ޓެކްސް އެޕީލް ޓްރައިބިއުނަލަށް ފަސް މެމްބަރުން ރައީސް އައްޔަނުކުރައްވައިފި

ޓެކްސް އެޕީލް ޓްރައިބިއުނަަލަށް ފަސް މެމްބަރުން ރައީސް އިބްރާހިމް މުހައްމަދު ސޯލިހު މިއަދު އައްޔަން ކުރައްވައިފި އެވެ.

ޓްރައިބިއުނަލްގައި މަސައްކަތް ކުރައްވަމުން ގެންދެވި މެމްބަރުންގެ ދައުރު އިއްޔެގެ ނިޔަލަށް ހަމަވާތީ، ޓްރައިބިއުނަލްގެ މެމްބަރުކަމަށް ކުރިމަތިލާން ހުޅުވައިލީ މިދިޔަ އޮކްޓޫބަރު މަހެވެ.

މި މަގާމަށް އަލަށް އައްޔަން ކުރެއްވި ބޭފުޅުންގެ ތެރެއިން ތިން މެމްބަރުންނަކީ އެ ޓްރައިބިއުނަލަށް އާ ބޭފުޅުންނެވެ. މެމްބަރުން އައްޔަން ކުރުމުގެ ކުރިން ރައްޔިތުންގެ މަޖިލީހުން އެ ފަސް ބޭފުޅުންނަށް ރުހުން ދެއްވި އެވެ.

ޓްރައިބިއުނަލަށް އަލަށް އައްޔަން ކުރި މެމްބަރުން

- މުހައްމަދު މުނައްވަރު އަލީ، ވެސްޓްބީޗް، އއ. މަތިވެރި

- ފާތިމަތު މިންހަތު އިއްޒަތު، ގ. ގޮފި، ކ. މާލެ

- ހުސެއިން ޒައިދާން، މ. ފާމްދޭރިގެ، ކ. މާލެ

- އިސްމާއިލް ސާޖިދު، މއ. ވިލާރޮދި، ކ. މާލެ

- އަހުމަދު އަޝްރަފު، ދަފްތަރު ނަންބަރު ރސ 7883

ޓްރައިބިއުނަލަށް އައްޔަނުކުރި މެމްބަރުންގެ މެދުގައި ނެގި ސިއްރު ވޯޓަކަށް ފަހު މިދިޔަ ދައުރުގައި މަސައްކަތް ކުރެއްވި މުނައްވަރު ރައީސް ކަމަށް އަދި މިންހަތު ވަނީ ނައިބު ރައީސް ކަމަށް ހޮވައިފަ އެވެ.

ޓެކްސް އެޕީލް ޓްރައިބިއުނަލްގެ މެމްބަރެއްގެ ދައުރަކީ ފަސް އަހަރެވެ.