ސިމްޑީ ރޯދަ ޕްރޮމޯޝަންގެ 100،000ރ. ދީފި

ސިމްޑީގެ ރޯދަ ޕްރޮމޯޝަންގެ ބޮޑު އިނާމަކަށް ހުށަހެޅި 100،00ރ. ލިބުނު ފަރާތް އިއުލާނުކޮށް އިނާމު ހަވާލުކޮށްފި އެވެ.

މިއަދު ސިމްޑީގެ ހެޑް އޮފީހުގައި އޮތް ރަސްމިއްޔާތު ރޯދަ ޕްރޮމޯޝަންގެ އެއް ވަނަ ދެ ވަނަ އަދި ތިން ވަނަ އަށް ދިޔަ ފަރާތްތަކަށް އިނާމު ވަނީ ހަވާލުކޮށްފަ އެވެ.

ޕްރޮމޯޝަނުގެ އެއް ވަނަ އަށް ހޮވުނީ އައިމިނަތު ހަލީމެވެ. އޭނާއަށް ލިބުނު 100،000ރ. ރަމްޒީ ގޮތުން ހަވާލުކޮށް ފައިސާ އޭނާގެ އެކައުންޓަށް ވަނީ ޖަމާކޮށްފަ އެވެ. ދެ ވަނަ އަށް ދިޔަ އަހުމަދު ނިޝާނަށް ލިބުނު ބައި ލައްކަ ރުފިޔާ ވެސް ރަމްޒީކޮށް ހަވާލުކޮށް އޭނާގެ އެކައުންޓަށް ފައިސާ ވަނީ ޖަމާކޮށްފަ އެވެ.

އެ ރަސްމިއްޔާތުގައި ޕްރޮމޯޝަނުގެ ތިން ވަނަ އަށް ދިޔަ މުހައްމަދު އަހްޝަން ހަބީބަށް ލިބުނު 25،000ރ. ގެ ހޯމްޕެކެއް ވަނީ ހަވާލުކޮށްފަ އެވެ.

ސިމްޑީގެ ރޯދަ ޕްރޮމޯޝަން ކުރިއަށް ދިޔައީ ފެބްރުއަރީ 19 އިން މި މަހުގެ ތިން ވަނަ ދުވަހުގެ ނިޔަލަށެވެ. މި ޕްރޮމޯޝަން ކުރިއަށް ދިޔައީ ސިމްޑީގެ ފިހާރަތަކުންނާއި އެޕްލިކޭޝަން މެދުވެރިކޮށް 500ރ. އިން މަތީގެ ވިޔަފާރި ކުރި ކަސްޓަމަރުންގެ މެދުގަ އެވެ.

މި އަހަރުގެ ސިމްޑީގެ ރޯދަ ޕްރޮމޯޝަނުގައި ކޮންމެ ހަފްތާއަކު "ވީކްލީ" އިނާމުތަކެއް ވެސް ދިނެވެ.