19 ފެބުރުއަރީ 2024
އިޒްރޭލުން ފަލަސްތީނަށް ދެމުން ގެންދާ ހަމަލާތައް ވަގުތުން ހުއްޓާލަން ގޮވާލުމަށް އަލްޖީރިއާ އިން ހުށަހަޅާފައިވާ ގަރާރަށް މި ހަފްތާގައި އދ.ގެ ސަލާމަތީ މަޖިލީހުގައި ވޯޓު ނަގާނެ ކަމަށް ބެލެވޭއިރު އެ ގަރާރު ފެއިލްކޮށްލުމުގެ ވިސްނުމުގައި އެމެރިކާއިން މިފަހަރު ވެސް ވާހަކަ ދައްކައިފި އެވެ.
އިޒްރޭލުން ފަލަސްތީނަށް ދެމުން ގެންދާ ހަމަލާތައް ވަގުތުން ހުއްޓާލަން ގޮވާލުމަށް އަލްޖީރިއާ އިން ހުށަހަޅާފައިވާ ގަރާރަށް މި ހަފްތާގައި އދ.ގެ ސަލާމަތީ މަޖިލީހުގައި ވޯޓު ނަގާނެ ކަމަށް ބެލެވޭއިރު އެ ގަރާރު ފެއިލްކޮށްލުމުގެ ވިސްނުމުގައި އެމެރިކާއިން މިފަހަރު ވެސް ވާހަކަ ދައްކައިފި އެވެ.
އަލްޖީރިއާއިން މި ގަރާރު އެކުލަވާލަން ފެށީ ހަމާސް ނައްތާލުމުގެ ނަމުގައި އިޒްރޭލުން ޣައްޒާއަށް ދެމުން ގެންދާ ހަމަލާތަކަކީ ނަސްލު ނައްތާލުމުގެ އަމަލުތަކެއްގެ ގޮތުގައި ބެލެވޭ ކަންކަން ހުރި ކަމަށް ފެންނާތީ އެފަދަ އެއްވެސް ކަމެއް ހިނގިޔަ ނުދިނުމަށް އިންޓަނޭޝަލް ކޯޓް އޮފް ޖަސްޓިސް (އައިސީޖޭ) އިން އަމުރެއް ނެރުމާ އެކުގަ އެވެ.
މި ގަރާރުގެ ޑްރާފްޓެއް އޭއެފްޕީއަށް ފެނިފައި ވާއިރު އޭގައި ވަނީ އިންސާނީ އެހީ ފޯރުކޮށްދިނުމުގެ ބޭނުމަށް ދެ ފަރާތުން ވެސް ވަގުތުން ހަމަލާތައް ހުއްޓާލަން ގޮވާލައިފަ އެވެ. އަދި ފަލަސްތީނުގެ އާންމުން ގެދޮރު ދޫކޮށްދާން މަޖުބޫރުކުރުވުން ހުއްޓާލުމަށާއި ހަމާސް އިން ރަހީނުކޮށްފައިވާ އިޒްރޭލު އެންމެން ވަގުތުން ދޫކޮށްލުމަށް ވެސް ގޮވާލާފައިވެ އެވެ.
އަލްޖީރިއާއިން އެދިފައި ވަނީ އަންގާރަ ދުވަހު ވޯޓަށް އެހުމަށެވެ. މީގެ ކުރިން ވެސް އިޒްރޭލާ ދެކޮޅު ކޮންމެ ގަރާރެއް ވީޓޯކޮށް ފެއިލްކޮށްލާ އެމެރިކާއިން މިފަހަރު ވެސް އޮތީ އެ ވިސްނުމުގަ އެވެ.
އެމެރިކާއިން އދ. އަށް ކަނޑައަޅާފައި ހުންނަވާ މަންދޫބު ލިންޑާ ތޯމަސް-ގްރީންފީލްޑް ނެރުއްވި ބަޔާނެއްގައި ވިދާޅުވީ އެމެރިކާގެ ރައީސް ޖޯ ބައިޑެން އާއި އިޒްރޭލުގެ ބޮޑުވަޒީރު ބިންޔާމިން ނަތަންޔާހޫ އަދި މިސްރާއި ގަތަރުގެ ވެރިން ގެންދަވަނީ ރަހީނުން މިނިވަންކުރުމާ އެކު ހަ ހަފްތާގެ ދިގު މުއްދަތަކަށް ހަމަލާތައް ހުއްޓުމަކަށް ގެނެވޭތޯ މަސައްކަތްކުރަމުން ކަމަށެވެ.
"ސަލާމަތީ މަޖިލީހަށް ހުށަހަޅާފައިވާ ގަރާރުން މި މަގްސަދުތަކެއް ހާސިލެއް ނުވާނެ. މިއީ އެ ކަންކަމާ ދިމާ އިދިކޮޅަށް ކަން ހިނގަން މެދުވެރިވެދާނެ ގަރާރެއް،" ތޯމަސް-ގްރީންފީލްޑް ވިދާޅުވި އެވެ.
"މި ގަރާރުގައި މި ހުރި ކަންކަމަށް އެމެރިކާގެ ތާއީދެއް ނެތް،" އޭނާ ވިދާޅުވި އެވެ. "މިހާރު ޑްރާފްޓް އޮތް ގޮތަށް ހުށަހަޅައިފި ނަމަ އެ ގަރާރު ފާހެއް ނުވާނެ."
މީގެ ކުރިން މި މައްސަލައިގައި ހުށަހެޅި ބައެއް ގަރާރުތަކުގައި ހަމާސްގެ ހަމަލާ ކުށްވެރި ނުކުރާ ކަމަށް ބުނެ އެމެރިކާ އާއި އިޒްރޭލުން އެ ގަރާރުތަކާ ދެކޮޅުހެދި އެވެ. އަލްޖީރިއާގެ ގަރާރުގައި ވެސް ހަމާސް ކުށްވެރިއެއް ނުކުރެ އެވެ.
އޮކްޓޫބަރު 7 ގައި ހަމާސްއިން ހަމަލާދީ އިޒްރޭލުން ހާހަކަށް ވުރެ ގިނަ މީހުން މަރާލުމުގެ ބަދަލު ހިފުމަށް އިޒްރޭލުން ދޭން ފެށި ހަމަލާތަކުގައި މިހާތަނަށް ފަލަސްތީނުގެ 28،000 އަށް ވުރެ ގިނަ މީހުން ވަނީ ޝަހީދުވެފަ އެވެ. -- އޭއެފްޕީ
އދ.ގައި އޮތީ އިޒްރޭލު ހިމާޔަތްކުރާ މަޖިލީހެއް
ޣައްޒާގައި އެހީގެ ހުރިހާ މަސައްކަތެއް ހުއްޓިއްޖެ: އދ
"ޣައްޒާގައި ޔަގީންވާ ހަމައެކަނި ކަމަކީ މަރު"
އެމެރިކާއިން އިޒްރޭލަށް 20 ބިލިއަން ޑޮލަރުގެ ހަތިޔާރު
އޮކްޓޫބަރު 7ގެ ހަމަލާގައި އދ.ގެ ނުވަ މީހަކު ހިމެނޭ
މެދުއިރުމަތީގެ ކޮންމެ ހާލަތަކަށް ވެސް އެމެރިކާ ތައްޔާރު
ހަމަލާ ހުއްޓާލުމުގެ ހުށަހެޅުމަށް ހަމާސްއިން ޖަވާބު ދީފި
ޣައްޒާގެ ސްކޫލަކަށް ބޮން އަޅައިފި؛ 37 މަރު
ޣައްޒާއިން ސާފުކުރަންޖެހޭ 37 މިލިއަން ޓަނުގެ ގާކުނޑި
ޔުނިވަސިޓީތަކުގައި ފަލަސްތީނުގެ ދިފާއުގައި މުޒާހަރާ