"ޒޫމް" އެޕްް ބޭނުންކުރާ ނަމަ ސަމާލުވޭ

02 އެޕްރީލް 2020

ކޮރޯނާވައިރަހުގެ ބަލިމަޑުކަމާ އެކު އެންމެ ބޮޑަށް ބާރުބޮޑުވި އެއް އެޕަކީ ވީޑިއޯ ކޮންފަރެންސިން އަށް ހާއްސަ އެޕް "ޒޫމް" އެވެ. ގިނަ ބަޔަކު ގޭތެރޭގައި އައިސޮލޭޓްވެގެން ތިބެން ޖެހުމުން ގުޅުންތައް ދެމެހެއްޓުމަށާއި އެ ނޫން ވެސް މުއާމަލާތްތަކަށް އެ އެޕް ބޭނުން ކުރާ މިންވަރު ވަނީ ވަރަށް ބޮޑަށް އިތުރުވެގެން ގޮސްފަ އެވެ.

އަހުމަދު އަދްޝަން

މިއާ އެކު މިހާރު މި ވަނީ އިތުރު ހާސްކަމެއް ވެސް އުފެދިފަ އެވެ. އެއީ "ޒޫމް" އަށް ލިބެން ފެށި މަގުބޫލުކަމާ އެކު ބޭނުންކުރާ މީހުންގެ ޕްރައިވެސީ އާއި ކަސްޓަމަރުންގެ ޑޭޓާ ސެކިއުރިޓީއާ ދޭތެރޭ ޝައްކުކުރެވޭ ކަންތައްތަކެއް ހުރުމެވެ. އެހެންވެ "ޒޫމް" ބޭނުންކުރާ ނަމަ ކުރިއަށް ވުރެ ބޮޑަަށް ފަރުވާތެރިވުން ވަރަށް މުހިއްމެވެ.

މި އެޕާ މެދު އުފެދިފައިވާ ކަންބޮޑުވުންތަކާ ގުޅިގެން އެމެރިކާގެ ނިޔު ޔޯކް ސިޓީގެ އެޓާނީ ޖެނެރަލް ލެޓިޓިއާ ޖޭމްސް "ޒޫމް" އަށް އަށް ފޮނުއްވި ސިޓީއެއްގައި ވަނީ އެޕްގެ ރައްކާތެރިކަމާ ދޭތެރޭ މިހާރު ސުވާލުތަކެއް އުފެދިފައިވާތީ އެޕްގެ ރައްކާތެރިކަން ކަށަވަރުކޮށްދޭން ފިޔަވަޅުތަކެއް އެޅުއްވުމަށް ވެސް އެދިވަޑައިގެންފަ އެވެ.

Whether you've been using Zoom for years or have only just signed up, there are a number of helpful and fun tips, tricks and hidden features you can find to upgrade your video chatting experience. Here are 13 ways to become a Zoom master ... https://t.co/80P3MD0i0N via @CNET
— Zoom (@zoom_us) March 30, 2020

އެޓާނީ ޖެނެރަލްގެ ސިޓީގައި ވަނީ އެޕް މިހާރު ވަރަށް ބޮޑަށް ލަސްވަމުންދާކަން ވެސް ފާހަގަކުރައްވައިފަ އެވެ. އަދި މިފަދަ ދަނޑިވަޅެއްގައި "ޒޫމް" އަށް ލިބުނު މަގުބޫލުކަމާ އެކު ކަސްޓަމަރުން އިތުބާރުކުރާ، ރައްކާތެރި އެޕެއްކަން ކަށަވަރުކޮށް ދިނުމަކީ ވަރަށް ބޮޑު ޒިންމާއެއް ކަމަށް ވެސް ވިދާޅުވި އެވެ.

"ޒޫމް" ގެ ތަރުޖަމާނު ބީބީސީ އަށް ބުނީ އެ އެޕަކީ އަބަދު ވެސް ކަސްޓަމަރުންގެ ޒާތީ މައުލޫމާތުތައް ހިމާޔަތްކުރާނެ އަދި ޕްރައިވެސީ ވެސް އެންމެ މަތީ މިންވަރުގައި ހިފަހައްޓައިދޭނެ އެއްޗެއް ކަމަށެވެ.

This morning, I chaired the first ever video conference Cabinet meeting.

We must all do our bit to stop the spread of coronavirus, protect our NHS and save lives. #StayHomeSaveLives
https://t.co/Eew4i0Wr5q pic.twitter.com/LkWYYnMXnq
— Boris Johnson #StayHomeSaveLives (@BorisJohnson) March 24, 2020

ބޮރިސް "ޒޫމް" މެދިވެރިކޮށް ކެބިނެޓާ އެކު.

"އަހަރެމެން ވަރަށް ބޮޑަށް ޝުކުރުވެރި ވެސް ވަން މިފަދަ ދަނޑިވަޅަކާ ދިމާކޮށް ޒޫމްގެ ބޭނުން ގިނަ ބަޔަކު ހިފާތީ. އަދި އެޓާނީ ޖެނެރަލް ފާޅުކުރެއްވި ކަންބޮޑުންތައް ބަލައިގަނެ، އެޕް އިތުރަށް ހަރުދަނާކުރުމުގެ ފިޔަވަޅުތައް ވެސް އަޅަމުންދާނެ." ތަރުޖަމާނު ވިދާޅުވި އެވެ.

"ޒޫމް" ގެ މަގުބޫލުކަން މި ދަނޑިވަޅުގައި ބޮޑުވި މިންވަރަކީ އިނގިރޭސި ބޮޑުވަޒީރު ބޮރިސް ޖޯންސަން ކޮވިޑް-19 އަށް ޕޮޒިޓިޒްވުމާ ގުޅިގެން އައިސޮލޭޓްވެވަޑައިގަންނަވަން ޖެހި ސަރުކާރު ހިންގުމުގެ މަޝްވަރާތައް "ޒޫމް" މެދުވެރިކޮށް ކުރައްވަން ފެއްޓެވުމެވެ.

މި އެޕަކީ ގޫގްލް އާއި ޕްލޭސްޓޯރުން ޑައުންލޯޑްކުރެވޭ އެޕެކެވެ.

Comments