ޓެކްސީއެއްގައި ގެންދިޔަ ރާފުޅިތަކެއް އަތުލައިގެންފި

ގިނަ އަދަދެއްގެ ރާފުޅިތަކަކާއެކު ދެ މީހަކު މިރޭ ހުޅުމާލޭން ހައްޔަރު ކޮށްފި އެވެ.

ފުލުހުންނަށް ރާފުޅިތައް ފެނިފައިވަނީ ޓެކްސީއެއްގައި އެތަކެތި ގެސްޓްހައުސްއަކަށް ގެންދަނިކޮށެވެ.

މަންޒަރު ދުށް މީހުން ބުނިގޮތުގައި ހުޅުމާލޭ ހަނދުވަރީ ހިނގުމުން ދިޔަ އެ ޓެކްސީ ހުއްޓުވައި އޭގެ ޑިކީގެ ތެރޭން ގިނަ އަދަދެއްގެ ރާފުޅި ވަނީ އަތުލައިގެންފަ އެވެ. އެކަމަކު އަތުލައިގަތީ ކިހާ ބައިވަރު ރަލެއް ކަން އަދި ވަނީ ސާފުވާ ގޮތް ނުވެފަ އެވެ.

ޓެކްސީގެ ޑްރައިވަރާއި އޭގައި އިން އިތުރު މީހަކު ހައްޔަރު ކޮށްފައިވާ ކަމަށް މަންޒަރު ދުށް މީހުން ބުންޏެވެ.

ފުލުސް އޮފީހުން މިކަމާ ގުޅޭގޮތުން އަދި ވަކި އެއްޗެކޭ ނުބުނެ އެވެ.