15 މެއި 2023
ބަންގްލަދޭޝްގެ ޑާކާގައި މިހާރު ކުރިއަށް ގެންދާ އައިއެޗްއެފް ޓޮރޮފީ އޭޝިއާ ބައްރުގެ ޒޯން 2ގައި ވާދަކުރާ ރާއްޖޭގެ 17 އަހަރުން ދަށުގެ އަންހެން ޔޫތު ހޭންޑްބޯޅަ ޓީމާއި 19 އަހަރުން ދަށުގެ އަންހެން ޖޫނިއާ ހޭންޑްބޯޅަ ޓީމު ވެސް އިއްޔެ އިންޑިއާއާ ވާދަކޮށް، ބަލިވެއްޖެ އެވެ.
ބަންގްލަދޭޝްގެ ޑާކާގައި މިހާރު ކުރިއަށް ގެންދާ އައިއެޗްއެފް ޓޮރޮފީ އޭޝިއާ ބައްރުގެ ޒޯން 2ގައި ވާދަކުރާ ރާއްޖޭގެ 17 އަހަރުން ދަށުގެ އަންހެން ޔޫތު ހޭންޑްބޯޅަ ޓީމާއި 19 އަހަރުން ދަށުގެ އަންހެން ޖޫނިއާ ހޭންޑްބޯޅަ ޓީމު ވެސް އިއްޔެ އިންޑިއާއާ ވާދަކޮށް، ބަލިވެއްޖެ އެވެ.
އުމުރުން 17 އަހަރުން ދަށުގެ ޔޫތު ޓީމު އިންޑިއާ އަތުން ބަލިވީ 14-42 އިންނެވެ. އިންޑިއާގެ ޖޫނިއާ ޓީމުން ރާއްޖޭގެ 19 އަހަރުން ދަށުގެ ޖޫނިއާ ޓީމު ބަލިކުރީ 09-55 އިންނެވެ.
މުބާރާތުގައި ވާދަކުރާ ރާއްޖޭގެ ޒުވާން ދެ ޓީމު ކުޅުނު ފުރަތަމަ މެޗުން ވެސް ވަނީ ބަލިވެފަ އެވެ. ދެ ޓީމު ވެސް ފުރަތަމަ ކުޅުނީ މުބާރާތް ބާއްވާ ގައުމު ކަމަށްވާ ބަންގްލަދޭޝްއާ ދެކޮޅަށެވެ. އެ ގައުމާ ވާދަކޮށް، ޔޫތު ޓީމު 48-10 އިން ބަލިވި އިރު، ޖޫނިއާ ޓީމު ބަލިވީ 38-21 އިންނެވެ.
ދެ އުމުރުފުރާގައި ވެސް ހަތަރު ގައުމަކުން ވާދަ ކުރާއިރު، ލީގު ބުރުގެ ފަހު މެޗުގައި މިއަދު ރާއްޖޭގެ ޒުވާން ދެ ޓީމު ވެސް ނުކުންނާނީ ނޭޕާލާ ދެކޮޅަށެވެ.
ނޭޕާލްގެ ޔޫތު ޓީމު ވަނީ އިއްޔެ ބަންގްލަދޭޝް އަތުން 50-4 އިން ބަލިވެފަ އެވެ. ނޭޕާލްގެ ޖޫނިއާ ޓީމް ބަންގްލަދޭޝް އަތުން ބަލިވީ 23-9 އިންނެވެ. މުބާރާތުގައި ނޭޕާލް ފުރަތަމަ ކުޅުނީ އިންޑިއާއާ ދެކޮޅަށެވެ. ނޭޕާލްގެ ޔޫތު ޓީމު އިންޑިއާ އަތުން 47-1 އިން ބަލިވެފައި ވާއިރު، ޖޫނިއާ ޓީމު ބަލިވީ 46-8 އިންނެވެ.
އިންޑިއާ އާއި ބަންގްލަދޭޝް ވަނީ ދެ އުމުރުފުރާގެ ވެސް ފައިނަލުން ޖާގަ ހޯދައިފަ އެވެ. މިއާ އެކު ނޭޕާލާ ދެކޮޅަށް މިއަދު ކޮންމެ ނަތީޖާއެއް ނުކުތް ކަމުގައި ވިއަސް ތިންވަނަ ހޮވާ މެޗުގައި ރާއްޖޭގެ ދެ ޓީމު ވެސް ވާދަ ކުރާނީ ނޭޕާލާ ދެކޮޅަށެވެ.
ތިންވަނަ ހޮވާ މެޗުތައް މާދަމާ ކުޅުމަށް ހަމަޖެހިފައި ވާއިރު، ފައިނަލް މެޗުތައް އޮންނާނީ ބުދަ ދުވަހު އެވެ.
މިއީ ރާއްޖޭގެ ޒުވާން ގައުމީ އަންހެން ޓީމުތަކުން ބައިނަލްއަގުވާމީ ލެވެލްގައި ވާދަ ކުރާ ފުރަތަމަ ފަހަރެވެ.
20 އަހަރުން ދަށުގެ ހޭންޑްބޯޅަ ޓީމަށް ބްރޯންޒް މެޑަލް
ޒުވާން ހޭންޑްބޯޅަ ދެ ޓީމު ވެސް ފެށީ އިތުބާރާ އެކު
ހޭންޑްބޯލް ޗެމްޕިއަނުންނަކީ ރެޑްހޯކްސް އާއި ޒެފްރޯލް
އޮރިކްސް ކަޓައިފި، ފައިނަލުގައި ރެޑްހޯކްސް އާއި ކީންސް
ހޭންޑްބޯލް: ފިރިހެން ފައިނަލަށް ސިފައިންނާއި ޒެފްރޯލް
ސެމީގައި އޮރިކްސް އާއި ރެޑްހޯކްސް ވާދަކުރަން ޖެހިއްޖެ
ހޭންޑްބޯލް އެސޯސިއޭޝަން ކަޕް: އަންހެން ކުއާޓާ މާދަމާ
ދޭތިން އެކައްޗަށް ގޮސް މެޑަލް ހޯދައިދޭން އެދިއްޖެ
ޒުވާން ދެ ޓީމު ވެސް ހޭންޑްބޯޅައިން މެޑަލް ހޯދައިފި
ނޭޕާލް ބަލިކޮށް ދެ ޓީމު ވެސް ތިންވަނައިގެ އުންމީދުގައި