17 އޯގަސްޓް 2020
ކަނޑުތައް ސާފުކުރުމަށް ބޭނުންވާ ގިނަ އަދަދެއްގެ ސާމާނު ޖަޕާނު ސަރުކާރުން އެމްއެންޑީއެފަށް މިއަދު ހަދިޔާކޮށްފި އެވެ.
ލަމްޔާ އަބްދުﷲ
ކަނޑުތައް ސާފުކުރުމަށް ބޭނުންވާ ގިނަ އަދަދެއްގެ ސާމާނު ޖަޕާނު ސަރުކާރުން އެމްއެންޑީއެފަށް މިއަދު ހަދިޔާކޮށްފި އެވެ.
ހުޅުމާލެ ކޯސްޓް ގާޑު ބަނދަރު ސަރަހައްދުގައި ބޭއްވި ރަސްމިއްޔާތެއްގައި، ޖަޕާނު ސަރުކާރުން ވަނީ 2.8 މިލިއަން ޑޮލަރުގެ (43 މިލިއަން ރުފިޔާ) ސާމާނު ރާއްޖެ އަށް ހަދިޔާކޮށްފަ އެވެ. ޖަޕާނުން ރާއްޖެ އަށް ކަނޑައަޅާފައިވާ ސަފީރު ކެއިކޯ ޔަނާ ހަވާލުކުރެއްވި މި ތަކެއްޗާ ހަވާލުވެވަޑައިގަތީ ޑިފެންސް މިނިސްޓަރު މާރިޔާ އަހުމަދު ދީދީ އެވެ.
Hon. Minister of Defence @MariyaDidi received Marine Pollution Response Equipment from the Japanese Government today. Ambassador HE Keiko Yanai handed over the equipment on behalf of Japan. The equipment was delivered in 2020 to enhance the pollution response capacity in MNDF pic.twitter.com/AWqUZyRCGE
— Maldives National Defence Force (@MNDF_Official) August 17, 2020
އެމްއެންޑީއެފުން މިއަދު ކުރި ޓްވީޓެއް
މިއީ ރާއްޖެ އާއި ޖަޕާނާއި ދެމެދު 2018 ވަނަ އަހަރު ވެފައިވާ "އެކްސްޗޭންޖް އޮފް ނޯޓްސް" އެއްބަސްވުމުގެ ދަށުން ހަދިޔާކުރަން ނިންމާފައިވާ ތަކެތި ކަމަށް ޖަޕާނުން ބުންޏެވެ. އެ އެއްބަސްވުމުގެ ހަދިޔާކޮށްފައިވާ ތަކެތީގެ ތެރޭގައި އަށް އޮއިލް ބޫމް އާއި އަށް އޮއިލް އެބްސޯބަންޓް ބޫމް އާއި ހަތަރު ކްރޭން ޓްރަކާއި ދެ ހައި ޕްރެޝާ ވޮޝަރު އާއި އެ ތަކެއްޗަށް ހާއްސަ ދެ ޖެނަރޭޓަރު ހިމެނެ އެވެ. އޮއިލް ބޫމް އުފުލާނެ އުޅަނދެއް ވެސް ޖަޕާނު ސަރުކާރުން ވަނީ ރާއްޖެއަށް ހަދިޔާކޮށްފަ އެވެ. ނަމަވެސް އެ އުޅަނދު ރާއްޖެއާ ހަމައަށް އަންނާނީ އަންނަ އަހަރު ކަމަށް އެ ގައުމުން ބުންޏެވެ.
މިދިޔަ އަހަރު ޖަޕާނުގައި ކުރިއަށް ގެންދިޔަ ހާއްސަ ތަމްރީން ޕްރޮގްރާމެއްގައި ރާއްޖޭގެ ކޯސްޓް ގާޑުގެ ފަސް އޮފިސަރުން ވަނީ ބައިވެރިވެފަ އެވެ. ރައީސް އިބްރާހިމް މުހައްމަދު ސޯލިހު އާއި އެ މަނިކުފާނުގެ އަނބިކަނބަލުން ފަޒްނާ އަހުމަދު އެ ގައުމަށް މިދިޔަ އަހަރު ކުރެއްވި ދަތުރުފުޅެއްގައި، އެ ތަމްރީން ކުރިއަށް ދިޔަ ސެންޓަރަށް ރައީސް އާއި ފަސްޓް ލޭޑީ ވަޑައިގަތެވެ.
ތެޔޮ ޓޭންކަރުގެ މައްސަލައަކީ ބޮޑު ރޭވުމެއް: މިނިސްޓަރު
"މަޖިލިސް މެމްބަރުން ފާރުމަތިން އުކުން މާޒީވެއްޖެ"
މާރިޔާގެ ތާއީދު ރައީސަށް، އެދުނީ ސިފައިން ސިޔާސީނުވާން
ބްރިގޭޑިއާ މަތީން ސިފައިންގެއިން ރިޓަޔާކުރައްވައިފި
ކާމިޔާބަކީ ގޮންޖެހުންތަކާ އެކު ހޯދި ތަރައްގީ: މާރިޔާ
ރާއްޖޭގެ ބޯޑަރު ސެކިއުރިޓީ ވަރުގަދަކުރަން ޖަޕާނުގެ އެހީ
މާރިޔާ ވިދާޅުވީ ފާޑުކިޔަނީ އަންހެނެއް ވީމަ ކަމަށް
ބޯޑާ މެނޭޖްމަންޓް ސްޓްރެޓެޖީގެ ޑްރާފްޓް ނިމިއްޖެ
ޖަޕާނުން ކޯސްޓްގާޑަށް މުހިންމު އާލާތްތަކެއް ހަދިޔާކޮށްފި
މި ރޭންކުގައި ސަމްހާ ބަދަލުކޮށްލީ އެމްއެންޑީއެފް ތާރީހް
