20،000ރ.ގެ މަގާމް އިއުލާންކުރީ ވަކި މީހަކަށް؟

އޯ ލެވެލް ފެންވަރާ އެކު 20،000ރ.! އިއުލާންކުރީ ވަކި މީހަކަށް؟

20 ޖޫން 2019

ހެލްތު މިނިސްޓްރީގެ ކޮމިއުނިކޭޝަން ޑިރެކްޓަރުގެ މަގާމަށް އޯ ލެވެލް ފެންވަރާ އެކު 20،000 ރުފިޔާގެ މުސާރައެއް ހަމަޖައްސައި މީހަކު ހޯދަން އިއުލާން ކުރުމުން ފާޑުކިއުން އަމާޒުވެއްޖެ އެވެ.

މާސްޓާސް ނިންމާފައި ތިބި ސިވިލް ސާވިސްގެ މުވައްޒަފުންނަށް 12،000ރ.ގެ މުސާރަ ނުލިބޭ އިރު އޯ ލެވެލް ފެންވަރަށް ބޮޑު މުސާރައެއް ދިނުމަކީ މައްސަލަ އެކެވެ.

ސޯޝަލް މީޑިއާގައި ނުރުހުންފާޅުކުރި ބައެއް މީހުން ބުނިގޮތުގައި ވަކި ޝަރުތަކަކާ އެކު އާންމުކުރި އިއުލާނަކީ "ވަކި މީހަކަށް ފަހާފައި އޮތް ކޯޓެކެ"ވެ. ސިވިލް ސާވިސްގެ ގިނަ މުވައްޒަފުންގެ އަސާސީ މުސާރަ އަކީ 5،000ރ. އެވެ. މިއީ، ހުރިހާ ސަރުކާރެއްގައި ވެސް ސިިވިލް ސާވަންޓުން ކުރާ ޝަކުވާ އެކެވެ.

The @MoH_mv looking for an O' Level qualified Communications Director, with minimum 3 years experience at a news outlet and they are going to pay MVR20K. The iulaan is only missing the name and ID card no. of the person who probably has been head hunted for the job. Just a hunch. pic.twitter.com/vtMohxvyUg
— Umdhan (@Umdhanism) June 19, 2019

ގެޒެޓްކޮށްފައިވާ ހެލްތު މިނިސްޓްރީގެ އިއުލާންގައި ބުނެފައި ވަނީ 20،000ރ. ގެއަށް ގެންދަން ލިބޭ ކޮމިއުނިކޭޝަން އޮފިސަރުގެ ރަސްމީ ގަޑިއަކީ ހެނދުނު 8:00 އިން 14:00 އެވެ. އެ މަގާމުގެ ޝަރުތަކީ އޯ ލެވެލްގެ ފެންވަރު ހުރުމާ އެކު މީޑިއާގައި މަސައްކަތްކޮށް މަދުވެގެން އެއް އަހަރު ދުވަހުގެ ތަޖުރިބާ ހުރުމެވެ.

އިތުރު ގަޑީގައި މަސައްކަތް ކުރަން ޖެހުނަސް އެ ފައިސާ ދޭ ގޮތަށް ހަމަޖެހިފައި ނުވާ ކަމަށް އިއުލާންގައިވެ އެވެ.

ހެލްތު މިނިސްޓްރީން މިކަމުގައި ވަކި އެއްޗެއް އަދި ނުބުނެ އެވެ.

ސިވިލް ސާވިސްގެ މަގާމްތަކުގައި މިހާ ބޮޑު ފަރަގެއް ހުރުމަކީ އިންސާފުތޯ އެއް ބަޔަކު ދަނީ ސުވާލުކުރަމުންނެވެ.

Comments