ޝްވެކްގެ ޓިކެޓު ލިބޭ އެލައިޑުގެ ސޯޝަލް މީޑިއާ ޕްރޮމޯޝަނެއް

އެލައިޑު އިންޝުއަރެންސް އިން ސޯޝަލް މީޑިއާ ޕްރޮމޯޝަނެއް ފަށައިފި އެވެ.

މި ޕްރޮމޯޝަނުގައި އެ ކުންފުނީގެ ޕޭޖުގައި ހިމެނޭ، ސޯޝަލް މީޑިއާގެ ޕްރޮމޯޝަން ޕޯސްޓުކުރާ ފަރާތްތަކުގެ ތެރެއިން ގުރުއަތުން ހޮވޭ ފަރާތަކަށް ޝްވެކް ސިނަމާއިން ދެ ފިލްމު ޓިކެޓު ލިބޭނެ އެވެ. ޕްރޮމޯޝަންގެ މުއްދަތުގައި ކޮންމެ ހަފުތާއަކު ވެސް ދެ ޓިކެޓު ދޭނެ އެވެ.

މި ޕްރޮމޯޝަން ކުރިއަށް ދާނީ އަންނަ މަހުގެ ހަތަރު ވަނަ ދުވަހުގެ ނިޔަލަށެވެ.

މި ޕްރޮމޯޝަނުގައި ބައިވެރިވާން އެލައިޑުގެ ސޯޝަލް މީޑިއާ އެކައުންޓު ފޮލޯކުރަން ޖެހޭނެ އެވެ. އަދި ޕްރޮމޯޝަންގެ ޕޯސްޓަށް ލައިކުކޮށް، ތިން މީހަކު ކޮމެންޓުގައި ޓެގުކޮށް ބައިވެރިވެވޭނެ އެވެ. މި ޕްރޮމޯޝަނުގައި ފޭސްބުކް އަދި އިންސްޓަގްރާމް މެދުވެރިކޮށް ވެސް ބައިވެރިވެވޭނެ އެވެ.

މި ޕްރޮމޯޝަނުގެ ގުރުއަތު ނެގުން އޮންނާނީ ކޮންމެ ހަފްތާއެއްގެ ބުރާސްފަތި ދުވަހު އެވެ.