ލިންކް ރޯޑްގައި ދުއްވަނިކޮށް ޑޭޝް ބޯޑް ވިރުނު ކާރު ވަރަށް ބޮޑަށް އަނދައިފި

މިއަދު މެންދުރެއްހާ އިރު އައްޑޫ ލިންކް ރޯޑްގައި ދުއްވާފައި ދަނިކޮށް އިންޖީނު މާ ބޮޑަށް ހޫނުވެގެން ޑޭޝް ބޯޑް ވިރުނު ކާރުގައި މިއަދު މެންދުރު ފަހު ރޯވެ ވަރަށް ބޮޑަށް އަނދައިފި އެވެ.

ކާރުގައި ރޯވީ އެ ކާރުގެ ވެރިމީހާ ހިތަދޫގައި ދިރިއުޅޭ ގެ ކައިރީގައި ބާއްވާފައި އޮއްވަ އެވެ. ގަރާޖެއް ހިންގާ އެ މީހަކީ ހިތަދޫ މީހަކާ އިނދެގެން އުޅޭ ލަންކާ މީހެކެވެ.

ޑޭޝް ބޯޑްގައި ރޯވި ހާދިސާއާ ގުޅިގެން އެމްއެންޑީއެފް ސަދަން އޭރިއާގެ، އަލިފާން ނިއްވާ މީހުން ކާރު އޮތް ސަރަހައްދަށް ގޮސް، އަލިފާން ނިއްވުމުގައި އެހީތެރިކަން ފޯރުކޮށް ދީފައިވެ އެވެ. އަދި ކާރުގައި މެންދުރު ފަހު ރޯވި ހާދިސާގައި ކާރުގެ ކުރީކޮޅުން ވަރަށް ބޮޑަށް އަނދާފައިވެ އެވެ.

އެހެން ނަމަވެސް މި ހާދިސާގައި އެއްވެސް މީހަކަށް ގެއްލުމެއް ނުވެ އެވެ.