15 ޖެނުއަރީ 2019
ހިޔާނާތުގެ މައްސަލައެއްގެ ތުހުމަތުގައި ބީއެމްއެލުން ސަސްޕެންޑްކޮށްފައިވަނީ އެތަނުގައި ވަޒީފާ އަދާކުރަމުން އަންނަ ދެމަފިރިން ކަން "މިހާރު" އަށް އެނގިއްޖެ އެވެ.
ހިޔާނާތުގެ މައްސަލައެއްގެ ތުހުމަތުގައި ބީއެމްއެލުން ސަސްޕެންޑްކޮށްފައިވަނީ އެތަނުގައި ވަޒީފާ އަދާކުރަމުން އަންނަ ދެމަފިރިން ކަން "މިހާރު" އަށް އެނގިއްޖެ އެވެ.
އެކަމަކު އެނގިފައިވާ ގޮތުގައި އެ ދެމަފިރިން ވަޒީފާ އަދާކުރަނީ އެއް ޑިޕާޓްމަންޓްގައެއް ނޫނެވެ. ބީއެމްއެލްގެ އެތެރޭގެ އުސޫލުތައް ހަމަޖެހިފައި އޮންނަ ގޮތުން، ދެމަފިރިންނަށް އެ ބޭންކްގައި ވަޒީފާ އަދާކުރެވުނަސް، އެއް ޑިޕާޓްމަންޓްގައެއް ނޫޅެވޭނެ އެވެ.
އެއްދުވަސްވަރެއްގައި ބީއެމްއެލްގައި ދެމަފިރިންނަށް ވަޒީފާއެއް އަދައެއް ނުކުރެވެ އެވެ. އޭރު ބޭންކްގެ ވަޒީފާގައި އުޅެމުން ކައިވެންޏާ ހަމައަށް ދިޔަ ބައެއް މީހުން ވަނީ، ދެމަފިރިންގެ ތެރެއިން އެކަކު ބޭންކްގެ ވަޒީފާ ދޫކޮށްލައިފަ އެވެ.
ބީއެމްއެލްގެ ފައިސާތަކަކަށް ހިޔާނާތްތެރިވި މައްސަލަ އެ ބޭންކުން މިހާރު ގެންދަނީ ބަލަމުންނެވެ. އެކަމަކު އެ މުވައްޒަފުން ހިޔާނާތްތެރިވީ ކަސްޓަމަރުންގެ ފައިސާއަށް ނޫންކަން އެނގިފައިވެ އެވެ. އެއީ ބީއެމްއެލްގެ އޮޕަރޭޝަންތަކުގައި ބޭނުންކުރާ ފައިސާކަމަށް ވެ އެވެ.
ބައެއް މީހުން ތުހުމަތު ކުރާ ގޮތުގައި އެ ހިޔާނާތުގެ އަދަދު އަށް މިލިއަން ރުފިޔާ އަށް އަރަ އެވެ.
މި މައްސަލާގައި ބީއެމްއެލްގެ އޮފިޝަލަކު އިއްޔެ ވިދާޅުވީ ބޭންކުގައި ހިނގާފާނެ ނުރަނގަޅު އަމަލެއް ނުވަތަ އިހުމާލެއް ދެނެގަތުމަށް ހަރުދަނާ ގަވައިދުތަކާއި އުސޫލުތަކުގެ އިތުރުން އިންޓާނަލް ކޮންޓްރޯލްތައް ވެސް އެ ބޭންކުގައި ގާއިމްކޮށްފައިވާ ކަމަށެވެ. އަދި އެއްވެސް މުވައްޒަފަކު ގަވައިދާ ހިލާފު ކަމެއް ކޮށްފި ނަމަ ތަހުގީގީ އިދާރާތައް މެދުވެރިކޮށް އެކަމެއް ތަހުގީގުކޮށް އަޅަން ޖެހޭ އެންމެ ހަރުކަށި ފިޔަވަޅު ބޭންކުން އަޅާނެ ކަމަށް ވެސް އޭނާ ވިދާޅުވި އެވެ.
ބީއެމްއެލްގެ ހިޔާނާތް: ދެ މުވައްޒަފަކު ސަސްޕެންޑުކޮށްފި
ބީއެމްއެލްގެ ސީއީއޯ ކާލްސްޓުމްކަ އިސްތިއުފާ ހުށަހަޅައިފި
ބީއެމްއެލްއަށް އޮޅިގެން ފައިސާ އިތުރަށް ޖަމާވެއްޖެ
ޕޭރޯލް/ބަލްކް ޓްރާންސްފާގެ ހިދުމަތަށް ވަގުތީ ބަދަލެއް
ބީއެމްއެލް އެޕް ތިން ގަޑިއިރަށް ޑައުންވެއްޖެ
ބީއެމްއެލްގެ ބޯޑަށް ކުރިމަތިލާން ހުޅުވާލައިފި
ބީއެމްއެލް އިން ހިއްސާއަކަށް 50ރ. ބަހަނީ
ޗެމްޕިއަންސް ލީގު ފައިނަލް ބަލަން ފުރުސަތު ލިބުނު ފަރާތް ހޮވައިފި
ބީއެމްއެލްއިން "ބޭންކް ފަންޑު" ހުޅުވައިފި
ބީއެމްއެލްއަށް އިތުރު 66،000 އެކައުންޓު!