ވެމްކޯގެ ޗެއާމަން އާއި އެމްޑީ މަގާމުން ވަކިކޮށްފި

ވޭސްޓް މެނޭޖްމަންޓް ކޯޕަރޭޝަން (ވެމްކޯ)ގެ ޗެއާމަން އަލީ ހާލިދާއި މެނޭޖިން ޑިރެކްޓަރު އިބްރާހިމް ފުއާދު، މަގާމުން ވަކިކޮށްފި އެވެ.

ޕްރައިވަޓައިޒޭޝަން އެންޑް ކޯޕަރޭޝަން ބޯޑް (ޕީސީބީ)ގެ ރައީސް މުހައްމަދު ނިޒާރު މިރޭ ކުރެއްވި ޓްވީޓެއްގައި އެކަން ވަނީ ޔަގީން ކޮށްދެއްވާފަ އެވެ.

ދެމެެހެއްޓެނިވި ގޮތެއްގައި ކުނި ނައްތާލުމަށް ސަރުުކާރުން އުފެއްދި ވެމްކޯގެ ޗެއާމަން އަލީ ހާލިދު އެތަނުގެ މަގާމުން ވަކި ކުރެއްވި އިރު މީގެ ހަފުތާއެއްހާ ދުވަސް ކުރިން އޭނާ ވަނީ ރައީސް އޮފީހުގެ ޗީފް ކޮމިއުނިކޭޝަން އޮފިސަރުގެ މަގާމުން ވެސް ވަކިކޮށްފަ އެވެ.