26 މާޗް 2018
ސްރީ ލަންކާގައި ބޭއްވި މެންޗެސްޓާ އިންޓަނޭޝަނަލް އިންޑިޕެންޑެންސް ޖޫނިއާ ފުޓްބޯޅަ މުބާރާތުގެ ޗެމްޕިއަންކަން ރާއްޖޭގެ އާލީ ޓަޗް ފުޓްބޯލް އެކަޑަމީ (އީޓީއެފްއޭ) ގެ 15 އަހަރުން ދަށުގެ ޓީމުން ހޯދައިފި އެވެ.
ސްރީ ލަންކާގައި ބޭއްވި މެންޗެސްޓާ އިންޓަނޭޝަނަލް އިންޑިޕެންޑެންސް ޖޫނިއާ ފުޓްބޯޅަ މުބާރާތުގެ ޗެމްޕިއަންކަން ރާއްޖޭގެ އާލީ ޓަޗް ފުޓްބޯލް އެކަޑަމީ (އީޓީއެފްއޭ) ގެ 15 އަހަރުން ދަށުގެ ޓީމުން ހޯދައިފި އެވެ.
ލަންކާ އާއި ރާއްޖޭން ޖުމްލަ 12 ޓީމު ވާދަކުރި މުބާރާތް ތަޖުރިބާކާރު ކޯޗު ހީނާ އަހުމަދު ސަލީމް (ބޮޑުހީނާ) ހިންގާ އެކަޑަމީގެ ޓީމުން ކާމިޔާބުކުރީ އިއްޔެ ފައިނަލުގައި ލަންކާގެ މެންޗެސްޓާ ރެޑް ޓީމު އަތުން 1-0 އިން މޮޅުވެގެންނެވެ.
އީޓީއެފްއޭ އިން ވަނީ މިދިޔަ އަހަރު މާލޭގައި ބޭއްވި 14 އަހަރުން ދަށުގެ މައިލޯ ހުޅުމާލޭ ސްޕޯޓްސް ސްކޫލް އިންވިޓޭޝަން ސޮކާ ކަޕުގެ ޗެމްޕިއަންކަން ވެސް ހޯދައިފަ އެވެ. އެ ފަހަރު ވެސް މޮޅުވީ ލަންކާގެ މެންޗެސްޓާ ސްޕޯޓްސް އެކަޑަމީގެ ޓީމެއްގެ އަތުންނެވެ.
"މިއީ ވަރަށް ބޮޑު ކާމިޔާބެއްގެ ގޮތުގައި އަޅުގަނޑުމެން ދެކެނީ. ސަބަބަކީ ޖޫނިއާ އުމުރެއްގައި ބައިނަލްއަގްވާމީ މުބާރާތެއްގެ ޗެމްޕިއަންކަން ލިބުމަކީ ޖޫނިއާ ކުޅުންތެރިންނަށް ލިބޭނެ ވަރަށް ބޮޑު ހިތްވަރަކަށް ވާނެތީ. އަނެއްކާ ލަންކާގައި ލަންކާ ޓީމެއް ބަލިކޮށްފައި މި ކާމިޔާބު ލިބުނީ. އެއީ ވެސް ހާއްސަކަމެއް،" އީޓީއެފްއޭގެ ކޯޗެއް ކަމަށްވާ ކުރީގެ ގޯލްކީޕަރު އަހުމަދު މުރުތަލާ (މުރޭ) ބުންޏެވެ.
އީޓީޢެފްއޭގެ ޓީމު މުބާރާތަށް ތައްޔާރުކޮށް ކޯޗުކޮށްދިނީ ތަޖުރިބާކާރު ކޯޗު އަހުމަދު މުޖުތަބާ (ފެސްކޯ) އެވެ. އޭނާއާ އެކު އީޓީއެފްއޭގެ ހެޑްކޯޗު ބޮޑުހީނާ ވެސް އަމަލީ ގޮތުން ބައިވެރިވި އެވެ. މުބާރާތުގައި ވާދަކުރަން އީޓީއެފްއޭ ޓީމަށް ބެލެނެވެރިންނާއި ވަރަށް ގިނަ އެހެން ފަރާތްތަކުގެ އެހީތެރިކަން ލިބުނު ކަމަށް އެ އެކަޑަމީން ބުނެ އެވެ.
މި މުބާރާތުގައި ރާއްޖޭން ދެން ބައިވެރިވީ މާޒިޔާ ސްޕޯޓްސް އެންޑް ރިކްރިއޭޝަނުގެ އެކަޑަމީ އާއި ހުޅުމާލޭގެ ދެ އެކަޑަމީއަކުންނެވެ.
ރާއްޖޭގެ ޓީމުތައް ކުޅުނު މެޗުތައް ބައްލަވާލެއްވުމަށް ސްރީ ލަންކާގައި މިވަގުތު ހުންނެވި ކުރީގެ ރައީސް މުހައްމަދު ނަޝީދު ވަޑައިގެންނެވި އެވެ. މީގެ އިތުރުން ސްރީ ލަންކާގައި މި ވަގުތު ތިބި ގިނަ އަދަދެއްގެ ދިވެހިން ވެސް ދަނޑަށް ދިޔަ އެވެ. އޭގެ ތެރޭގައި 1984 ވަނަ އަހަރުގެ ސާފް ގޭމްސް އިން ރާއްޖެ އަށް ރިހި މެޑަލް ހޯދައިދިން ކެޕްޓަން އިބްރާހިމް ނޫރައްދީނާއި ވިކްޓަރީ ސްޕޯޓަށް ކްލަބަށް 1985 ވަނަ އަހަރު ގައުމީ ތަށި މިލްކުކޮށްދިން ކޯޗު އަބްދުލްޖަލީލް (އަބުޖީ) ހިމެނެ އެވެ.
އީޓީއެފްގެ ޓީމު އެނބުރި ރާއްޖެ އައުމަށް ހަމަޖެހިފައިވަނީ މިރޭ 11:15 ޖައްސާ ސްރީ ލަންކަންގެ ބޯޓުންނެވެ. މާލޭ ރަސްމީ ފާލަމުން ޓީމަށް މަރުހަބާ ކިޔުމަށް ވަނީ ހަމަޖެހިފަ އެވެ.
ލިލީ ކޯޗިން ތެރެއަށް، އެކަމަކު ކުޅުން ހުއްޓާނުލާނެ
ކްލަބްތައް ހިންގަން ފައިސާ ނުދެވޭނެ: ޒުހޫރު
އެފްއޭއެމުން ގެއްލުނު ފައިސާހޯދަން ލިޔުންތައް އެއްކުރަނީ
ފައިސާ ނުދެއްކުމުން ފުޓުބޯޅަސްކޫލް ބިން ވެސް އަތުލައިފި
އެފްއޭއެމްގެ އެކައުންޓްތަކުގައި ފައިސާއެއް ނެތް: ޒުހޫރު
ވެލެންސިއާ އެކަޑަމީއާ އެކު ބޮޑުހީނާ އަލުން ކޯޗިން އަށް
ކޮމިޓީގެ ފުރަތަމަ ޕްރެސް ކޮންފަރެންސް މާދަމާ
އެފްއޭއެމްގެ ދަރަނި 85 މިލިއަނަށްވުރެ ވެސް މަތި
ބޮލަށް ލިބުނު އަނިޔާގައި ލެޖެންޑް ގެރީ ޝޯ މަރުވެއްޖެ
ޔަމާލަށް ބޮޑު މުސާރައެއް ދޭން ސަޕޯޓަރުން ގޮވާލަނީ