ދިރާގުން އާ އަހަރަށް އާ އޮފާތަކެއް

ދިރާގުން އާ އަހަރުގެ ފެށުން ފާހަގަކުރުމުގެ ގޮތުން ހާއްސަ އޮފާތަކެއް ލޯންޗުކޮށްފި އެވެ.

އޭގެ ތެރޭގައި ޕޯސްޓްޕެއިޑް އަދި ޕްރިޕެއިޑް ކަސްޓަމަރުންނަށް ހާއްސަކޮށް ތަފާތު ފަސް އޮފާއެއް ވަނީ ތައާރަފްކޮށްފަ އެވެ. ދިރާގުން ތައާރަފްކުރި އޮފާތަކަކީ:

• ސަޅި ޕްރީޕެއިޑް ޕްރޮމޯ

އަލަށް ތައާރަފް ކުރި މި އޮފާގެ ދަށުން ސަޅި ޕްރީޕެއިޑް ކަސްޓަމަރުންނަށް 2،025ރ. އަށް "ސަޅި 365 ދުވަސް" ނުވަތަ "ސަޅި 180 ދުވަސް" ޕްލޭނަށް ސަބްސްކްރައިބްކުރެވޭނެ އެވެ. ސަޅި 365 ދުވަހުގެ ޕްލޭނަކީ ކަސްޓަމަރުންނަށް ދުވާލަކު އެއް ޖީބީ ލިބޭ، ޖުމްލަ 365ޖީބީގެ ޕްލޭނެކެވެ. މި ޕްލޭން ހިޔާރުކޮށްގެން 100 ޖީބީގެ ބޯނަސް ޑޭޓާ ލިބޭނެ އެވެ. "ސަޅި 180" ދުވަހުގެ ޕްލޭނަކީ ކަސްޓަމަރުންނަށް ދުވާލަކު 4ޖީބީ ލިބޭ ގޮތަށް ޖުމްލަ 720 ޖީބީ 180 ދުވަހަށް ލިބޭ ޕްލޭނެކެވެ.

• ޕޯސްޓްޕެއިޑް ޑޭޓާ ބޫސްޓާ

މިއީ އޮފާ ގައި ދިރާގު ޕޯސްޓްޕެއިޑް ކަސްޓަމަރުންނަށް އިތުރު އަގަކާ ނުލައި ހާއްސަ ޑޭޓާ ބޫސްޓާތަކާ އެކު 25ޖީބީ އާ ހަމައަށް އިތުރު ޑޭޓާ ހިލޭ ލިބޭނެ އެވެ.

• ސްޓްރީމް 25ޖީބީ އޮފާ

މިއީ ޕްރީޕެއިޑް ކަސްޓަމަރުންނަށް ހާއްސަ ސްޓްރީމިންގް އެޑް-އޮންއާ އެކު، ސްޓްރީމިންގެ ބޭނުންތަކަށް 25ޖީބީ މޮބައިލް ޑޭޓާ އެންމެ 25 ރުފިޔާއަށް، 24 ގަޑިއިރުގެ މުއްދަތަށް ލިބޭނެ އޮފާ އެކެވެ.

• މަންތުލީ ޑޭޓާ ޑޭޓާ އެޑް-އޮން

މި އޮފާގެ ދަށުން ވަކި މަންތުލީ ޑޭޓާ އެޑް-އޮންތަކާ އެކު ކަސްޓަމަރުންނަށް އެއް އަގެއްގައި 25 ޕަސެންޓް އިތުރު ހިލޭ ޑޭޓާ، 30 ދުވަހުގެ މުއްދަތަށް ލިބޭނެ އެވެ.

• 100ޖީބީ 24 ގަޑިއިރުގެ ޑޭޓާ ޕެކް

މި އޮފާއިން ޕްރީޕެއިޑް ކަސްޓަމަރުންނަށް 100ޖީބީގެ 24 ގަޑިއިރުގެ ޑޭޓާ ޕެކް އެކްޓިވޭޓްކޮށްގެން އިތުރު 25ޖީބީ ޑޭޓާ އަދި ދިރާގު ނަންބަރުތަކަށް ހިލޭ ކޯލްތައް އެއް އަގެއްގައި ލިބޭނެ އެވެ.

ދިރާގުން އާ އަހަރަށް ތައާރަފްކުރި މި އޮފާތައް ޖެނުއަރީ މަހުގެ ނިޔަލަށް ލިބެން ހުންނާނެ އެވެ.

މި އޮފާތަކުގެ އިތުރުން ދިރާގުން ވަނީ ހިލޭ ކަނެކްޝަން ލިބޭ ޕްރޮމޯޝަނެއް ވެސް ފަށައިފި އެވެ. އެ ޕްރޮމޯޝަނުގެ ދަށުން އަލަށް ދިރާގު ފައިބާ ބްރޯޑްބޭންޑް ކަނެކްޝަން ނަގާ ހުރިހާ ކަސްޓަމަރުންނަށް ހިލޭ ރައުޓަރު އަދި ހިލޭ ސެޓް-އަޕް މި މަހުގެ ނިޔަލަށް ލިބޭނެ އެވެ.

ދިރާގުން ކަސްޓަމަރުންނަށް ދޭ އޮފާތައް ދިރާގު އެޕް މެދުވެރިކޮށް އެކްޓިވޭޓު ކުރެވޭނެ އެވެ.