ރަން އިން ލާމް ރައީސް ފައްޓަވައިދެއްވައިފި

25 ޖެނުއަރީ 2019

ލ. ގަމުގައި ޓޯޓަލް ފިޓްނަސް ގްރޫޕް (ޓީއެފްޖީ) އިން ބާއްވާ "ކޮކާ ކޯލާ ރަން އިން ލާމު" ފެށުމުގެ ގޮތުން މިއަދު އޮތް ކުޑަ ކުދިންގެ ދުވުމުގެ ހަރަކާތުގައި ރައީސް އިބްރާހިމް މުހައްމަދު ސޯލިހު ބައިވެރިވެވަޑައިގެންފި އެވެ.

ހަސަން މުހައްމަދު

ލ. ގަމަށް ރައީސް ވަޑައިގެންނެވީ މިއަދު މެންދުރު ފަހު އެވެ. އެ ދަތުރުފުޅުގައި ރައީސް ގަމުގެ އިތުރުން ފޮނަދޫއަށް ވެސް ވަޑައިގަންނަވާނެ އެވެ. އެނބުރި މާލެ ވަޑައިގަންނަވާނީ މާދަމާ އެވެ.

ރަން އިން ލާމްގެ ކުޑަ ކުދިންގެ ބައި ފެށުމުގެ ގޮތުން މިއަދު އޮތް ހަރަކާތުގައި ރައީސް ބައިވެރިވެވަޑައިގަންނަވަނީ. --މިހާރު ފޮޓޯ:މުހައްމަދު ހަމްދޫން

ކުޑަ ކުދިންގެ ހަރަކާތް މިއަދު އޮތް ނަމަވެސް ދުވުމުގެ ހަރަކާތްތައް ފަށާނީ މާދަމާ ހެނދުނު އެވެ. ރައީސް ވެސް ބައިވެރިވެވަޑައިގަންނަވާ ދުވުމުގެ ހަރަކާތް ކޮކާ ކޯލާ އިން ސްޕޮންސާ ކޮށްފައިވާތީ އެކަމަށް ދަނީ ގިނަ ބަޔަކު ފާޑު ކިޔަމުންނެވެ.

އެކަމަކު ޔޫތު މިނިސްޓަރު އަހުމަދު މަހްލޫފް ވިދާޅުވީ "ކޮކާ ކޯލާ ރަން އިން ލާމު" ގައި ރައީސް ބައިވެރިވެވަޑައިގެންނެވުމަށް ހަމަޖެހިފައިވީ ނަމަވެސް ކޯކް އިޝްތިހާރު ނުކުރައްވާނެ ކަމަށެވެ.

Laamu atholhuga baavvaa dhuvumugai evves baavathehge drink eh,brand eh adhi kunfunyehves Raees @ibusolih promote nukuravvaane.
— Ahmed Mahloof (@AhmedMahloof) January 24, 2019

ރަނގަޅު ނޫން ކާނާއާ ދެކޮޅަށް ކުރާ ކެމްޕެއިނަށް ކުރާ ހޭދަ މި މަހު 23 މިލިއަން ރުފިޔާ އަށް ބޮޑުކޮށް ކޯކު ފަދަ ތަކެތިން މީހުން ދުރު ކުރުމަކީ ސަރުކާރުގެ އަމާޒެކެވެ.

ރަން އިން ލާމްގެ ކުޑަ ކުދިންގެ ބައި ފެށުމުގެ ގޮތުން މިއަދު އޮތް ހަރަކާތުގައި ރައީސް އާއި މަޖިލީހުގެ ނައިބް ރައީސް މޫސާ މަނިކް ބައިވެރިވެވަޑައިގަންނަވަނީ. --މިހާރު ފޮޓޯ: މުހައްމަދު ހަމްދޫން

Comments