އެމްސްޓަޑަމްގެ އާންމު ތަންތަނަށް ކުޑަކަމުދާތީ ތަފާތު ހައްލެއް

23 އޯގަސްޓް 2020

ނެދަލެންސްގެ އެމްސްޓަޑަންގެ އާންމު ތަންތަނަށް ކުޑަކަމުދާތީ އެ މައްސަލަ އަށް ހައްލެއް ހޯދަން، ގަސް އިންދާފައި ހުންނަ ޕޮޓްތަކެއް ސިފަވާ އާންމު ފާހާނާތަކެއް ބަހައްޓައިފި އެވެ.

އަހުމަދު އަދްޝަން

އެމްސްޓަޑަމްގައި އެންމެ ގިިނައިން ކުޑަކަމުދާ ކަމަށް ފާހަގަކުރެވޭ ތަންތަނުގައި "ގްރީން ޕީސް" ގެ ނަން ދީފައިވާ 12 ފާހާނާ ވަނީ ބަހައްޓައިފަ އެވެ. ދުރުން ފެންނަ އިރު މިއީ ގަސް ޕޮޓްތަކެއްގެ ގޮތުގައި ފެނުނަސް ކައިރި އަށް ގޮސް ބަލައިލުމުން މިއީ ކޮއްޅަށް ހުރެގެން ކުޑަކަމުދެވޭ ގޮތަށް ބަހައްޓާފައި ހުރި "ޕަބްލިކް ޓޮއިލެޓް" ކަން އެނގޭނެ އެވެ. މި އެއްޗެހީގެ މަތިން ފެންނާނީ ރީތިކޮށް ހެދިފައި ހުންނަ ގަސްތަކެވެ.

De nieuwe 2 persoons GreenPee's, het circulaire urinoir, staan te popelen om naar buiten te gaan. meer weten info@urbansenses.nl #urinoir #circulair #energietransitie #greenpee pic.twitter.com/TWSlOtcbR4
— Urban Senses (@UrbanSenses1) June 15, 2020

ކުޑަކަމުދާން، ތިމާވެއްޓާ ރައްޓެހި އުފެއްދުމެއްގެ ގޮތުގައި "ގްރީން ޕީސް" ތައްޔާރުކުރީ އާބަން ސެންސަސް ކިޔާ ޑަޗް ކުންފުންޏަކުންނެވެ.

De GreenPee wordt goed gebruikt op de Dutch Design Week. Veel leuke reacties ook! #ddw #circulair #urinoir https://t.co/u45IkLSHsF
— Urban Senses (@UrbanSenses1) October 25, 2019

މި ޕްރޮޖެކްޓްގައި އިސްކޮށް އުޅުނު އެންވަޔަރަމަންޓް ސައިކޮލޮޖިސްޓް ރިޗަޑް ޑި ރީޒް ވިދާޅުވީ މި އެއްޗިއްސަކީ އެމްސްޓެޑަމްގެ ކައުންސިލްގެ އެދުމުގެ މަތިން ތައްޔާރުކުރި އެއްޗެއް ކަމަށެވެ. އަދި މި މަސައްކަތް އެންމެ ފުރަތަމަ ޕައިލެޓް ޕްރޮޖެކްޓެއްގެ ގޮތުގައި ފަށައި މިހާތަނަށް އައި އިރު ކާމިޔާބު މަސައްކަތެއްގެ ގޮތުގައި ފާހަގަކުރެވިފައިވާ ކަމަށް ވިދާޅުވި އެވެ.

Ze staan er! Op 12 plekken in Amsterdam centrum vind je de GreenPee. Een circulaire combi tussen een plantenbak en een urinoir #greenpee #circulair #urinoir pic.twitter.com/NCWcnFGl90
— Urban Senses (@UrbanSenses1) August 17, 2020

"މި އެއްޗެހި ޓެސްޓަކަށް ބޭނުންކުރަން ފެށި ފަހުން، އާންމު ތަންތަނަށް ކުޑަކަމުދާ މައްސަލަ ފަންސާސް ޕަސެންޓަށް ދަށްވެފައިވޭ. ކުރިން ތާރީހީ، ދުވަސްވީ އިމާރާތްތަކުގެ ފާރަށާއި އެ ނޫން ވެސް ތަންތަނަށް ކުޑަކަމުދާތީ އެފަދަ ތަންތަން ހަޑިވާ މައްސަލަ ވަރަށް ބޮޑު،" ރިޗަޑް ވިދާޅުވި އެވެ. "މީތި ކާމިޔާބު އެއްޗަކަށްވެފައިވާތީ ގްރީން ޕީސް މިހާރު އިތުރުކުރަން ވެސް ވާނީ ނިންމާފައި."

އޭނާ ވިދާޅުވި ގޮތުގައި "ގްރީން ޕީސް" ފަރުމާކޮށްފައި ހުރީ އާންމު ފާހާނާތަކަށް ވުރެ އެ ތަކެތި ބަލައްޓަން ވެސް ފަސޭހަކޮށެވެ. އަދި މީގެ އެންމެ ބޮޑު އެއް ފައިދާ އަކީ ތިމާވެއްޓާ ފައިދާކުރާ އެއްޗަކަށްވެފައި ހަރަދު ވެސް ކުޑަވުމެވެ. އެގޮތުން "ގްރީން ޕީސް" ތައްޔާރުކޮށްފައި ވަނީ އެއަށް ޖަމާވާ ކުޑަކަމުދާ ތަކެތިން އޯގަނައިކް ފާޓިލައިޒާ އާއި ފެން އުފެއްދޭ ގޮތަށެވެ.

"އެ އެއްޗެހި މި ބޭނުން ކުރަނީ އެކި ތަންތަނުގައި ގަސް ހެއްދުމަށް،" ރިޗަޑް ވިދާޅުވި އެވެ. "ގްރީން ޕީސް އަކީ ހަގީގަތުގައި ބަލާލަން ޗާލު އެއްޗަކަށްވެފައި ވަރަށް ފަންކްޝަނަލް އެއްޗެއް. އަހަރެމެންގެ ވިސްނުން މިހާރު ހުރީ ގްރީން ޕީސް އެހެން ގައުމުތަކަށް ވެސް ތައާރަފުކޮށް މި އެއްޗިއްސަށް ޖަމާވާ ކުޑަކަމުދާތަކެތި ބޭނުންކޮށްގެން ހަކަތަ ވެސް އުފައްދަން."

Comments