ކޮވިޑް-19އާ ހެދި އޮސްޓްރޭލިއާގެ ހުރިހާ ސިނަމާތަކެއް ބަންދުކޮށްފި

24 މާޗް 2020

ކޮރޯނާވައިރަސް ފެތެރުމުންދާތީ ރައްކާތެރިކަމުގެ ފިޔަވަޅެއްގެ ގޮތުން އޮސްޓްރޭލިއާގެ ހުރިހާ ސިނަމާތަކެއް ހޯމަ ދުވަހުން ފެށިގެން ބަންދުކުރަން ނިންމައިފި އެވެ.

އަހުމަދު އަދްޝަން

އެ ގައުމުގެ ފެޑެރަލް ސަރުކާރުން ބުނީ ކޮވިޑް-19 ރޯގާގެ މި ހާލަތުގައި ސިނަމާތައް ހުޅުވުމަކީ އެއްގޮތަކަށް ވެސް ރައްކާތެރި ކަމެއް ނޫން ކަމަށާއި މިއީ އުނދަގޫ އެތައް ފިޔަވަޅުތަކެއް އަޅަން ޖެހިފައިވާ ވަގުތެއް ކަމަށެވެ. އޮސްޓްރޭލިއާގެ ހުރިހާ ސިނަމާތަކެއް ބަންދުކުރަން ނިންމި އިރު، އެތަންތަން ވަގުތީ ގޮތުން ބަންދުކޮށްފައި ބާއްވާނީ ކިހާ މުއްދަތަކަށް ކަމެއް ހާމައެއްނުކުރެ އެވެ.

ނަމަވެސް ސަރުކާރުން ބުނީ އަލުން ސިނަމާތަކަށް ހުޅުވަން ހުއްދަދޭނީ ކޮރޯނާވައިރަހުގެ ހާލަތަށް އަންނަ ކުރިއެރުންތަކަށް ބެލުމަށް ފަހު ކަމަށެވެ.

Schools will remain open until the end of this term but those parents who wish to remove their kids from school earlier will be able to do so. The expert medical advice remains that schools should remain open.
— Scott Morrison (@ScottMorrisonMP) March 22, 2020

މިގޮތަށް ނިންމި އިރު އޮސްޓްރޭލިއާގައި ބޮޑު ތަރުހީބެއް އޮންނަ ހޮލީވުޑާއި ބޮލީވުޑް ފިލްމު އިންޑަސްޓްރީ ވެސް ވަނީ ވަގުތީ ގޮތުން ހުއްޓުމަކަށް އައިސްފަ އެވެ. އަދި އެތަންތަނުގެ ސިނަމާތައް ވެސް ބަންދުކޮށްފައިވާ އިރު، މި ދަނޑިވަޅުގައި އަޅުވަން ތާވަލުކޮށްފައި ފިލްމުތަކުގެ ތާރީހުތަކަށް ދަނީ ބަދަލުތައް ގެންނަމުންނެވެ.

Social distancing - staying 1.5m away from each other - is our best weapon against this virus. Every Australian is being asked to do their part, to help save lives and protect livelihoods.
— Scott Morrison (@ScottMorrisonMP) March 22, 2020

އޮސްޓްރޭލިއާގެ ބޮޑުވަޒީރު ސްކޮޓް މޮރިސަން އާދީއްތަ ދުވަހު ވިދާޅުވީ ކޮރޯނާވައިރަހުގެ މި ނާޒުކު ދަނޑިވަޅުގައި އުނދަގޫ އެތަކެއް ފިޔަވަޅެއް އަޅަން މަޖުބޫރުވެފައިވާ އިރު، ސަރުކާރުން އަންގާ އެންގުންތަކާ އެއްގޮތަށް ހުރިހާ ރައްޔިތުން އަމަލުކުރުމަކީ ވަރަށް ވެސް މުހިއްމު ކަމެއް ކަމަށެވެ.

"އެކަމަކު އަދިވެސް އަހަރެމެން އުންމީދުކުރާ ވަރުގެ އިޖާބައެއް އާންމުންގެ ފަރާތަކުން ނުލިބޭ. މިކަހަލަ ސަބަބުތަކާ ހެދި ފިޔަވަޅުތައް އެބަޖެހޭ އިތުރުކޮށް، ވަރުގަދަކުރަން." އޭނާ ވިދާޅުވި އެވެ.

ކޮވިޑް-19 ގައި އޮސްޓްރޭލިއާ އިން މިހާތަނަށް މަރުވި މީހުންގެ އަދަދު 10 އާ ގާތްކޮށްފައިވާ އިރު، ޕޮޒިޓިވް މީހުންގެ އަދަދު 1،600 އަށް ވުރެ ގިނަ އެވެ.

މިކަމާ ހުރެ އެ ގައުމުގެ ކެފޭ/ރެސްޓޯރަންޓްތަކާއި ޖިމްތަކާއި ކުޅިވަރު ކުޅޭ ތަންތަނާއި އެ ނޫން އެފަދަ އެތައް ތަނެއް ވަނީ ވަގުތީ ގޮތުން ބަންދުކޮށްފަ އެވެ. އެކަމަކު ފުރަތަމަ ޓާމްގެ ކިޔެވުން ނިމެންދެން ސްކޫލްތަކުގައި ކިޔަވައިދޭން ވަނީ ނިންމައިފަ އެވެ.

Comments