މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) ގެ ސެކްރެޓަރީ ޖެނެރަލްގެ މަގާމުން މަރިޔަމް ޒީނިޔާ ވަކިކުރި މައްސަލަ ޓްރައިބިއުނަލަށް ހުށަހަޅައިފި އެވެ.
18 ޖޫން 2025
މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) ގެ ސެކްރެޓަރީ ޖެނެރަލްގެ މަގާމުން މަރިޔަމް ޒީނިޔާ ވަކިކުރި މައްސަލަ ޓްރައިބިއުނަލަށް ހުށަހަޅައިފި އެވެ.
ޒީނިޔާގެ ވަކީލް، މުހައްމަދު ފައިސަލް މިއަދު ވިދާޅުވީ މި މަހުގެ 2 ވަނަ ދުވަހު ހުށަހެޅި މައްސަލަ ޓްރައިބިއުނަލްއިން ބަލައިގަނެ، އަޑު އެހުންތައް ފަށާފައިވާ ކަމަށެވެ. އެ މައްސަލައިގެ ތެރެއިން ޒީނިޔާ ވަނީ ބްރޯޑްކޮމް އަށް ސެކްރެޓަރީ ޖެނެރަލް އެއް އައްޔަންކުރުން ހުއްޓުވައިދިނުމުގެ ވަގުތީ އަމުރަކަށް ވެސް އެދިފަ އެވެ.
ނަމަވެސް، ޓްރައިބިއުނަލްއިން މިއަދު ނިންމާފައިވަނީ އެފަދަ އަމުރެއް ނަގައިނުދެވޭނެ ކަމަށެވެ. އެހެންވެ، އެ މައްސަލަ ހައި ކޯޓުގައި އިސްތިއުނާފުކުރަން ވަނީ ނިންމައިފަ އެވެ.
"ބްރޯޑްކޮމް އިން އެދުނީ އެސްޖީގެ މަގާމުގައި މީހަކު ނެތިއްޔާ ވަރަށް ދަތިވާނެ ކަމަށް. އެހެންވެ، ޓްރައިބިއުނަލް އިން ބުނީ ޒީނިޔާއާ އެއްކޮޅަށް ނިމިއްޖެ ނަމަ ބަދަލު ލިބޭނެ ކަމަށް،" ފައިސަލް ވިދާޅުވި އެވެ.
މަސައްކަތްތަކަށް ހުރަސްއެޅޭ ގޮތަށް އަމަލުކުރައްވައި އަދި ނިންމުންތައް ތަންފީޒު ކުރުމުގައި އެއްބާރުލުން ނުދެއްވާ ކަމަށް ބުނެ ތިން ދުވަހުގެ ސަސްޕެންޝަނަކަށް ފަހު. ޒީނިޔާ ބްރޯޑްކޮމް އިން ވަކިކުރެއްވީ މިދިޔަ މަހުގެ 25 ގަ އެވެ.
އޭގެ ފަހުން އެ ކޮމިޝަނުން ވަނީ އެސްޖީއެއް ހޯދަން އަންނަ ހޯމަ ދުވަހާ ހަމައަށް ފުރުސަތު ހުޅުވާލައިފަ އެވެ.
ޗެނަލް13އަށް ފިޔަވަޅު، ރާއްޖެ ޓީވީއަށް އިންޒާރު!
ޔާމީނަށް ބަދަލު ދޭން އެންގި ނިންމުން އިސްތިއުނާފަށް
މީޑިއާ ކައުންސިލާއި ބްރޯޑްކޮމް އެއްކޮށްލުމާ ދެކޮޅު
ބްރޯޑްކާސްޓިން ނޫސްވެރިންނަށް ފާސް ދޭނީ ތަމްރީނަކަށްފަހު
މީޑިއާ ބިލާ ބްރޯޑްކާސްޓިން ކޮމިޝަން ވެސް ދެކޮޅު
ވިހެއުމުގެ ޗުއްޓީގެ މުސާރަ ނުދިނުމުން ބޮޑު ބަދަލެއް
ވަޒީފާގެ އެއްބަސްވުމުގައި ނެތަސް، ގާނޫނީ ހަރަދު ލިބޭނެ
ބްރޯޑްކޮމްގެ އައިޓީ އޮފިސަރު މަގާމުން ވަކިކޮށްފި
ބްރޯޑްކޮމްގެ އެސްޖީގެ މަގާމަށް ޔާމީން އިދުރީސް
ބްރޯޑްކޮމް އަށް ޒަމްއަތު އައްޔަންކޮށްފި