މާލީ ރިޕޯޓް ހުށަނާޅާތީ ހަތް ޕާޓީއެއް ޖޫރިމަނާކޮށްފި

މާލީ ރިޕޯޓްތައް ހުށަނާޅާތީ އިލެކްޝަންސް ކޮމިޝަނުން ހަތް ޕާޓީއެއް ޖޫރިމަނާކޮށްފި އެވެ.

އިލެކްޝަންސް ކޮމިޝަނުން ބުނީ މާލީ ރިޕޯޓްތައް ހުށަހަޅަންޖެހޭ މުއްދަތުގައި އެ ރިޕޯޓް ހުށަނާޅާތީ ޖޫރިމަނާ ކުރީ އަދާލަތު ޕާޓީ އާއި އެމްއެންޕީ އާއި އެމްއާރުއެމް އާއި ޕީއެންސީ އާއި ޑީއާރުޕީގެ އިތުރުން އެމްޓީޑީ އާއި އެމްއެލްއެސްޑީޕީ ކަމަށެވެ.

ކޮންމެ ޕާޓީއެއް ޖޫރިމަނާކުރީ 20،000ރ. އިންނެވެ. އެކަން އެ ޕާޓީތަކަށް މިހާރު އަންގާފައިވާ ކަމަށް އިލެކްޝަންސް ކޮމިޝަނުން ބުންޏެވެ.

ސިޔާސީ ޕާޓީތަކުގެ ގާނޫނު ބުނާގޮތުން ކޮންމެ ޕާޓީއެއްގެ ވެސް މާލީ ހިސާބުތަކާއި އަރަންޏާއި ދަރަނީގެ މައުލޫމާތު ހިމެނޭ ރިޕޯޓެއް ކޮންމެ ޕާޓީއަކުން އިލެކްޝަންސް ކޮމިޝަނަށް ހުށަހަޅަން ޖެހޭނެ އެވެ. އެގޮތަށް އަމަލު ނުކޮށްގެން ކުރިން ވެސް ބައެއް ޕާޓީތައް ޖޫރިމަނާ ކުރި އެވެ.

އެހެން ނަމަވެސް ޕާޓީތަކަށް ދައުލަތުން ފައިސާ ދޭނީ 10،000 މެމްބަރުން ހަމަވާ ނަމަ އެވެ.