މަހުޖަނުންގެ ލިސްޓުން ބިލް ގޭޓްސް އަށް އިތުރު ވެއްޓުމެއް

ދުނިޔޭގެ އެންމެ މުއްސަނދި މީހާގެ ގޮތުގައި އެތައް އަހަރެއް ވަންދެން ހިފެހެއްޓި ބިލް ގޭޓްސްގެ މިލްކިއްޔާތު ދަށްވެ، ދެވަނަ އަށް ވެއްޓިފައި އޮންނަތާ ހަތް އަހަރު ފަހުން އަނެއްކާވެސް ސޮއްސާލައިފި އެވެ.

މައިކްރޮސޮފްޓްގެ ބާނީ، އުމުރުން 63 އަހަރުގެ ގޭޓްސް އަކީ މިހާރު ދުނިޔޭގައި ތިން ވަނަ އަށް އެންމެ މުއްސަނދި މީހާ އެވެ. އެ މަގާމަށް އޭނާ ވެއްޓުނީ ފްރާންސްގެ ލަގްޒަރީ ބްރޭންޑް އެލްވީއެމްއެޗްގެ ސީއީއޯ ބާނާޑް އާނޯލްޓްގެ މިލްކިއްޔާތު އުފުލި އެންމެ މުއްސަނދި މީހުންގެ ލިސްޓްގެ ދެވަނަ ކަށަވަރު ކުރުމާ އެކު އެވެ.

އުމުރުން 70 އަހަރުގެ ވިޔަފާވެރިޔާގެ މިލްކިއްޔާތު މިހާރު 108 ބިލިއަން ޑޮލަރަށް ވުރެ މައްޗެވެ. ގޭޓްސްގެ މިލްކިއްޔާތަކީ 107 ބިލިއަން ޑޮލަރެވެ. ދެ މީހުންގެ ދޭތެރޭގައި ބިލިއަނެއްގެ ތަތާފު އެބަހުއްޓެވެ.

އެންމެ މުއްސަނދި މީހުންގެ އެންމެ ފަހުގެ ލިސްޓަށް ބަލާއިރު، ލިސްޓްގެ ކުރީގައި އޮތީ އެ މަގާމު ހިފަހައްޓަމުން އަންނަތާ ދުވަސްތަކެއްވެފައިވާ އެމެޒޯންގެ ބާނީ ޖެފް ބެޒޯސް އެވެ. މި އަހަރުގެ ކުރީކޮޅު މިއުޗްއަލް އެއްބަސްވުމެއްގެ ދަށުން ކައިވެނި ރޫޅައިލި ޖެފްގެ މިލްކިއްޔާތަކީ 125 ބިލިން ޑޮލަރެވެ.

ބްލޫމްބާގުން ބުނި ގޮތުގައި ދެވަނަ އަށް އެންމެ މުއްސަނދި މީހާގެ މަގާމުން ތިނެކަށް ގޭޓްސް ވެއްޓުނަސް އޭނާއަކީ އަދިވެސް ޙައިރާތަށް އެންމެ ބޮޑު ހޭދައެއް ކުރާ މަހުޖަނެވެ. އެގޮތުން އަންހެނުން މެލިންޑާ އާއި ބިލް ގޭޓްސް ފައުންޑޭޝަނުން މިހާތަނަށް 35 ބިލިއަން ޑޮލަރު ހަދިޔާކޮށްފައިވެ އެވެ.