އެމްއެމްޕީއާރުސީ އާއި ވީޗެޓާ ދެމެދު ހާއްސަ އެއްބަސްވުމެއް

އެމްއެމްޕީއާރުސީ އާއި ޗައިނާގެ ވެއިޝިން ޕޭ (ވީޗެޓް) އާ އެކު ހާއްސަ އެއްބަސްވުމެއްގައި ސޮއިކޮށްފި އެވެ.

އައިޓީބީ ޗައިނާ 2024 ގައި ބޭއްވި އެ ރަސްމިއްޔާތުގައި އެމްއެމްޕީއާރްސީގެ ފަރާތުން ސޮއިކުރެއްވީ ޑެޕިއުޓީ މެނޭޖިން ޑިރެކްޓަރު ޒިހުނީ ރަޝީދެވެ. އަދި ވީޗެޓްގެ ރީޖަނަލް ޑައިރެކްޓާ ފޯ ސައުތުއީސްޓް އޭޝިއާ އޭޓީއެން އެންގް އެވެ.

އެމްއެމްޕީއާރްސީއާ އެކު ވީޗެޓުން މިވީ އެއްބަސްވުމުގެ ދަށުން ޑިއުޓީ ފްރީ އާއި ވެލާ ޕްރައިވެޓް އައިލެންޑާއި ބެނިއަން ޓްރީ ވައްބިންފަރާއި ސަލަ ތައި ރެސްޓޯރެންޓްގައި ބޭނުންކުރެވޭނެ އެވެ.

ޗައިނާގެ މަގުބޫލު މޮބައިލް ވީޗެޓް ޕޭ މެދުވެރިކޮށް ބީއެމްއެލްގެ ޕޮއިންޓް-އޮފް-ސޭލް (ޕީއޯއެސްތަކުން ބޭނުން ކުރެވޭ ގޮތް ވަނީ ހަދައިފަ އެވެ. ބީއެމްއެލް އިން އެ ހިދުމަތް ފަށާފައި ވަނީ ވެލާނާ އިންޓަނޭޝަނަލް އެއާޕޯޓްގެ ޑިއުޓީފްރީގަ އެވެ. އެ ވިޔަފާރިތަކަށް މިހާރު އެ އެޕުން ކިއުއާރު ޕޭމަންޓުތައް ހެދޭނެ އެވެ.

ޒިހުނީ ވިދާޅުވީ، ވީޗެޓު މެދުވެރިކޮށް ރާއްޖެ ޕްރޮމޯޓްކޮށް، ޗާއިނާއިން އަންނަ ޓޫރިސްޓުންނަށް ފަސޭހަކަމާ އެކު ފައިސާދެއްކޭނެ ގޮތް ހެދުމަށް މަސައްކަތް ކުރާ ކަމަށެވެ.

ވީޗެޓް ޕޭ އަކީ ޗައިނާގައި އެންމެ މަޝްހޫރު ޕްލެޓްފޯމެވެ.