30 މާޗް 2024
ރައްޔިތުންގެ މަޖިލީހުގެ އިންތިހާބާ ގުޅޭ 8 މައްސަލައެއް ތަހުގީގު ކުރަމުން އަންނަ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން މިއަދު ބުނެފި އެވެ.
ރައްޔިތުންގެ މަޖިލީހުގެ އިންތިހާބާ ގުޅޭ 8 މައްސަލައެއް ތަހުގީގު ކުރަމުން އަންނަ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން މިއަދު ބުނެފި އެވެ.
މީޑިއާ އޮފިޝަލް ހަސަން މަނިކު "މިހާރު" އަށް ވިދާޅުވީ އަންނަ މަހުގެ 21 ގައި ބާއްވާ މަޖިލިސް އިންތިހާބާ ގުޅޭ 10 ޝަކުވާއެއް މިހާތަނަށް އެ ކޮމިޝަނަށް ލިބިފައިވާ ކަމަށެވެ.
އޭގެ ތެރެއިން ދެ މައްސަލައެއް ފިޔަވައި އެހެން ހުރިހާ މައްސަލައެއް ރަޖިސްޓަރީކޮށް، ބަލަން ނިންމާފައިވާ ކަމަށް އޭނާ ވިދާޅުވި އެވެ.
އޭސީސީ އަށް ހުށަހެޅި މައްސަލަތަކުގެ ތެރޭގައި މައިގަނޑު ގޮތެއްގައި ހިމެނެނީ ދައުލަތުގެ ވަސީލަތްތައް ނަހަމަ ގޮތުގައި ބޭނުން ކުރުމާއި ކެންޑިޑޭޓުން ދައްކާ ވާހަކަތަކާއި ވައުދުތަކާ ގުޅޭ މައްސަލަތަކެއް ކަމަށް ހަސަން ވިދާޅުވި އެވެ.
"އިންތިހާބާ ބެހޭ ގާނޫނުގައި އޮންނާނެ ވޯޓާ ގުޅުވާފައި ހަދިޔާއެއް ދެވޭ ގޮތަށް ވައުދު ނުވެވޭނެ ކަމަށް. އެފަދަ މައްސަލަތަކެއް ވެސް މި ދަނީ ބަލަމުން،" އޭނާ ވިދާޅުވި އެވެ.
އިންތިހާބާ ގުޅޭ ގޮތުން ފާހަގަވާ މައްސަލަތައް އޭސީސީގެ ޕޯޓަލް އަށް ހުށަހެޅުމަށް އެ ކޮމިޝަނުން ބާރު އަޅަ އެވެ.
މިހާތަނަށް ހުށަހަޅާފައިވާ މައްސަލަތައް އަދި ތަހުގީގު ނުނިމޭ އިރު، ކުރިއަށް އޮތް ތަނުގައި މައްސަލަތަކުގެ ތަފުސީލްތައް ހާމަކުރަން ފަށާނެ ކަމަށް އެ ކޮމިޝަނުން ބުންޏެވެ.
އޭސީސީގެ އެންގުމަށް ތަބާނުވާން ލަފާދިނީ ޕީޖީ އޮފީހުން!
ޑރ. އަލީ ލަތީފަށް މަނީ ލޯންޑަރިންގެ ތުހުމަތު ވެސް
ޑރ. އަލީ ލަތީފާއި ކުޑަބަންދޭގެ މައްޗަށް ދައުވާކުރަނީ
ޒިފްލީނާއަށް ދައުވާކުރުމާ މެދު ގޮތެއް ނިންމަން ޕީޖީއަށް
ތުހުމަތުވާ މުވައްޒަފުން ވަގުތުން ވަކިކުރަން ލަފާ ދެނީ
ސްޓެލްކޯގެ ކުރީގެ އެމްޑީޝަރީފްގެ މައްސަލައެއް އޭސީސީއަށް
ދައުލަތުގެ ފާރަވެރިޔާ:ދަތް ނެތް ސިންގާއެއް؟!
މުއައްސަސާތަކަށް "ވާކަމެއް ހަރާން"، ކީއްވެ؟
ޔާމީންގެ ފައިސާ ދޫނުކުރީ އޭސީސީން ދެކޮޅު ހެދުމުން
ސްޓޭންޑް ދިފާއު ކުރައްވައި، އޭޖީ ހައްލަކާ ދިމާލަށް!