މިނިވަން ދުވަހާ ގުޅިގެން މި މަހުގެ 28 ބަންދު

މި މަހުގެ 28 ބަންދު، އީދާއެކު އަންނަ މަހުގެ 15 ވެސް ބަންދު

17 ޖުލައި 2019

މިނިވަން ދުވަހާ ގުޅިގެން މި މަހުގެ 28 ވަނަ ދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސް އިބްރާހިމް މުހައްމަދު ސޯލިހު މިއަދު ހަމަޖައްސަވައިފި އެވެ. އެއާއެކު އަޟްހާ އީދާ ގުޅިގެން އަންނަ މަހުގެ 15 ވަނަ ދުވަހަކީ ވެސް ބަންދު ދުވަހެއްގެ ގޮތުގައި ވަނީ ނިންމައިފަ އެވެ.

އާސިމާ ނިޒާރު

މިއަހަރުގެ މިނިވަން ދުވަސް ވަނީ ޖުލައި 26 ވާ ހުކުރު ދުވަހަށެވެ. އެ ދުވަހުގެ މުނާސަބަތުގައި ހޮނިހިރު ދުވަސް ވެސް ބަންދެވެ. އެހެންކަމުން އިތުރު ކުރި އެއް ދުވަހާއެކު، ހުކުރު، ހޮނިހިރު އަދި އާދިއްތަ ދުވަހު ވެސް ސަރުކާރު ބަންދުވާނެ އެވެ.

President @ibusolih has declared 28 July 2019 and 15 August 2019 as government holidays on the occasions of Independence Day and Eid al Alha respectively.
— Ibrahim Hood (@MvSpokesperson) July 17, 2019

ކަލަންޑަރުގައިވާ ގޮތުން މިއަހަރުގެ ހައްޖު ދުވަސް ވަނީ އަންނަ މަހުގެ 10 ވަނަ ދުވަހަށެވެ. އަޟްހާ އީދުގެ މުނާސަބަތުގައި ބަންދުކުރާ ހަތަރު ދުވަހާއެކު، ނުވަ ދުވަހުގެ ބޮޑު ބަންދެއް ލިބޭނެ އެވެ.

Comments