60 އަހަރަށްފަހު ވެސްޓްހޭމްގެ ބޮޑު ބަލި، މާ ކުރިން ސަޕޯޓަރުން ވެސް ފޫހިވެއްޖެ

ލަންޑަން (ފެބްރުއަރީ 12) – އާސެނަލް އަތުން 6-0 ން ބަލިވެ 60 އަހަރު ފަހުން އަމިއްލަ ދަނޑުގައި ވެސްޓްހޭމް ޔުނައިޓެޑަށް ބޮޑު ބައްޔަކާ ކުރިމަތިލާން ޖެހިއްޖެ އެވެ.

ލަންޑަން ސްޓޭޑިއަމްގައި ކުޅުނު މެޗުގެ ފުރަތަމަ ހާފުގައި އާސެނަލްއިން ހަތަރު ލަނޑު ޖެހި އެވެ. ފުރަތަމަ ހާފު ނުނިމެނީސް ވެސްޓް ހޭމްގެ ގިނަ އަދަދެއްގެ ސަޕޯޓަރުން ދަނޑުން ނުކުމެގެން ދާން ފެށި އެވެ.

މިއީ 1963 ވަނަ އަހަރު ބްލެކްބާން ރޯވާސް އަތުން 8-2 އިނ ވެސްޓްހޭމް އަމިއްލަ ދަނޑުގައި ބަލިވި ފަހުން އެ ޓީމު އެންމެ ތަފާތު ބޮޑުކޮށް ބަލިވި މެޗެވެ. އަދި މިއީ 1932 ގެ ފަހުން އާެސެނަލްއިން ވެސް އަވޭގައި އެންމެ ތަފާތު ބޮޑުކޮށް މޮލުވި މެޗެވެ.

މެޗުގައި ބުކަޔޯ ސަކާ ޖެހި ދެ ލަނޑާ އެކު އޭނާ ވަނީ އާސެނަލް އަށް 50 ލަނޑު ޖަހައި ދީފަ އެވެ. އެ ޓީމުގެ އަނެއް ހަތަރު ލަނޑު ޖެހީ ވިލިއަމް ސަލީބާ އެވެ. ގެބްރިއަލް މަގަލޭސް ލިއޮންޑްރޯ ޓްރޮސޯޑް އަދި ޑެކްލަން ރައީސް އެވެ.