ޖޮބް ސެންޓަރުގެ ވެބްސައިޓް އިފްތިތާހު ކޮށްފި

17 ނޮވެމްބަރ 2019

ވަޒީފާ ބޭނުންވާ މީހުންގެ މައުލޫމާތުތަކާއި މާކެޓުގައި ހުރި ވަޒީފާގެ ފުރުސަތުތައް އެނގޭނެ ގޮތަށް ސަރުކާރުން ހެދި ޖޮބް ސެންޓަރުގެ ވެބްސައިޓް މިއަދު އިފްތިތާހު ކޮށްފި އެވެ.

ފާތިމަތު ޝަނާ މުހައްމަދު

ޖެން ހޮޓެލްގައި ބޭއްވި ރަސްމިއްޔާތެއްގައި ވެބްސައިޓް އިފްތިތާހު ކޮށްދެއްވީ ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން އެވެ.

މިއަދުގެ ރަސްމިއްޔާތުގައި އޭނާ ވިދާޅުވީ، މިއީ ވަޒީފާ ހޯދަން ބޭނުންވާ މީހުންނަށް ވަޒީފާ ހޯދުމަށް ފަހިވި ވަރަށް ރަނގަޅު ފުރުސަތެއް ކަމަށެވެ. ޒަމާނީ މިފަދަ ވަސީލަތްތަކުގެ ސަބަބުން ޒުވާނުންނަށް ގިނަ ދޮރުތަކެއް ހުޅުވޭނެ ކަމަށާއި ވަޒީފާގެ ފުރުސަތު ފަސޭހަކަމާ އެކު ލިބޭނެ އިންތިޒާމް، ޖޮބް ސެންޓަރުން ހަމަޖެހޭނެ ކަމަށް އޭނާ ވިދާޅުވި އެވެ.

ޖޮބް ސެންޓަރު ހުޅުވުމުގެ ރަސްމިއްޔާތުގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދު-- ފޮޓޯ: ހުސައިން ވަހީދު/ މިހާރު

"ވަޒީފާ އިޝްތިހާރު ކުރުމާއި ކުރިމަތިލުމުގެ ސަގާފަތް މިހާރު މިވަނީ ބަދަލުވެފައި. ޖޮބް ސެންޓަރަކީ މިއަދުގެ މާހައުލަށް އެކަށީގެންވާ ވަރަށް ފުރިހަމަ އަށް ބައްޓަން ކުރެވިފައިވާ ޕްލެޓްފޯމެއް ކަމަށް އަޅުގަނޑު ގަބޫލު ކުރަން،" ހަޔާ އެޑިއުކޭޝަން މިނިސްޓަރު ވިދާޅުވި އެވެ.

މިނިސްޓަރު ވިދާޅުވި ގޮތުގައި، ޖޮބް ސެންޓަރުތަކުން ވަޒީފާ ހޯދައިދޭ މީހުންގެ ވަޒީފާތައް އިޝްތިހާރުކޮށް، ވަޒީފާ ހޯދުމަށް އެންމެ ފުރަތަމަ ބޭނުންކުރާ ރިފަރެންސް ޕޮއިންޓަކަށް އެ ސެންޓަރު ހެދުމަކީ އޭނާގެ އުންމީދެކެވެ.

Jobcenter.mv

This online Job Center is an initiative by the Ministry of Economic Development. The objective is to provide a modern user friendly online platform for both Employers and Job-seekers to post and apply for job opportunities across the country. This intelligent system will enable registered Job seekers to be notified through SMS and e-mail, whenever a new job offering appropriate to their skills and experience is posted by Employers across the country. The delivery of this Job Center represents the fulfillment of one of the promises of President Ibrahim Mohamed Solih, to facilitate further engagement of Maldivians in the labour market. This online platform will be the perfect place for job-matching with just a click of a button.

ޖޮބް ސެންޓަރު ވެބްސައިޓް

ހުނަރުވެރި ޒުވާނުން އުފެއްދުމަށްޓަކައި ސަރުކާރުން ގިނަ މަސައްކަތްތައް ކުރަމުންދާ އިރު، ހަޔާ އެޑިއުކޭޝަން މިނިސްޓްރީ އާއި އިކޮނޮމިކް މިނސްޓްރީއާ ގުޅިގެން ވޯލްޑް ބޭންކްގެ އެހީގައި 20 މިލިއަން ޑޮލަރުގެ ހާއްސަ ޕްރޮޖެކްޓެއްގެ މަސައްކަތް ވެސް އަންނަނީ ކުރަމުންނެވެ. މި ޕްރޮޖެކްޓްގެ ތެރެއިން ޓޫރިޒަމާއި ކޮންސްޓްރަކްޝަނާއި އިންފޮމޭޝަން ޓެކްނޮލޮޖީގެ ދާއިރާއިން މީހުން ބިނާ ކުރުމަށް ހާއްސަ ތަމްރީނުތައް ކުރިއަށް ގެންދާނެ ކަމަށް ހަޔާ އެޑިއުކޭޝަން މިނިސްޓަރު ވިދާޅުވި އެވެ.

Comments