ފެމިލީ ކޯޓުގެ ކައިވެނީގެ ރަޖިސްޓްރާ ސަސްޕެންޑްކޮށްފި

ފެމިލީ ކޯޓުގެ ކައިވެނީގެ ރަޖިސްޓްރާ އަހުމަދު އަބްދުﷲ އެ ކޯޓުން ސަސްޕެންޑްކޮށްފި އެވެ.

ކައިވެނީގެ ރަޖިސްޓްރާ އަހުމަދު ސަސްޕެންޑްކުރީ މިދިޔަ ހަފުތާއިން ފެށިގެން މިމަހުގެ ނުވަ ވަނަ ދުވަހާ ހަމައަށް ކަމަށް ވަނީ އެނގިފަ އެވެ.

ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން ބުނީ އަހުމަދު ސަސްޕެންޑްކުރީ ބަލަމުންދާ މައްސަލައަކާ ގުޅިގެން ފެމިލީ ކޯޓުން ކަމަށެވެ. އެ ކޯޓުން އެކަން އެ ޑިޕާޓްމެންޓްގެ ސަމާލު ކަމަށް ވެސް އެ ގެނެސްފައިވާ ކަމަށާއި އެކަން ބެލުމަށް ޑިޕާޓްމެންޓުން ވެސް ކޮމިޓީއެއް އެކުލަވާލާފައިވާ ކަމަށް ޑީޖޭއޭ އިން ބުންޏެވެ.

އަހްމަދުގެ މައްސަލައެއް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ސަމާލުކަމަށް ވެސް އައިސްފައިވާކަން އެނގިފައިވެ އެވެ.

މީގެ ކުރިން 2016 ވަނަ އަހަރު ޖޭއެސްސީން ގާޒީ ހަސަން ސައީދާ ގުޅޭ ގޮތުން ބެލި މައްސަލައެއްގައި، އޭނާއާ ދެކޮޅަށް ރެޖިސްޓްރާ އަހްމަދު ހެކިބަސް ދެއްވި މައްސަލައެއް ވެސް މީގެ ކުރިން ހޫނުވެފައިވާ ކަމަށްވެ އެވެ. އެފަހަރު ޖޭއެސްސީން ހަސަން ސައީދު ސަސްޕެންޑްކުރުމަށް ފަހު އެކަން އުވާލީ މިދިޔަ އަހަރުގެ ޖުލައި މަހު އެވެ.

ސަސްޕެންޑްކުރި އަހްމަދު ފެމިލީ ކޯޓުގެ އިސް ގާޒީ ހަސަން ސައީދު މައްސަލައެއް ވެސް ޖުޑީޝަލް ސާވިސް ކޮމިޝަން (ޖޭއެސްސީ) އަށް ހުށަހަޅުއްވާފައިވާކަން ވަނީ އެނގިފަ އެވެ.

ކައިވެނީގެ ރަޖިސްޓްރާއަކީ ފެމިލީ ކޯޓުގައި ކައިވެންޏާއި ވަރިއާ ބެހޭ ހުރިހާ ކަންކަން ބަލަހައްޓާ ފަރާތެވެ.