އޯވީއެސް: މާބޮޑަށް ތަފާތު ވެފައި ކޮލިޓީ، ނުވަދެ ވާކަށް ނެތް

ކުލަޖައްސާ ފޮތްތަކުން މީގެ ކުރިން ފެނިފައިވާ ފަދަ މަންޑާލާތަކެވެ. ބޯލްޑް, ވައިބްރަންޓް އަދި ރީތި ހިތްގައިމު ކުލަތަކެކެވެ. އަތްވާއި ހޫނާ ގުޅޭ, ރާއްޖެ ފަދަ ޓްރޮޕިކަލް ގައުމަކާ ގުޅޭ މެޓީރިއަލްތަކެވެ. ސަމާ ވައިބްގެ ހިތްގައިމު ޑިޒައިންތަކެވެ.

މެދުޒިޔާރަތް މަގުން ސިފައިންގޭގެ ފުރަގަހަށް ވާ ގޮތަށް ދާދި ފަހުން ހުޅުވި އިޓަލީގެ ލީޑިން ބްރޭންޑު "އޯވީއެސް" ފިހާރަ އިން އެޅި ފުރަތަމަ ފިޔަވަޅާ އެކު ވެސް ފާހަގަވި ކަންކަމަކީ މިއީ އެވެ. ޒުވާނުންނާއި ފުރާވަރު އުމުރުފުރައިގެ "ޖެން ޒީ" އަދި "ޖެން އަލްފާ" އާ ގުޅޭ ޑިޒައިންތަކެއް މާލޭގައި އެއް ފިހާރައަކުން ފެންނަ ނަމަ އެއީ އޯވީއެސް އެވެ. އެ ނޫން ނަމެއް ހިތަކަށް މިހާރު ނާންނާނެ އެވެ. އެހާ ހިތްގައިމު ވެސް ކޮލިޓީ އެވެ. އަމުދުން ތަފާތު, ބޯލްޑް ސްޓައިލެއް ގެންގުޅޭ ނަމަ ރީތި ހެދުމެއް ހޯދުމަކީ އުނދަގޫ ކަމަކަށް ވެފައިވާ އިރެއްގައި އޯވީއެސް ވަރެއް ނެތެވެ.

"އޯވީއެސް" އަކީ ފެޝަނަށް ލޯބިކުރާ މީހުންނަށް ކަމުދާނެ ފިހާރައެކެވެ. ފިހާރައިގެ ކަނާތް ފަރާތުގައި ޝޯކޭސް ކޮށްފައިވާ ޑިޒައިނާ ޕިއޮމްބޯގެ ކަލެކްޝަނަކީ މޮރޮކޯގެ ކަލްޗާ އިން އިންސްޕަޔާވެ އެފްރިކަން ޑިޒައިންތަކެއް ހިމަނައި ތައްޔާރު ކޮށްފައިވާ ކަލަފުލް ކަލެކްޝަނެކެވެ. ޕިއޮމްބޯ ކަލެކްޝަނަކީ އިޓަލީގެ މަޝްހޫރު ފެޝަން ޑިޒައިނަރު މައްސިމޯ ޕިއަމްބޯގެ ޑިޒައިންތަކެވެ. ފްރާންސް ފަދަ ޔޫރަޕުގެ ފެޝަން ހަބްތަކުގައި ވިއްކާ ޑިޒައިނާ ބްރޭންޑު "ޕިއަމްބޯ"އިން އޯވީއެސްގައި ޝޯކޭސް ކޮށްފައި ވަނީ އެ ކުންފުންޏާ އެކު ކޮލަބަރޭޓުކޮށް ހަދާފައިވާ ޑިޒައިންތަކެވެ.

މިއީ ހެޔޮ އަގުގައި މޮޅު ޑިޒައިނާއި ސްޓައިލިޝް ބްރޭންޑެއް ފޯރުކޮށްދިނުމުގެ ގޮތުން 2018 ވަނަ އަހަރުން ފެށިގެން އޯވީއެސް އިން ނެރެން ފެށި ޑިޒައިނާ ކަލެކްޝަނެކެވެ.

މި ތަނުގައި "އޯވީއެސް"ގެ ސަމާ ކަލެކްޝަނުގައި ހިމެނޭ ހެދުންތަކުގެ ތެރޭގައި ވެސް ވައިބްރަންޓު ކުލަތަކުގެ ހެދުންތައް ގިނަ އެވެ. އެކި ވައްތަރުގެ "ކޫލް ގާލް" ޓީޝާޓުން ފެށިގެން ޓޮޕް ކޮޅާއި އެކި ލެންތުގެ ޑްރެސް ވެސް މި ތަނުގައި ހުރެ އެވެ.

މި ތަނުގައި ތަންކޮޅެއް މިއުޓަޑް ކުލަތަކުގެ ހެދުންތަކަށް ލޯބިކުރާ, މިނިމަލިސްޓިކް ސްޓައިލުތައް ގެންގުޅޭ މީހުންނަށް ވެސް ކަމުދާނެ ހެދުންތައް ގިނަ އެވެ. "އެވްރީޑޭ ވެއާ" ގެ ގޮތުގައި ލެވޭނެ ސްޓައިލިޝް އެކި ފިޓުތަކުގެ ޖިންސުތަކުން ފެށިގެން ރާއްޖޭގެ ހޫނު މޫސުމާ ގުޅޭނެ އެކި ވައްތަރުގެ ޕޭންޓްސް ކަލެކްޝަންތައް ވެސް މި ތަނުގައި ހުރެ އެވެ. އައުޓްފިޓް ފުރިހަމަ ކޮށްލުމަށް އަދި އެސަސަރައިޒް ކޮށްލަން ބޭނުން ކުރާނެ އެކި ވައްތަރުގެ ދަބަހާއި ބޫޓު އަދި ޖީން ޖެކެޓާއި ލެދާ ޖެކެޓު ވެސް މި ތަނުން ލިބޭނެ އެވެ.

ފިހާރައިގެ ފަސްޓް ފްލޯ ހާއްސަ ކޮށްފައި ވަނީ ކުޑަކުދިންނަށެވެ. ނިއު ބޯންއިން ފެށިގެން ޓީންއޭޖާސް އަށް ހާއްސަކޮށް ދެޖިންސުގެ ކުދިންގެ ހެދުންތައް މި ތަނުގައި ހުރެ އެވެ. އޭގެ ތެރޭގައި ވަންޒީސް އިން ފެށިގެން ސޯޓާއި ޖީންސާއި ޓީޝާޓު އަދި ހެދުމާއި ސްކާޓު ވެސް އެބަހުއްޓެވެ. އުމުރާ ގުޅޭ ގޮތަށް އެކި ކުލަތަކުން ޖަރީ ކޮށްފައިވާ މި ހެދުންތަކަކީ އެ ކުއްޖެއްގެ އުމުރާ ގުޅޭ ގޮތަށް ޑިޒައިން ކޮށްފައިވާ ހެދުންތަކެކެވެ. މި ތަނުގައި ވެސް އެންމެ ފަހުގެ ޓްރެންޑުތަކާއި ގުޅޭ ގޮތަށް އެކި ސްޓައިލަށް ލޯބިކުރާ ކުދިންނަށް އެ ކުދިންގެ ސްޓައިލް އެކްސްޕްރެސް ކުރެވޭނެ ތަފާތު ހެދުންތަކެއް ހުރެ އެވެ.

މި ޒަމާނުގައި ވިޔަފާރިކުރުމުގައި ގަންނަ ބްރޭންޑުތަކަކީ ތިމާވެއްޓާ ރައްޓެހި ބައެއްތޯ ބަލަން ޖެހެ އެވެ.

"އޯވީއެސް" އަކީ ރިސައިކަލްޑް ކޮޓަން ބޭނުންކޮށް ސަސްޓެއިނަބިލިޓީ ޕްރޮމޯޓުކުރާ ބްރޭންޑެކެވެ. މި ބްރޭންޑުން 2021 ވަނަ އަހަރުން ފެށިގެން ބޭނުން ކުރަނީ ރިސައިކަލްޑް, އޯގެނިކް ނުވަތަ ބިންގަނޑަށް ގެއްލުން ނުލިބޭ ގޮތަށް ނެޗުރަލް މެތަޑްތަކަށް ފެތޭގޮތަށް ހައްދާފައިވާ ކޮޓަން އެވެ. މި ބްރޭންޑަކީ "ބެޓާ ކޮޓަން ސްޓޭންޑާޑް"އާ ގުޅުނު ފުރަތަމަ އިޓަލީ ކުންފުންޏެވެ.

ސޯޝަލް އަދި އެންވަޔަރަންމަންޓަލް ޕޮލިސީތަކުގެ މައުލޫމާތުތައް ދެފުށް ފެންނަ ގޮތެއްގައި ހިއްސާކުރަމުން އަންނާތީ ޖެހިޖެހިގެން ތިން އަހަރު "އޯވީއެސް" އަށް ވަނީ ފެޝަން ޓްރާންސްޕޭރަންސީ އިންޑެކްސްއިން އެއް ވަނަ ލިބިފަ އެވެ.

"އޯވީއެސް" ބްރޭންޑާއި ފިހާރަ ވެސް ތަފާތު ވަނީ މިހެންވެ އެވެ. އެކްސްޕްރެސިވް ޑިޒައިންތަކުން ފެށިގެން އެ ބްރޭންޑުން ގެންގުޅޭ ހަރުދަނާ އުސޫލުތަކާ ހުރެ އެވެ. މިއީ ހަމަގައިމު ވެސް ފެޝަނަށް ލޯބިކުރާ މީހުންގެ މެދުގައި މަގުބޫލު, ކޮންމެ މީހަކަށް ވެސް ކަމުދާނެ ފެޝަން ޕީސްއެއް ހޯދޭނެ ތަނެކެވެ.

ދުނިޔޭގެ އެކި ހިސާބުތަކުގައި 1،500 ފިހާރަ ހުޅުވާފައިވާ އޯވީއެސް އަކީ އިޓަލީގެ އިތުރުން ސްޕެއިން އަދި ސައުދީ އަރަބިއާގައި ވެސް މަގުބޫލު ބްރޭންޑެކެވެ. މި ބްރޭންޑުން ވަނީ މި ސަރަހައްދުން ސްރީ ލަންކާގައި ވެސް ފިހާރައެއް ހުޅުވައިފަ އެވެ.

މާލޭގައި ހުންނަ "އޯވީއެސް" ފިހާރަ ކޮންމެ ހަފުތާއެއްގެ ހޮނިހިރު ދުވަހުން ބުރާސްފަތި ދުވަހަށް ހުޅުވާފައި ހުންނާނީ ހެނދުނު 10 އިން ހަވީރު 6 އަށް އަދި ރޭގަނޑު 8 އިން 10:30 އަށެވެ. ހުކުރު ދުވަހު ހުޅުވާނީ ހަވީރު 4 އިން 6 އަށް އަދި ރޭގަނޑު 8 އިން 10:30 އަށެވެ.

ނޯޓު: މިއީ އޯވީއެސްގެ އެޑްވަޓޯރިއަލް އާޓިކަލެކެވެ.