26 މާޗް 2018
މާލޭގައި ތޮއްޖެހިފައިވާ ޕާކިން މައްސަލައަށް ހައްލު ހޯދައި ދޭނީ ރައީސް އަބްދުﷲ ޔާމީންގެ ސަރުކާރުން ކަމަށް ޕީޕީއެމްގެ ޕާލަމެންޓްރީ ގުރޫޕުގެ ލީޑަރު އަހުމަދު ނިހާން މިއަދު ވިދާޅުވެއްޖެ އެވެ.
މުހައްމަދު ޔާމީން
މާލޭގައި ތޮއްޖެހިފައިވާ ޕާކިން މައްސަލައަށް ހައްލު ހޯދައި ދޭނީ ރައީސް އަބްދުﷲ ޔާމީންގެ ސަރުކާރުން ކަމަށް ޕީޕީއެމްގެ ޕާލަމެންޓްރީ ގުރޫޕުގެ ލީޑަރު އަހުމަދު ނިހާން މިއަދު ވިދާޅުވެއްޖެ އެވެ.
މާލޭގެ މަގުތައް ވެހިކަލްތަކުން ތޮއްޖެހިފައި ވާއިރު، ސައިކަލެއް ނުވަތަ ކާރެއްގައި ދަތުރުކޮށްލުމަކީ މިހާރު އެހާ ފަސޭހަ ކަމަކަށް ނުވެ އެވެ. އަދި މާލޭގެ މަގުތައް ތޮއްޖެހުމުގެ މައްސަލަ އަަށް ހައްލެއް ނުލިބި، ދުވަހެއް ދުވަހަކަށް މާލެ ދަނީ ވެހިކަލްތަކުން ފުރި ބާރުވަމުންނެވެ.
“Park kuraane thanthnah vure ginain Vehicle mivanee male’ ah ethere kohffa! Gawaaidhun Park kureveyne jaaga eh hoadhumakee varah dhathi kameh. Parking sticker jehumakee halleh noon ” miee Raiyyithunge faraathun alhugandah enmme ginain libey eh shakuvaa.
— Ahmed Nihan (@ahmed_nihan) March 26, 2018
ނިހާން ކުރެއްވި ޓުވީޓު.
ވެރިކަން ކުރާ ޕާޓީ، ޕީޕީއެމްގެ އިސް މެމްބަރު ނިހާން ކުރެއްވި ޓުވީޓެއްގައި ވިދާޅުވީ އާންމުންގެ ފަރާތުން އެންމެ ބޮޑަށް ޝަކުވާ އަންނަނީ ޕާކް ކުރާނެ ތަންތަނަށް ވުރެ ގިނައިން ވެހިކަލް މާލެ އަށް އެތެރެ ކުރާތީ ކަމަށެވެ. އަދި ގަވައިދުން ޕާކް ކުރެވޭނެ ޖާގައެއް ހޯދުމުގެ ދަތިކަމާއި ޕާކިން ސްޓިކާ ޖެހުމަކީ ހައްލެއް ނޫން ކަން އެ ޝަކުވާތަކުގެ ތެރޭގައި ހިމެނޭ ކަމަށް ވެސް ނިހާން ވިދާޅުވި އެވެ.
Sarukaaruge kamaa behey hurihaa faraaiy thah, kendineylhi eba massakaiy kurahvvaa veehaaves avahah Male’ ge thojjehifaivaa Parking massala ah halleh hoadhevumah. Iraadha kurehvviyaa mikan ves hallu koh dhevveynee Raees Yamin ge sarukaarah.
— Ahmed Nihan (@ahmed_nihan) March 26, 2018
ނިހާން ކުރެއްވި ޓުވީޓު.
އާންމުންގެ ޝަކުވާތަކަށް ނިހާން ދެއްވީ ހިތްވަރެކެވެ. ނިހާންގެ ޓުވީޓުގައި ވިދާޅުވީ ޕާކިން މައްސަލަ އަށް ހައްލެއް ހޯދުމަށް ސަރުކާރުގެ ކަމާ ބެހޭ ފަރާތްތަކުން ކެނޑިނޭޅި މަސައްކަތް ކުރަމުން އަންނަ ކަމަށެވެ. އަދި މިކަން ހައްލު ކޮށްދެއްވާނީ ރައީސް ޔާމީން ކަމަށް އޭނާ ވިދާޅުވި އެވެ.
މަގުތައް ތޮއްޖެހުމުގެ އިތުރުން، ހިނގައިބިނގާވެ އުޅެން ދަތިވަމުންދާތީ އާއި ސްކޫލްތަކަށް ކުދިން ގެންގޮސް ގެނައުމާއި އާއްމު ރައްޔިތުން މަގުތައް ބޭނުން ކުރުމުގައި ދަތިވާ ކަމަށް ބުނެ ޓްރާންސްޕޯޓް އޮތޯރިޓީން ވަނީ މާލޭތެރޭގައި ދުވާލު ގަޑީގައި މުދާ އުފުލުން މަނާކުރަން ނިންމައިފަ އެވެ. އަދި ވިޔަފާރިވެރިންނަށް ތައްޔާރުވާން ފުރުސަތު ދިނުމަށް ކަމަށް ބުނެ، އެ އުސޫލަށް އަމަލު ކުރުން އަންނަ އާދިއްތަ ދުވަހާ ހަމައަށް ފަސް ކުރަން އެ އޮތޯރިޓީން ވަނީ ނިންމައިފަ އެވެ.
ޓްރާންސްޕޯޓުގެ އާ އުސޫލުގެ ސަބަބުން ބައެއް މީހުންގެ ނަޒަރުގައި މިއީ، މުހިންމު އަދި ލަސްވެއްޖެ ފިޔަވަޅެކެވެ. މި ފިޔަވަޅުގެ ސަބަބުން މާލެ ތޮއްޖެހުމުގެ މައްސަލަ އަށް ނިމުމެއް އައީ ކަމަށް އެމީހުން ގަބޫލުކުރެ އެވެ. އެކަމަކު، އަނެއް ބައި މީހުންގެ ނަޒަރުގައި ޓްރާންސްޕޯޓުން އަޅާ ފިޔަވަޅުގެ ސަބަބުން ރައްޔިތުންނަށް އުފުލަން ޖެހޭނީ އިތުރު ތަކުލީފެކެވެ. ހާއްސަކޮށް، ވިޔަފާރިވެރިންނާއި ޕިކަޕް، ލޮރީ ފަދަ ވެހިކަލްތައް ދުއްވާ ޑްރައިވަރުންނަށް މިކަމުގެ ބުރަ އިންތިހާ އަށް އުފުލަން ޖެހޭނެ އެވެ.
މާލެއަކީ ޓޯޔާޑެއް؛ އޮތީ ވެހިކަލް ޖަމާކުރުމާ ނައްތާލުން
ޕާކިން ސިސްޓަމް ނަގައި ހީނާމާގެ އަލުން ޕާކިން ޒޯނަކަށް
ގައުމީ މަރުކަޒު ކުރިން ހިންގި ތަން ޕާކިން ޒޯނަކަށް
ވެހިކަލްތަކުގައި ސްޓިކާ ޖަހަން އަލުން ފަށައިފި
އެމްއެމްއޭ ކައިރީ އޮތް ބިން ވަގުތީ ޕާކިން އޭރިއާއަކަށް
ސްޓިކާ ޖެހުން ހުއްޓާލުމުން ހަމައެއް ލަމައެއް ނެތް!
ޒޯން ބަދަލުކުރާ ވެހިކަލްތަކަށް ދިން ބިން ހުހަށް!
ޓޯ ވެސް ކުރަންވީ، ސްޓިކާ ވެސް ޖަހަންވީ!
ޕާކިން ޖާގަ ދޫކޮށް،ގަރާޖެއް ގޮތަށް ރަޖިސްޓްރީކޮށްދޭނަން
ޕާކިން ޒޯން ބަންދުކުރީ މިނިސްޓްރީން: ކައުންސިލް
