ދިވެހި އިންޝުއަރެންސް ކަލަންޑަރުން މޭޒުމަތި ތަރުތީބު ކޮށްލެވޭނެ!

އެއީ ރީތި ފޮއްޓެކެވެ. ހުޅުވާލުމުން ނެގޭނީ ރީތި ކަލަންޑަރެކެވެ. އެކަމަކު ދިވެހި އިންޝުއަރެންސްގެ މި ކަލަންޑަރުން ބުނެދެނީ ދުވަސްތައް އެކަންޏެއް ނޫނެވެ: މޭޒުމަތި ތަަރުތީބުކޮށްލުމުގެ އެހީތަކެއް ވެސް އޭގައި ވަނީ ހިމަނައިފަ އެވެ.

މިހާރު މި ފެންނަނީ ތަފާތު ކުންފުނިތަކުގެ އަހަރީ ކަލަންޑަރުގެ ސިފަޔަކަށް ބޮޑެތި ބަދަލުތަކެއް އައިސްފައިވާ ތަނެވެ. އޭގެ ތެރެއިިން ވެސް، ދިވެހި އިންޝުއަރެންސްގެ މި އަހަރުގެ ކަލަންޑަރުން ފާހަގަކޮށްލެވޭ ކަންކަން ގިނަ އެވެ.

ކަލަންޑަރު ބަހާލާފައި ވަނީ ފަސް ބަޔަކަށެވެ. މަސްތަކަށް ހާއްސަ ގަނޑުތަކަކީ އެއް ބަ އެވެ. އެކަމަކު އެ ގަނޑުތައް ދޫކޮށްލާފައި ވަނީ ހަމައެކަނި މަސްތަކުގެ ދުވަސްތައް ޖަހާފައެއް ނޫނެވެ. ދިވެހި އިންޝުއަރެންސްގެ ވެރިންނާއި މުވައްޒަފުންގެ ތަފާތު ފޮޓޯތަކުން ދައްކައިދެނީ، އެ ކުންފުނީގެ "ހިނިތުންވުމާއި" މަސައްކަތުގެ މާހައުލެވެ.

ކޮންމެ ގަނޑެއްގެ އަނެއް ފުށުގައި ދެނީ މެސެޖެކެވެ. އެގޮތުން އިންޝުއަރެންސާ ގުޅުން ހުރި ތަފާތު ވާހަކަ، ކުރު އިބާރާތްތަކުން ގެނެސްދީފައިވެ އެވެ.

މޭޒުމަތި ތަރުތީބުކޮށްލުމުގެ އެހީތެރިޔަކަށް މި ކަލަންޑަރު ވަނީ، އޭގައި ހިމެނޭ އެހެން ބައިތަކުންނެވެ. ގިނަ ފަހަރަށް ސައިކަލްގެ ތަޅުދަނޑި މޭޒުމަތީގައި ތަރުތީބެއް ނެތި ބޭއްވެ އެވެ. އެކަމަކު މި ކަލަންޑަރުގައި ތަޅުދަނޑި ފަދަ އެއްޗެހި ރައްކާކޮށްލެވޭނެ ކުޑަ "ވަތްގަނޑެއް" ހަރުކޮށްފައިވެ އެވެ.

އޭގެ އިތުރުން ގަލަން ބަހައްޓާނެ ތަނަކާއި، ތަތްކުރާ ނޯޓުތައް ލިއާނެ ކަރުދާސްކޮޅުތައް ވެސް ހިމެނެ އެވެ.

"އުއްމީދުކުރަން މި ކަލަންޑަރު ބޭނުންކުރާ މީހުންނަށް ފަސޭހަވާނެ އެއްޗަކަށް ވާނެ ކަމަށް،" ދިވެހި އިންޝުއަރެންސްގެ އޮފިޝަލަކު ވިދާޅުވި އެވެ.