ދިވެހިން މިތިބީ ލުބުނާނު ރައްޔިތުންނާ އެކު: ރައީސް

05 އޯގަސްޓް 2020

ލުބުނާނުގައި ރޭ ބާރުގަދަ ގޮވުންތަކެއް ގޮވައި އެތައް ބަޔަކު މަރުވި ނުރައްކާތެރި ހާދިސާއާ ގުޅިގެން ރައީސް އިބްރާހީމް މުހައްމަދު ސޯލިހު ތައުޒިޔާ ފޮނުއްވައިފި އެވެ.

މުހައްމަދު ނަސީމް

ރައީސް މިއަދު ކުރެއްވި ޓްވީޓެއްގައި ވިދާޅުވީ ދިވެހިން ތިބީ ލުބުނާނު ރައްޔިތުންނާ އެކު ކަމަށާއި ދުއާތަކާއި ވިސްނުން ވަނީ މަރުވި އަދި ޒަހަމްވީ މީހުންނާއި އެ މީހުންގެ އާއިލާތަކާ އެކުގައި ކަމަށެވެ. އެ މަނިކުފާނު އެ ހާދިސާ ސިފަކުރެއްވީ ދުލުން ބަޔާން ނުކުރެވޭ ފަދަ ބޮޑު ގެއްލުމެއްގެ ގޮތުގަ އެވެ.

Beirut ge govun: Hisaabugandu ekkoh bimaahama

The most trusted news source in the Maldives

Mihaaru

"އަޅުގަނޑުުމެންގެ ވިސްނުމާއި ދުއާތައް ވަނީ ގެއްލުން ލިބުނު މީހުންނާއި އެ މީހުންގެ އާއިލާތަކާ އެކު. އަދި މި ބިރުވެރި ހާދިސާގެ އަސަރުކުރި އެންމެންނާ އެކު،" ޓްވީޓްގައި ރައީސް ވިދާޅުވި އެވެ.

Maldives stands in solidarity with the people of Lebanon following the unspeakable carnage and loss of life caused by the deadly explosion in Beirut yesterday. Our thoughts and prayers are with the victims, their families and all affected by this terrible tragedy.
— Ibrahim Mohamed Solih (@ibusolih) August 5, 2020

ރައީސްގެ ޓްވީޓް

ލުބުނާނުގެ ވެރިރަށް ބެއިރޫތުގެ ބަނދަރުމަތީ ސަރަހައްދުގައި ރޭ ގޮވި ބާރުގަދަ ގޮވުންތަކުގެ ސަަބަބުން މަރުވި މީހުންގެ އަދަދު މިހާރު ވަނީ 100 އަށް ވުރެ މަތިވެފަ އެވެ. އެ ހާދިސާގައި 4000 އަށް ވުރެ ގިނަ މީހުން ޒަހަމްވި އެވެ. އެ ހާދިސާގައި ލިބުނު ގެއްލުންތަކުގެ ބޮޑުކަމުން ލުބުނާނުގައި މިއަދު ވަނީ ކުއްލި ނުރައްކަލުގެ ހާލަތު އިއުލާނުކޮށްފަ އެެވެ.

ގޮވާތަކެތި ރައްކާކޮށްފައިވާ ގުދަނެއްގައި ހިނގި ކަމަށް ބެލެވޭ އެ ހާދިސާގައި ގޮވި ގޮވުންތަކުގެ ސަބަބުން ބޭރޫތުގެ ބޮޑު ބަޔަކަށް ޝޮކްވޭވެއް ފެތުރި މާ ދުރުގައިވާ އިމާރާތްތަކަށް ވެސް ގެއްލުން ލިބުނެވެ. ވެއްޓުނު އިމާރާތްތަކުގެ ދަށުން މީހުން ހޯދަން މަސައްކަތް އަދިވެސްް މަސައްްކަތް ކުރަމުން އަންނަ އިރު، މަރުވި މީހުންގެ އަދަދު އަދިވެސް އިތުރުވާނެ ކަމަށް ލުބުނާނުގެ އޮފިޝަލުންނާ ހަވާލާދީ ބައިނަލް އަގުވާނީ މީޑިއާތަކުން ބުންޏެވެ.

Comments