ރުއްގަސް ބޭރުކުރުން ހުއްޓުވައިިފިން: ކަސްޓަމްސް

01 ނޮވެމްބަރ 2018

ރާއްޖޭން ރުއްގަސް ނަގައިގެން ރާއްޖޭން ބޭރަށް ގެންދަން އެއްވެސް ފަރާތަކަށް ހުއްދަ ދީފައި ނުވާނެ ކަމަށާއި އެފަދަ ކަމެއް ކުރަން އުޅޭކަން ސަމާލުކަމަށް އައުމާ އެކު އެކަން ހުއްޓުވާފައިވާ ކަމަށް ކަސްޓަމްސް އިން މިއަދު ބުނެފި އެވެ.

ލަމްޔާ އަބްދުﷲ

ކަސްޓަމްސް އިން މިހެން ބުނީ ރާއްޖޭގެ އެކި ހިސާބުތަކުން ރުއްގަސް ނަގައި، ބޭރަށް ގެންދިއުމުގެ މައްސަލަ މީޑިއާތަކުގައި ރިޕޯޓުކޮށްފައި ވަނިކޮށެވެ. އެގޮތުން ނ. މާފަރުން ގިނަ އަދަދެއްގެ ރުއް ނަގައިގެން ރާއްޖޭން ބޭރަށް ގެންދާ ކަމަށް ބުނެފައިވެ އެވެ.

We refer to the media reports surrounding the alleged exportation of palm trees. We assure that Customs has not given permission to export any such shipments from Maldives. Such an attempt was brought to our notice and had been stopped accordingly.
— Maldives Customs (@CustomsMv) 1 November 2018

ކަސްޓަމްސް އިން ކޮށްފައިވާ ޓްވީޓް

ނަމަވެސް ކަސްޓަމްސް އިން ބުނީ ރުއްގަސް ރާއްޖޭން ބޭރަށް ގެންދަން އެއްވެސް ފަރާތަކަށް ހުއްދަ ދީފައި ނުވާނެ ކަމަށެވެ. އަދި އެކަން ކަސްޓަމްސްގެ ސަމާލުކަމަށް އައުމުން، އެކަން ހުއްޓުވާފައިވާ ކަމަށް ވެސް ކަސްޓަމްސް އިން ބުންޏެވެ.

REPORT: Ruhguss negun mekuhah! Emme fahun beyrah ves gendhanee?

The most trusted news source in the Maldives

Mihaaru

"މިހާރު" އަށް ވާހަކަ ދެއްކި ނ. މާފަރު މީހަކު ބުނެފައި ވަނީ މިދިޔަ އަހަރުގެ ޑިސެމްބަރު މަހު އެ ރަށުން ގާތްގަނޑަކަށް 30 ރުއް އަބޫދާބީއަށް ގެންދިއުމަށް ބޭރުކޮށްފައިވާ ކަމަށެވެ. އަދި އިތުރު ސާޅީހަކަށް ރުށް އެ ރަށުން ބޭރުކުރުމަށް މިދިޔަ މަހު ތައްޔާރު ކުރި ކަމަށް ވެސް އޭނާ ބުނެފައި ވެއެވެ.

ގަވާއިދާ ޚިލާފަށް ރުއްގަސްތައް އެކި ރަށްރަށުން ނަގައިގެން ރިސޯޓުތަކަށް ގެންދާތީ އެންވަޔަރަމެންޓް ޕްރޮޓެކްޝަން އޭޖެންސީ (އީޕީއޭ) އިން ވެސް ފުލުހުންނާ ގުޅިގެން އެ މައްސަލަ ތަހްގީގު ކުރަމުން އަންނަ ކަމަށް ވަނީ ބުނެފަ އެވެ.

Comments