ގަވާއިދާ ހިލާފަށް ގެނައި 1.3 މިލިއަން ސިނގިރޭޓް ނައްތާލައިފި

ގަވާއިދާ ހިލާފަށް އެތެރެކުރި 1.3 މިލިއަނަށް ވުރެ ގިނަ ސިނގިރޭޓް ކަސްޓަމްސުން ނައްތާލައިފި އެވެ.

ކަސްޓަމްސްއިން ބުނީ މިދިޔަ ބުރާސްފަތި ދުވަހު ދޫނިދޫ ނައްތާލާފައިވާ 1.3 މިލިއަން ސިނގިރެޓަކީ ގަވާއިދާ ހިލާފަށް ރާއްޖެއަށް އެތެރެކުރަން އުޅެނިކޮށް އަތުލައިގެންފައިވާ ތަކެތި ކަމަށެވެ.

ރާއްޖެއަށް ވޭޕް އެތެރެ ކުރުމާއި ބޭނުންކުރުން މަނާ ކުރުމުގެ އިތުރުން ދުންފަތުގެ ބާވަތްތަކުން ނަގާ ޑިއުޓީ ބޮޑުކުރަން މިދިޔަ އަހަރު ގާނޫނަށް ވަނީ އިސްލާހު ގެނެސްފަ އެވެ. އޭގެފަހުން ގިނަ އަދަދެއްގެ ސިނގިރެޓް ރާއްޖެއަށް ވަގަށް އެތެރެކުރަނިކޮށް އަތުލައިގެންފައިވެ އެވެ.

މިދިޔަ އާދިއްތަ ދުވަހު ވެސް ކަސްޓަމުން ވަނީ ރާއްޖެއަށް ވަގަށް އެތެރެކުރަން އުޅުނު އެއް ލައްކައަށް ވުރެ ގިނަ ސިނގިރޭޓް އައްޑޫ އިންޓަނޭޝަނަލް އެއާޕޯޓުން އަތުލައިގެންފަ އެވެ.