ބޮލީވުޑްގެ ޚަބަރުތައް ކުރުކޮށް

22 ޖެނުއަރީ 2020

އަމީތާބް ބައްޗަންގެ ކުޅިވަރު ފިލްމު "ޖުންދު" އަންނަ މެއި މަހުގެ 8 ގައި ރިލީޒްކުރާ ގޮތަށް ނިންމައި، ފިލްމުގެ ޓީޒާއެއް ދައްކާލައިފި އެވެ.

އަހުމަދު އަދްޝަން

މި ފިލްމު ޑައިރެކްޓްކޮށްފައި ވަނީ ބެލުންތެރިންގެ ބޮޑު މަގުބޫލުކަމެއް ހޯދި 2018 ގެ "ދަޅަކް" ގެ ވާހަކަ ބިނާކުރި މަރާޓީ ފިލްމު "ސައިތާރު" ގެ ޑައިރެކްޓަރު ނާގްރާޖް މަންޖުލޭ އެވެ.

"ޖުންދް" އަކީ އިންޑިއާގެ ސްލަމް ސޮކާސްގެ ބާނީގެ ގޮތުގައި މަޝްހޫރުވި ޕްރޮފެސަރު ވިޖޭ ބަރްސޭގެ ވާހަކަ ކިޔައިދޭ ފިލްމެކެވެ.

Two of the finest talents of #India - #AmitabhBachchan and #Sairaat director Nagraj Manjule - collaborate for the first time... Also, mark the release date: 8 May 2020... Teaser of #Jhund: https://t.co/fJMRZEOihe
— taran adarsh (@taran_adarsh) January 21, 2020

އޭނާއަކީ ނާގްޕޫރްގެ މަގުމަތީގައި ފުޓްބޯޅަ ކުޅެން އުޅުނު ކުދިންތަކެއް ނަގައިގެން ވަރުގަދަ ފުޓްބޯޅަ ޓީމެއް އެކުލަވައިލި މީހެކެވެ.

އަޖޭ "އާރްއާރްއާރް" ގެ ކްރޫއާ ގުޅިއްޖެ

"ބާހްބަލީ" ގެ ޑައިރެކްޓަރު އެސްއެސް ރާޖަމޯލީ އާ ފިލްމު "އާރްއާރްއާރް" ގެ ރޯލަކަށް ސޮއިކޮށްފައިވާ އަޖޭ ދޭވްގަން އެ ފިލްމުގެ ކާސްޓާއި ކްރޫއާ ގުޅިއްޖެ އެވެ.

All of us are super charged and ecstatic to kickstart our schedule with @AjayDevgn ji today... Welcome Sir!#AjayDevgn #RRRMovie #RRR pic.twitter.com/9jVnlpdTmY
— RRR Movie (@RRRMovie) January 21, 2020

މި ފިލްމުގެ ކާސްޓުންގެ ތެރޭގައި ދެކުނުގެ މަޝްހޫރު އެކްޓަރުން ކަމަށްވާ ރާމް ޗަރަން އާއި އެންޓީއާރް ޖޫނިއާ އާއި އާލިއާ ބަޓް ހިމެނެ އެވެ.

ނަވާރަ ސަތޭކަ ވިހި ވަނަ އަހަރުގައި ހިނގާ ހިޔާލީ ހަނގުރާމައެއްގެ ވާހަކަ ކިޔައިދޭ "އާރްއާރްއާރް" ގައި އަޖޭ ފެނިގެން ދާނީ އެކްސްޓެންޑް ކެމިއޯއަކުންނެވެ.

ގާތްގަނޑަކަށް 400 ކްރޯޑް ރުޕީސް (56 މިލިއަން ޑޮލަރު) ގެ ބަޖެޓަކުން ހަދާ މި ފިލްމު ސިނަމާތަކަށް ގެންނަން ތާވަލުކޮށްފައި ވަނީ މި އަހަރުގެ ޖުލައި 30 ގަ އެވެ.

"ޗެހެރޭ" އަށް އާ ތާރީހެއް

އިމްރާން ހާޝިމީ އާއި އަމީތާބް ބައްޗަން މުހިއްމު ރޯލްތަކުން ފެނިގެންދާ ތުރިލާ "ޗެހެރޭ" އަންނަ ޖުލައި މަހަށް ފަސްކޮށްފި އެވެ.

New release date... #Chehre - starring #AmitabhBachchan and #EmraanHashmi - will now release on 17 July 2020... The change in date is due to a request made by the makers of #GulaboSitabo to avert a clash... #Chehre was earlier releasing on 24 April 2020... Here's a new glimpse: pic.twitter.com/zxFRboppGk
— taran adarsh (@taran_adarsh) January 21, 2020

ކުރިން އަންނަ އެޕްރީލް މަހުގެ 24 އަށް ތާވަލުކުރި ފިލްމު، މިހާރު ސިނަމާތަކަށް ގެންނަން ނިންމާފައި ވަނީ ޖުލައި 17 ގަ އެވެ.

ރޫމީ ޖެފްރީ ޑައިރެކްޓްކުރާ ފިލްމުގެ ކާސްޓުންގެ ތެރޭގައި ރިއާ ޗަކްރަބަތީ އާއި އައްނޫ ކަޕޫރާއި ސިދާންތު ކަޕޫރްގެ އިތުރުން ބޮލީވުޑަށް އަލަށް ތައާރަފުކުރާ ޓީވީ ބަތަލާ ކްރިސްޓަލް ޑި ސޫޒާ ހިމެނެ އެވެ.

"ޖަވާނި ޖާނެމަން" ގެ އާ ޕޯސްޓަރެއް

މި މަހުގެ 31 ގައި ރިލީޒްކުރާ ސައިފް އަލީ ޚާންގެ "ޖަވާނި ޖާނެމަން" ގެ އާ ޕޯސްޓަރެއް ދައްކާލައިފި އެވެ.

Arriving on 31 Jan 2020... New poster of #JawaaniJaaneman... Stars #SaifAliKhan, #AlayaF, #Tabu and #KubbraSait... Directed by Nitin Kakkar. pic.twitter.com/RPVRNsXtok
— taran adarsh (@taran_adarsh) January 21, 2020

ނިތިން ކައްކަރު ޑައިރެކްޓްކޮށްފައިވާ މި ފިލްމަކީ "މަތަނުވެގެން" އުޅޭ ބައްޕައަކާއި ޒުވާން އަންހެން ދަރިއެއްގެ ވާހަކަ ކިޔައިދޭ ފިލްމެކެވެ. "ޖަވާނި ޖާނެމަން" ގައި ސައިފްގެ ދަރިއެއްގެ ރޯލް ކުޅުނީ އަލަށް ތައާރަފުކުރާ އަލައިއާ ފަރްނީޗަރުވާލާ އެވެ.

މި ފިލްމުގެ ކާސްޓުންގެ ތެރޭގައި ތައްބޫ އާއި ޗަންކީ ޕާންޑޭ އާއި ކުބްރާ ސައިތު ވެސް ހިމެނެ އެވެ.

Comments