭ ސްޓާ ހޯދި ކަމަށެވެ. އެއީ ގްރޭޑް އެކަކުން ފެށިގެން އޭ ލެވެލްއާ ހަމައަށް ބިލަބޮންގުގައި ކިޔަވަމުން އައި ދަރިވަރެއް ކަމަށް ވެސް އައިލެންޑާސް އިން ބުންޏެވެ.
ބިލަބޮންގް ހައި ސްކޫލްގެ ވައިސް ޕްރިންސިޕަލް އިސްމާއިލް ޝާނިމް ވިދާޅުވީ ކޮވިޑާ ގުޅިގެން ކުރިމަތިވި ދަތި ހާލަތުގައި ވެސް އެ ސްކޫލްގެ ދަރިވަރުންގެ ނަތީޖާ އެހާ ރަނގަޅުވީ އެ ކުދިން ކުރި ހިތްވަރާއި ބުރަ މަސައްކަތުން ކަމަށެވެ.
އިމްތިހާނުގައި ބައިވެރިވި 10 ދަރިވަރުންގެ ތެރެއިން ހަތް ދަރިވަރުން ވަނީ ހުރިހާ މާއްދާއަކުން ފާސްވެފަ އެވެ. ތިން މާއްދާއިން ފާސްވި ދަރިވަރުންގެ އަދަދު ނުވަޔަކަށް އަރަ އެވެ.
ޝާނިމް ވިދާޅުވީ ލޮކްޑައުން ދުވަސްވަރު އޮންލައިންކޮށް ކްލާސްތައް ކުރިއަށް ގެންދިޔަ ނަމަވެސް ސެކަންޑަރީ ސްކޫލްތައް ހުޅުވަން ހުއްދަ ދިނުމުން ޕްރެކްޓިކަލް ބައިތައް ހަދަން ހުރިހާ ކުދިން ސްކޫލަށް ނެރުނު ކަމަށެވެ.
"އެންމެ ފުރަތަމަ ދުވަހުން ފެށިގެން ވެސް ކްލާސްތަކުގެ ހާޒިރީ ވަރަށް ރަނގަޅު. ދަރިވަރުންގެ ހިތްވަރާއި، މުދައްރިސުންގެ ހީވާގި ކަމާއި، ބެލެނިވެރިން ދެއްވި އެއްބާރުލުން ވަރަށް ފުރިހަމަ،" ޝާނިމް ވިދާޅުވި އެވެ.
ޓީޗަރުންތަކެއް ކިޔަވައިދޭން ކުރި އަގުހުރި މަސައްކަތް
އިންގިލާބީ ސާނަވީ ތައުލީމު، ފިންލަންޑް އިންޓަނޭޝަނަލުން
ފިންލެންޑްގެ އޯލޫ ޔުނިވަސިޓީން ޓީޗަރުން ތަމްރީނުކުރަނީ
ޗެމްޕިއަންސް ރައުންޑަށް ދިވެހި ކުދިން އެމެރިކާއަށް
ފޭސް2 ގެ އިންޓަނޭޝަނަލް ސްކޫލް އައިލެންޑާސް އަށް
ސްކޫލުތައް ނުހުޅުވާތީ އައިލެންޑާސްއިން އެޗުޕީއޭއަށް
މުއްދަތު ދިގުކުރި ދިރާސީ އަހަރުގެ ބޭނުން ގެއްލެނީ
ބީއައިއެޗްއެސްގައި ކިޔެވުން ނުހުއްޓި ދަސްވެނިވެއްޖެ
އާބަން ގާޑެނިން ޕްރޮގްރާމް އައިލެންޑާސް އިން ފަށައިފި
އިންޓަނޭޝަނަލް ސްކޫލުތަކަށް ޑޭޓާ ދިނުން ހުއްޓާލައިފި