ކޮވިޑް-19: އިތުރު ހަތަރު ދިވެއްސަކު ޕޮޒިޓިވްވެއްޖެ

ރާއްޖެ އިން ކޮވިޑް-19 އަށް އިތުރު ފަސް މީހަކު ޕޮޒިޓިވްވެއްޖެ ކަމަށް އެޗްޕީއޭ އިން ދެންމެ ބުނެފި އެވެ.

އެ އިދާރާ އިން ބުނީ މިރޭގެ 8:30 އާ ހަމަށް މިއަދު ޕޮޒިޓިވްވީ ބަންގްލަދޭޝްގެ ހަތަރު މީހަކާއި ސްރީ ލަންކާގެ މީހެއް ކަމަށެވެ. އެހެންވެ، ރާއްޖެ އިން ކޮވިޑް-19 ޖެހުނު މީހުންގެ މިހާރުގެ ޖުމުލަ އަކީ 1،083 އެވެ.

މިދިޔަ މާޗް 7 ން ފެށިގެން މިހާތަނަށް ރާއްޖެ އިން 1،000 އަށް ވުރެ ގިނަ މީހުންނަށް އެ ބަލި ޖެހިފައިވާއިރު މިހާތަނަށް ވަނީ 59 މީހަކު ރަނގަޅުވެފަ އެވެ. ހަތަރު މީހަކު ވަނީ މަރުވެފަ އެވެ. މިހާރު ފަރުވާ ހޯދަމުން އަންނަނީ 1،020 މީހެކެވެ.

ރާއްޖެ އިން އެންމެ ގިނައިން ކޮވިޑް-19 ޖެހިފައި ވަނީ ބަންގްލަދޭޝްގެ މީހުންނަށެވެ. އެ ގައުމު 561 މީހަކަށް އެ ބަލި ޖެހިފައި ވެ އެވެ. ދިވެހިންގެ ތެރެއިން ކޮވިޑް-19 ޖެހުނީ 379 މީހަކަށެވެ. ދެން އެންމެ ގިނައީ އިންޑިއާގެ މީހުންނެވެ. އެ ގައުމުގެ 103 މީހަކަށް މިހާތަނަށް ވަނީ އެ ބަލި ޖެހިފަ އެވެ.