27 އޯގަސްޓް 2017
ގަލްފް ކްރާފްޓް ލޯންޗްފަހަރުގައި ސުޒުކީ އައުޓްބޯޑް އިންޖީނު އަޅަން އިސްކަން ދިނުމާބެހޭ އެއްބަސްވުމެއްގައި ރޭ ސޮއި ކޮށްފި އެވެ.
ގަލްފް ކްރާފްޓް ލޯންޗްފަހަރުގައި ސުޒުކީ އައުޓްބޯޑް އިންޖީނު އަޅަން އިސްކަން ދިނުމާބެހޭ އެއްބަސްވުމެއްގައި ރޭ ސޮއި ކޮށްފި އެވެ.
ސަމާސެޓް ހޮޓަލުގައި ބޭއްވި ޚާއްސަ ރަސްމިއްޔާތެއްގައި މި އެއްބަސްވުމުގައި ސޮއިކުރެއްވީ އެމްޓީސީސީގެ ސީއީއޯ އިބްރާހިމް ޒިޔަތާއި ގަލްފް ކްރާފްޓް ރާއްޖޭ ގޮފީގެ ސީއީއޯ އާވިން ބެންޕްސް އެވެ.
އެމްޓީސީސީ އަކީ ރާއްޖޭގެ އޮތޮރައިޒްޑް ޑިސްޓްރިބިއުޓަރެއްގެ ގޮތުގައި ސުޒުކީން ކަނޑައަޅާފައިވާ ކުންފުންޏެވެ.
އެމްޓީސީސީގެ ސީއީއޯ ޒިޔަތު ރޭގެ ރަސްމިއްޔާތުގައި ވާހަކަ ދައްކަވަނީ.--- މިހާރު ފޮޓޯ: ހުސައިން ވަހީދު
ރޭގެ ރަސްމިއްޔާތުގައި ޒިޔަތު ވިދާޅުވީ މި އެއްބަސްވުމުގެ ދަށުން، ސުޒުކީ އައުޓްބޯޑް އިންޖީނު ވާނީ ގަލްފް ކްރާފްޓުގެ "ޕްރިފާޑް އައުޓްބޯޑް މޯޓާ އިންޖީން" ޕާޓްނަރަކަށް ކަމަށެވެ. އަދި ކުރިއަށް އޮތް ތަނުގައި ގަލްފް ކްރާފްޓާ އެކު އިތުރު އެއްބަސްވުންތައް އެކުލަވާލާނެ ކަމަށް ވެސް ވިދާޅުވި އެވެ.
"އެއްބަސްވުމުގެ ދަށުން ސުޒުކީ އިންޖީން އަޅަން ގަލްފް ކްރާފްޓުން އިސްކަންދޭނެ. އެއާއެކު އަޅުގަނޑުމެންގެ މާކެޓް ޝެއާ އިތުރަށް ވަރުގަދަވެގެން ދާނެ. ވަރަށް ބޮޑަށް ގަލްފް ކްރާފްޓަށް ޝުކުރު އަދާކުރަން އަޅުގަނޑުމެން ޚިޔާރުކުރުމުން،" ޒިޔަތު ވިދާޅުވި އެވެ.
ގަލްފް ކްރާފްޓް ރާއްޖޭ ގޮފީގެ ސީއީއޯ އާވިން ރޭގެ ރަސްމިއްޔާތުގައި.--- މިހާރު ފޮޓޯ: ހުސައިން ވަހީދު
އާވިން ވިދާޅުވި ގޮތުގައި ގަލްފް ކްރާފްޓަކީ ރާއްޖޭގައި އެންމެ ފުޅާ ދާއިރާއެއްގައި ލޯންޗް ބަންނަ ކުންފުންޏެވެ. އަދި އެ ކުންފުނިން އަބަދު ވެސް ބަލަނީ ޕާޓްނަރުންނާ ގުޅިގެން ވީހާވެސް ރަނގަޅު، ފެންވަރު ރަނގަޅު ޚިދުމަތެއް ދެވޭތޯ ކަމަށް ވިދާޅުވި އެވެ.
"އަޅުގަނޑުމެން އެމްޓީސީސީއާ ގުޅެން ނިންމީ އެއީ ރާއްޖޭގެ އެންމެ ރިލަޔަބަލް އެއް ކުންފުނި ކަމަށް ވީމަ. އެމްޓީސީސީ އަކީ މިފަދަ ޕާޓްނާޝިޕަކަށް ރާއްޖޭގެ އެންމެ ރަނގަޅު ކުންފުނި،" އާވިން ވިދާޅުވި އެވެ.
ގަލްފް ކްރާފްޓުން ރާއްޖޭގައި އަހަރަކު 1،500 އަށް ވުރެ ގިނަ އުޅަނދު ބަންނަމުން އަންނަ ކަމަށް ވެސް އާވިން ވިދާޅުވި އެވެ. އަދި އެ ކުންފުނިން ރާއްޖޭގައި ކުރަމުން އަންނަ ވިޔަފާރި އިތުރަށް ފުޅާކުރުމަށް މަސައްކަތްތަކެއް ކުރަމުން އަންނަ ކަމަށް ވެސް ވިދާޅުވި އެވެ.
އެމްޓީސީސީގެ އޮފިޝަލަކު ވިދާޅުވީ ގަލްފް ކްރާފްޓާ އެކު ވި އެއްބަސްވުމަކީ ގާތްގަނޑަކަށް ދެ އަހަރުގެ މަސައްކަތެއް ކަމަށެވެ އެ އެއްބަސްވުން ދެމިއޮންނާނީ އެއް އަހަރަށް ކަމަށާއި، މުއްދަތު އިތުރު ކުރާނީ ދެ ފަރާތުގެ މަސައްކަތްތަކަށް ބެލުމަށް ފަހު ކަމަށް ވެސް ވިދާޅުވި އެވެ.
ގަލްފްކްރާފްޓުން ބަން އެމްޓީސީސީގެ ފެރީތައް ހަވާލުކޮށްފި
ހައި ސްޕީޑް ފެރީ ބަންނަން ގަލްފް ކްރާފްޓަށް
މެރިން އެކްސްޕޯއަށް އައި ބަދަލާއެކު އަޖައިބުވެއްޖެ!
ބޯޓިން އެވޯޑްގެ ސްޕޮންސަރުން އިއުލާނު ކޮށްފި
މާލޭގައި ފަތިހު 5ގައި ބަހުގެ ހިދުމަތް ދޭން ފަށަނީ
އެމްޓީސީސީގެ އާ ސީއީއޯއަކަށް ސައުދީ އައްޔަންކޮށްފި
މާފަރު އެއާޕޯޓްގެ އޭޕްރަން ބޮޑުކުރަން އެމްޓީސީސީއަށް
އެމްޓީސީސީގެ އާމްދަނީ ދެ ވަނަ ކުއާޓާގައި ދަށަށް
މަސައްކަތް ފަށާފައިވާ އެއްވެސް މަޝްރޫއެއް ނުހުއްޓާނެ
ރަސްމީ ފާލަމުގެ ސްޕީޑު މަޑުޖެހިފައި، އަވަސްވާނީ ތަކެތި އައުމުން