ކުޑަހުވަދޫ ކައިރިން ދަތުރު ކުރަމުންދިޔަ ދޯންޏެއްގައި ރޯވެއްޖެ

ދ. ކުޑަހުވަދޫ ކައިރިން ދަތުރު ކުރަމުން ދިޔަ ދޯންޏެއްގައި އަލިފާން ރޯވެއްޖެ އެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ އެ ހާދިސާ ހިނގާފައިވަނީ މިއަދު ހެނދުނު ކަމަށެވެ.

އެ ހާދިސާގައި ތަފްސީލެއް ފުލުހުން ނުދެ އެވެ. އެހެންކަމުން ދޯނީގައި ތިބީ ކިހާ މީހުންނެއް ކަމެއް އަދި މީހަކަށް އަނިޔާވިކަމެއް ނޭނގެ އެވެ. އަދި ދޯންޏަށް ލިބުނު ގެއްލުންތަކެއް ވެސް މިހާތަނަށް ސާފެއް ނުވެ އެވެ.

ފުލުހުން ބުނީ ދޯނީގައި ރޯވި އަލިފާން ނިންވާލުމަށް ސިފައިންނާއި ފުލުހުން ހަރަކާތްތެރި ވަމުންދާ ކަމަށެވެ.

ސޯޝަލް މީޑިއާގައި ދައުރު ވަމުންދާ ވީޑިއޯއިން ފެންނަ ގޮތުން، އެ ދޯނީގެ ފަހަތުގައި ވަރަށް ބޮޑަށް ރޯވެފައިވާއިރު، އެހެން ދޯންޏަކުން އެ ދޯނި ކަފު ޖަހައިގެން ގެންދެ އެވެ.