ރުއްގަސް ނަގާ މައްސަލަ އީޕީއޭ އިން ތަހުގީގު ކުރަނީ

31 އޮކްޓޯބަރ 2018

ރާއްޖޭގެ އެކި ސަރަހައްދުތަކުން ގަވާއިދާ ޚިލާފަށް ރުއްގަސް ނަގައި ވިއްކުމުގެ މައްސަލަ ފެންމަތި ވުމުން، އެ މައްސަލަ އެންވަޔަރަމެންޓް ޕްރޮޓެކްޝަން އޭޖެންސީން (އީޕީއޭ) އިން ތަހުގީގު ކުރަން ފަށައިފި އެވެ.

ލަމްޔާ އަބްދުﷲ

މައްސަލަ ތަހުގީގު ކުރާ ކަން އީޕީއޭ އިން މި ހާމަކުރީ، ގަވާއިދާ ޚިލާފަށް ރުއްގަސް ނަގާ މައްސަލައިގައި ގިނަ ބައެއްގެ ފާޑުކިޔުން އަމާޒުވުމުންނެވެ.

With the assistance of @PoliceMv, we are investigating cases of removal of palms and trees from different islands across the country and transfer of these to other locations within Maldives and abroad. We thank the public for keeping us informed on such happenings.
— EPA Maldives (@EPAMaldives) 31 October 2018

ގަވާއިދާ ހިލާފާށް ރުއްގަސް ނެގުމާ ގުޅޭ ގޮތުން އީޕީއޭ އިން ކުރި ޓްވީޓް

އީޕީއޭ އިން ބުނީ މައްސަލަ ތަހުގީގު ކުރަމުން އަންނަނީ ފުލުހުންނާ ގުޅިގެން ކަމަށެވެ. ތިމާވެއްޓަށް ގެއްލުން ލިބޭ ގޮތަށް ބަޔަކު ހިންގަމުންދާ ގޯސްތަކުގެ މައުލޫމާތު، ހާމަކުރަމުން އަންނާތީ، އެ މުއައްސަސާ އިން ވަނީ ރައްޔިތުންނަށް ޝުކުރު ވެސް އަދާކޮށްފަ އެވެ.

ރާއްޖޭގެ އެކި ރަށްރަށުން ގަވާއިދާ ހިލާފަށް ގިނަ އަދަދެއްގެ ރުއްގަސް ނަގައި، ވިއްކުމުގެ މަސައްކަތް ކުރާ މައްސަލަ ވަނީ ސޯޝަލް މީޑިއާގައި އާއްމުކޮށްލައިފަ އެވެ. އޭގެތޭރޭގައި ކުނި ގޮނޑަކާއި ކުޑަކުދިންގެ ޕާކެއް ހެދުމުގެ ނަމުގައި ށ. ޅައިމަގުން 500 ރުއް ނެގި މައްސަލަ ހިމެނެ އެވެ.